Maraicoir

பெரியார் பார்வையில் இஸ்லாம்

2011-01-21T20:17:00.002+05:30

பி.ஜே என்றொரு ஞாநி கலக்கல் காமெடி பாடல்

2011-01-20T18:37:00.001+05:30

எலந்தகுடியிலும் விடுதலை சிறுத்தைகளின் அராஜகம்

2011-01-13T17:27:00.005+05:30

ஒடுக்கப்பட்ட மக்களின் அரசியல் விழிப்புணர்வுக்காக முஸ்லிம் சமுதாயம் தொடர்ந்து குரல் கொடுத்து வருகிறது.

ஆனால் தாழ்த்தப்பட்ட பிற்படுத்தப்பட்ட மக்கள் அரசியல் அரங்கில் மேன்மை பெறவேண்டும் என லட்சியத்துடன் செயல் பட்டுவரும் அனைவருக்கும் அதிர்ச்சி ஏற்படும் வண்ணம் தமிழகத்தில் பல இடங்களில் விரும்பத்தகாத நிகழ்வுகள் நடந்து வருகின்றன். கடந்த பதிவில் இதுகுறித்து ஓர் செய்தி வெளியிடப்பட்டது. இப்போது நாகை மாவட்டம் மயிலாடுதுறை வட்டம் எலந்தகுடி கிராமத்தில் விடுதலை சிறுத்தை கட்சியினர் தொடர்ந்து அராஜகம்செய்து வரும் தகவல்கள் நாடெங்கும் பெரும் பரபரப்பை ஏற்படுத்தி வருகின்றன.

விடுதலை சிறுத்தை அமைப்பினர் திட்டமிட்டு எலந்தகுடி கிராமத்தில் அமைதிக்கு பங்கம் ஏற்படுத்தி வருகின்றனர்.

வெளியூரில் இருந்து திருமணத்திற்காக வந்த முஸ்லிம்களை வேண்டுமென்றே விடுதலை சிறுத்தை கட்சியினர் வம்புக்கிழுத்து தாக்குதல் தொடுத்துள்ளனர். விருந்தாளிகளாக வந்த வெளியூர் முஸ்லிம்களை தாக்கியதை தட்டிக் கேட்ட எலந்தகுடி முஸ்லிம் மக்களை ஆட்டோ ஓட்டுனர்கள் என்ற போர்வையில் தாக்குதல் நடத்தியுள்ளனர்.

பள்ளிவாசலுக்குச் சொந்தமான குளமான மவ்லா குட்டைகுளத்தில் இறங்கி சட்ட விரோதமாக மீன் பிடிக்கவும் முயன்று வருகின் றனர்.

எலந்தகுடி ஹாஜியார் தெருவில் அந்த அமைப்பின் ரவுடிகள் புகுந்து சகாபுதீன், சபீக் அகமது என்ற இரண்டு இளைஞர்களையும் வீடு புகுந்து தாக்கியுள்ளனர்.
ஜின்னாதெருவில் நள்ளிரவு நேரத்தில் பயங்கர ஆயுதங்களுடன் முஸ்லிம் இளைஞர்களை கொடூரமாகத் தாக்கி வருவதும் தொடர்கதையாகி வருகிறது. இது குறித்து காவல்துறையினரிடம் புகார் தெரிவித்தால் கூட காவல்துறையினர் சரியான நடவடிக்கை எடுப்பதில்லை. அத்தோடு புகார் அளித்தவரை யும் தாக்குதலுக்கு ஆளானவர்களையும் பொய் வழக்கு போட்டு காவல்துறையினர் கொடுமை படுத்தும் போக்கும் தொடர்தாக அவ்வூர் மக்கள் குமுறுகின்றனர்.

நள்ளிரவு நேரத்தில் காரணம் எதுவுமின்றி குறிப்பிட்ட அமைப்பை சேர்ந்தவர்கள் இரு சக்கர வாகனத்தில் கூச்சலிட்டுக்கொண்டு முஸ்லிம்கள் வசிக்கும் தெருக்களில் சுற்றுவது தேவையற்ற பதட்ட நிலையை அதிகரித்துள்ளது.

பள்ளிவாசல் தெரு மதகுகளில் அமர்ந்து கொண்டு முஸ்லிம் பெண்களை கிண்டல் செய்து பெரும் மன உளைச்சலுக்கு ஆளாக் கியுள்ளனர்.
எலந்தகுடி பகுதிக்கு அருகில் உள்ள அரிவலம் பகுதியைச் சேர்ந்த விடுதலை சிறுத்தைகள் இதுபோன்ற அராஜகங்கள் விளைவித்து சமூக ஒற்றுமைக்கு வேட்டு வைக்கும் வேலையைத் தொடர்ந்து செய்து வருகின்றனர் என்பது அப்பகுதி மக்களின் குமுறலாகும்.

அப்பகுதி முஸ்லிம்கள் சமூக அமைதிக்கும் ஒற்றுமைக்கும் முன்னுரிமை கொடுக்கும் சமாதானப் பிரியர்கள் என்பதாலே அப்பகுதி அமைதிப் பூங்காவாக உள்ளது.

இதனை காவல்துறையும் மாவட்ட நிர்வாகமும் உடனடியாக கவனத்தில் எடுத்துக்கொள்ளாவிடில் அந்தப்பகுதி பதட்டப் பிரதேசமாகும் அபாயம் உள்ளது. எனவே உடனடியாக நட வடிக்கை எடுத்து எலந்தகுடி முஸ்லிம் மக்களின் சமாதானசக வாழ்வுக்கு உத்திரவாதம் தர அரசாங்கம் முன் வரவேண்டும்.

இப்பிரச்சனை தொடர்பாக பள்ளி வாசல் நிர்வாகம், தமிழக முதல்வர் தொடங்கி அனைத்து முக்கிய துறை யினருக்கும் முறையீடு செய்தும் நடவடிக்கை துரிதமாக்கப்படவில்லை. பற்றி எரியும் இப்பிரச்சனையை உடனடியாக கவனிக்காமல் தாமதப்படுத்தும் மாநில காவல்துறை செயல் நிச்சயம் கண்டிக்கக்கூடியது.

தலித்துகளின் உற்ற நண்பர்களான முஸ்லிம்களோடு மோதும் விடுதலை சிறுத்தைகள் தங்கள் பழைய நாட்களை எண்ணிப் பார்க்க வேண்டும். தங்கள் வளர்ச்சிக்கு துணையாக இருந்தவர்களை பகைப்பது நியாயம் தானா?

முஸ்லிம்களோடு மோதும் சிறுத்தைகள்-பேரணாம்பட்டில் தகுந்த பாடம்

2011-01-13T16:11:00.002+05:30

வேலூர் மாவட்டம், பேரணாம்பட்டு நகரத்தில் இஸ்லாமியர்கள் கணிசமான அளவில் வாழ்ந்து வருகிறார்கள். இங்கு முஸ்லிம்களும், தலித்களும் ஒற்று மையோடு வாழ்ந்து வருகிறார்கள், இந்த ஒற்றுமையை சீர்குலைக்கும் விதமாக விடுதலை சிறுத்தை கட்சியின், தமிழ் தேசிய பேரவை, வடக்கு மாவட்ட செயலாளரான வேதாச்சலம் என்பவர் தொடர்ந்து கடந்த 2 வருடங்களாக முஸ்லிம்கள் மீது அராஜகப் போக்கை மேற்கொண்டு வந்தார், குறிப்பாக முஸ்லிம் சமுதாயத்தை இழிவாகப் பேசுவ தும், முஸ்லிம் பெண்களை அநாகரீகமாகப் பேசியும் வந்தார்.

இதன் உச்சக்கட்டமாக 16.12.10 வியாழன் அன்று மாலை 6.30 மணியளவில் புதிதாக கட்டப்பட்டுள்ள பேரணாம்பட்டு நகராட் சியின் புதிய கட்டட அலுவலகத்தில் நுழைந்த வேதாச்சலம், புதிய கட்டடத் திறப்பு விழாவிற்கு வருகை தரவுள்ள துணை முதல்வர் மு.க.ஸ்டாலின் நிகழ்ச்சியின் நோட்டீசில் என் பெயர் ஏன் இல்லை? என்று கேட்டவாறே அங்கி ருந்த திமுகவை சேர்ந்த முஸ்லிம் கவுன் சிலரான முன்னா என்பவரைத் தாக்கியது மட்டுமில்லாமல், அங்கிருந்த மற்ற முஸ்லிம் களையும் தன்னுடைய கூட்டாளிகளோடு சேர்ந்து கொலை வெறியோடு தாக்கியுள்ளார், அதன் பின்னர் வெளியில் வந்த வேதாச் சலம் பொது இடத்தில் முஸ்லிம்களை அறுவருப்பான வார்த்தைகளில் திட்டினார். இதனைத் தொடர்ந்து அங்கிருந்த பொதுமக்கள் காவல்துறையிடம் முறையிட்ட போது நடவடிக் கை எடுக்காமல் காலம் தாழ்த்தியதால், கோபம டைந்த பொதுமக்கள் நூற்றுக்கணக்கில் ஒன்று திரண்டு சாலையில் வந்து போராடிய போது, சிறு கல்வீச்சு சம்பவம் நடைபெற்றது.

உடனடியாக வேதாச்சலத்தை கைது செய்யவில்லை என்றால் 18.12.10 அன்று வருகை தரவுள்ள மு.க.ஸ்டாலினுக்கு கருப்பு கொடி காட்டும் ஆர்ப்பாட்டம் நடத்தப்படும் என்று அறிவிக்கப்பட்டது, அதன்பின் மாவட்ட கண்காணிப்பாளர் திரு.அன்பு அவர்களை சந்தித்து உடனடியாக வேதாச்சலத்தை கைது செய்ய வலியுறுத்தப்பட்டதுடன், அப்பாவி களை விடுதலை செய்யவும் வலியுறுத் தினர். இதே நேரத்தில் தமுமுக பொதுச் செயலாளர் செ.ஹைதர் அலி அவர்க ளுக்கு தகவல் கொடுக்கப்பட்டது. இதை தொடர்ந்து காவல்துறை உயர் அதிகாரிகளை பொதுச்செயலாளர் அவர்கள் தொடர்பு கொண்டு பேசினார், தொடர்ந்து பொதுச் செயலாளரின் ஆலோசனையை பெற்று மாவட்ட நிர்வாகிகள் செயல்பட்டனர். இதைத் தொடர்ந்து அன்பு அவர்கள் வேதாச் சலத்தை மிக விரைவில் கைது செய்வ தாகவும், அப்பாவிகளை விடுதலை செய்து விடுவதாகவும் வாக்குறுதி அளித்தார்.

இவருடைய வாக்குறுதியை நீண்ட ஆலோசனைக்குப்பின் ஏற்றுக்கொண்ட நிர்வாகிகள், அறிவித்த கறுப்புக் கொடி காட்டும் ஆர்ப்பாட்டத்தை தற்காலிகமாக நிறுத்திக் கொண்டனர். அதன் பின் கைது செய்யப்பட்ட 8 பேரும் இரவு 1.00 மணிக்கு விடுதலை செய்யப்பட்டனர். ஊரும் அமைதியானது.

தொடர்ந்து தமிழகமெங்கும் விடுதலை சிறுத்தைகள் சமீபகாலமாக முஸ்லிம் பகுதிகளில் அராஜகம் செய்வதும், முஸ்லிம் களையே தாக்குவதும் பெருகி வருகிறது. திருமாவளவனும், வன்னியரசும் தங்கள் கட்சியினரை கட்டுப்படுத்துவார்களா?

பெரியபட்டிணம் படகு விபத்து

2010-12-27T16:34:00.001+05:30

செம்மொழி மாநாட்டுக்கு அப்துல் கலாமுக்கு அழைப்பில்லையா?

2010-06-23T21:02:00.003+05:30

இன்று கோலாகலமாக தொடங்கிய உலகத் தமிழ் மாநாட்டில் ஒரு முக்கிய நபர் குறித்து கிட்டத்தட்ட பலரின் வாய்களும் முனுமுனுத்தன - அவர் அப்துல் கலாம்.

முன்னாள் குடியரசுத் தலைவரான அப்துல் கலாம் மிகச் சிறந்த தமிழ் ஆர்வலர் என்பது அனைவருக்கும் தெரியும். தமிழ்ப் பற்றுடன் கூடிய அவர் ஏராளமான கவிதைகளைப் படைத்தவர். திருக்குறள் மீது மிகுந்த பற்று கொண்டவர். தமிழ் இசையிலும் பெரும் நாட்டம் படைத்தவர்.

ஆனால் இன்று தொடங்கிய செம்மொழி மாநாட்டில் அவரைக் காணவில்லை. தொடக்க விழாவுக்கு அவரும் அழைக்கப்பட்டிருக்க வேண்டும் என்ற முனுமுனுப்பு பெரிதாக எழுந்துள்ளது.

கலாமுக்கு அழைப்பு அழைப்பப்பட்டதா, இல்லையா என்பது தெரியவில்லை. எப்படி இருப்பினும் கலாம் இன்று காணப்படாதது, பலரிடமும் கேள்விளை எழுப்பியுள்ளது.

நன்றி:

மறக்க முடியுமா மே-15

2010-05-15T19:57:00.002+05:30

நாடாளுமன்ற தேர்தல் முடிந்து இன்றோடு ஒராண்டுகள் ஆகின்றது. திமுக ரவுடிகள் ஆடிய ருத்ர தாண்டவனம் வீடியோ வடித்தில்...

குஜராத்: கொடூரத்தின் பதிவாக ஒரு குறும்படம் ‘திற' சென்னையில் எழுச்சியுடன் நடைபெற்ற திரையிடலும் திறனாய்வும்

2009-12-22T19:48:00.003+05:30

குஜராத்தில் 2002ம் ஆண்டு நடைபெற்ற முஸ்லிம் இனப்படுகொலைகள் உலகையே உறைய வைத்தன. இந்துத்துவத்தின் சோதனைச் சாலை என வர்ணிக்கப்பட்ட குஜராத்தின் முதலமைச்சர் நரேந்திர மோடியின் ஆசிகளோடும், வழிகாட்டுதல் மற்றும் அரசு எந்திர உதவிகள் துணையுடனும் சங்பரிவார பயங்கரவாதிகள் மூவாயிரத்திற்கும் மேற்பட்ட முஸ்லிம்களைப் படுகொலை செய்தனர். படுகொலை செய்யப்பட்டவர்களில் பெண்களும், குழந்தைகளும் ஏராளம் அடங்குவர். பல்லாயிரம் கோடி ரூபாய் மதிப்பிலான சொத்துகள் சூறையாடப்பட்டன. ஒரு லட்சத்திற்கும் மேற்பட்ட முஸ்லிம்கள் சொந்த ஊரிலேயே அகதிகளாக்கப்பட்டனர்.

மத்தியிலும், மாநிலத்திலும் பாஜகவின் ஆட்சி நடந்தால் இத்தகைய இனப்படுகொலைகள் அரசு உதவியுடன் அரங்கேறும் என்று குஜராத்தில் காட்டப்பட்டது.

இதையெல்லாம் முன்னின்று நடத்திய கொலை பாதகன் மோடிக்கு மறுபடியும் முதலமைச்சர் பதவி, தண்டனையாக(?) வழங்கப்பட்டது. (முஸ்லிம்களை அகதி முகாம்களில் அடைத்துவிட்டு தேர்தலில் வெற்றி பெற்றது பாஜக.

குஜராத் இனப்படுகொலைகளின் போது முஸ்லிம் பெண்களின் மீது சங்பரிவார ஆண் மிருகங்கள் நடத்திய பாலியல் கொடுமைகள் எழுத்தில் வடிக்க இயலாதவை. இந்தக் கொடியவர்களுக்கு நீதிமன்றங்களில் கண்டனம்தான் தெரிவிக்க முடிந்ததே தவிர, நடந்த கொலைகளுக்கு உரிய தண்டனைகளை வழங்க முடியவில்லை.

மறதியால் சபிக்கப்பட்ட மக்களை திசைதிருப்ப எத்தனையோ வேடிக்கைகள் இங்கே அரங்கேறும். மதவெறியின் கொடூரங்களை அதனால் நடத்தப்பட்டக் கொடுமைகளை, அதை வழிநடத்திய தலைமைகளை, சட்டக் காப்பாளர்களின் கயமைகளை, மக்கள் மறந்துவிடாமலும், மனங்கள் மரத்துவிடாமலும் யாராலும் தடுக்க முடியும்.

அதைச் செய்யவல்ல ஒரே ஆயுதம் கலை ஊடகம்தான். குஜராத்தின் கொடுமைகளை சுப்ரதீப் சக்ரவர்த்தியின் கோத்ரா தக், ரமேஷ் டாம்பிளின் ஆக்ரோஷ் ஆகிய குறும்படங்களின் வாயிலாக வெளிக்கொணரப்பட்டன.

ஆனால் தமிழில் குஜராத்தின் கொடுமைகளை அதியற்புதமாய்ப் பதிவு செய்துள்ளார் இளம் இயக்குநர், பிரின்சு என்.ஆர்.எஸ். பெரியார்.

‘திற' (Open) என்ற அவரது குறும்படத்தின் திரையிடல் மற்றும் திறனாய்வு 17.12.09 அன்று சென்னை ரஷிய கலாச்சார மையத்தில் நடைபெற்றது.

தமிழ்நாடு அரசு திரைப்படக் கல்லூரி மாணவரான பிரின்சு என்.ஆர்.எஸ். பெரியார், மக்கள் மனசாட்சியை உலுக்கும் வகையில் இந்தக் குறும்படத்தை எடுத்துள்ளார். ஆர்.எஸ்.எஸ். குண்டர்களின் அயோக்கியத்தனங்களை, அராஜகங்களை இப்படித் தோலுரித்துக் காட்டிய படம், நாமறிந்த வரை தமிழில் இதுபோல வேறில்லை எனலாம்.

படம் 12 நிமிடங்கள் மட்டுமே ஓடுகிறது. அது ஏற்படுத்தும் தாக்கமோ மணிக்கணக்கில், ஏன் நாள்கணக்கில் நீள்கிறது.

‘திற’ குறும்படம், ஒட்டுமொத்த தேசத்தையும் குற்றவாளிக் கூண்டில் நிறுத்தி விசாரிக்கிறது என்றால் மிகையில்லை.

குஜராத் கலவரத்தில், தாயைப் பறிகொடுத்து, தந்தையிடமிருந்தும் பிரிக்கப்பட்ட 18 வயது முஸ்லிம் பெண் சகீனா, சங்பரிவாரக் கொடியவர்களால் சிதைக்கப்படும் கொடுமையைப் படம் பதிவு செய்கிறது. இது, மதவெறியால் தெறித்த ரத்தத்தின் ஒரு துளி என்கிறது.

திற படத்தின் திரையிடல் மற்றும் திறனாய்வு நிகழ்ச்சிக்கு திராவிடர் கழகத் தலைவர் கி.வீரமணி தலைமையேற்றார். சாக்ரடீஸ் பெரியார் வரவேற்புரையாற்றினார். கவிஞர் ராஜசேகர் சிறப்பாகத் தொகுத்து வழங்க, தி.க. பொதுச் செயலாளர் கவிஞர் கலி.பூங்குன்றன், நக்கீரன் கோபால், தமுமுக மாநிலச் செயலாளர் ஜெ. ஹாஜாகனி, பேரா.சுபவீ, திரைப்பட இயக்குநர் எஸ்.பி.ஜனநாதன், ‘நிழல்’ ஆசிரியர் திருநாவுக்கரசு, தலித் முரசு ஆசிரியர் புனிதப் பாண்டியன், வழக்குரைஞர் அருள்மொழி, திரைப்படக் கல்லூரி பேரா. வி.எம். ரவிராஜ், பட இயக்குநர் ஃபாத்திமா பீவி ஆகியோர் திறனாய்வு உரையாற்றினர்.

நன்றியுரை ஆற்றிய குறும்பட இயக்குநர் பிரின்சு என்.ஆர்.எஸ்.பெரியார், “பட விழாக்களுக்கு இப்படத்தை அனுப்பி வைப்போம். படம் பார்த்த உடனேயே ‘அருமையாக இருக்கிறது’ என்று தொலைபேசி வரும். பிறகு என்ன நடக்குமோ நடக்குமோ தெரியாது. நடுவர்கள் இப்படத்தைத் திரையிடவே அனுமதிக்க மறுக்கிறார்கள் என்று தகவல் வரும். இப்படி ஏராளமானப் புறக்கணிப்புகள், தடைகளைத் தாண்டி இந்தக் குறும்படம். தமிழக அரசின், சிறந்த ஒளிப்பதிவுக்கான விருதை வென்றிருக்கிறது என்றார்.

வழக்குரைஞர் அருள்மொழி, “55 ஆண்டுகளுக்கு முன்னால் உருது எழுத்தாளர் மண்டோ எழுதிய மூலக்கதையைத் தழுவி இப்படம் எடுக்கப்பட்டிருந்தாலும் இன்றைக்கும் அப்படியே பொருந்துகிறது. பெண்கள் மீதான கொடுமைகளை இப்படம் உள்ளத்தை உலுக்கும் வகையில் பதிவு செய்துள்ளது என்றார்.

தலித் முரசு புனிதப் பாண்டியன், ‘பிற்படுத்தப்பட்டோருக்கும், தலித் மக்களுக்கும் இடையில் கூர்மைப்படுத்தப்படும் சாதி ஆதிக்க உணர்வை எடுத்துரைத்து, அதை அடியோடு களைய அணிதிரள வேண்டும் என்றார்.

பேராண்மை, ஈ, இயற்கை ஆகிய படங்களின் மூலம் சமூக அக்கறையுள்ள திரைப்படங்களால் வெற்றி பெற்றுள்ள இயக்குநர் எஸ்.பி.ஜனநாதன், படத்தை வெகுவாகப் பாராட்டினார். ‘இளம் வயதில் எனக்கு எழுத்தாளர் மண்ட்டோவைத் தெரியவில்லை. பிரின்சுக்குத் தெரிந்திருக்கிறது. சினிமா எடுப்பது ஒன்றும் கஷ்டமான வேலையில்லை. இதுபோன்ற குறும்படங்களை எடுப்பதுதான் சிரமம். வளரும் தலைமுறையை வாழ்த்துகிறேன் என்றார்.

இப்படத்தை எடுக்க அனுமதியளித்த திரைப்படக்கல்லூரி பேராசிரியர் ரவிராஜ், “எம்.ஜி.ஆர். அரசு திரைப்படக் கல்லூரியைப் பார்வையிட வந்தவர்கள் கல்லூரியின் கட்டடங்கள் மற்றும் வசதிகளைக் குறை சொன்னார்கள். அவர்களிடம் ‘திற’ படத்தைப் போட்டுக் காட்டினேன். வியந்து போனவர்கள், திரைப்படக் கல்லூரிக்குப் பெருமை சேர்த்த படைப்பு இது” என்றார்கள்.

திராவிட இயக்கத் தமிழர் பேரவை பொதுச் செயலாளர் பேரா. சுபவீ, “படம் எடுப்பது மட்டுமல்ல, மேடையில் பேசுவது, கவிதை எழுதுவது, நடிப்பது என எதுவுமே சிரமமானதில்லை. அதை மனிதநேயத்தோடும், கொள்கைக்காகவும் செய்வதுதான் சிரமமானது. தாழ்த்தப்பட்டவர்களை சங்பரிவாரத்தினர் மக்கள் தொகைக் கணக்கில்தான் சேர்த்துக் கொள்கின்றனர். கோவிலுக்குள் சேர்ப்பதில்லை. சூலம் வழங்கும் நிகழ்ச்சியில் முஸ்லிம்கள், கிறிஸ்தவர்கள் மற்றும் மதச்சார்பற்ற இந்துக்களையும் சேர்த்தே அழிப்போம் என்றுதான் சொல்கிறார்கள். இத்தகையக் கொடியவர்களை உயிருள்ளவரை எதிர்க்க வேண்டியது ஒவ்வொருவரின் கடமை. இத்திரைப்படம் தெருத்தெருவாக பாராட்டப்பட வேண்டும்' என்றார்.

தமுமுக மாநிலச் செயலாளர் பேரா. ஹாஜாகனி, “திற என்ற இத்திரைப்படம், மனதைத் திறப்பதாகவும், மௌனப் பூட்டுக்களைத் திறப்பதாகவும் அமைந்துள்ளது. இப்படத்தில் காட்டப்பட்ட கொடுமைகளைச் செய்தவர்கள், நாங்கள்தான் இதைச் செய்தோம் என்று பெருமைபொங்க பேட்டி கொடுத்தார்கள். தெஹல்கா இதழ், அதைப் படம்பிடித்து ஒளிபரப்பியது. அவர்களுக்குச் சட்டம் என்ன தண்டனைக் கொடுத்தது?

பாபரி மஸ்ஜிதை இடிக்க ரதயாத்திரை போன அத்வானியையும், அந்த இடத்தை சமப்படுத்துங்கள் என்று இடிப்பதற்கு ஆணையிட்ட வாஜ்பாயையும், பாபரி மஸ்ஜித் இடிப்பை முன்னின்று நடத்திய குற்றவாளிகளையும் சட்டத்தால் தண்டிக்க முடிகிறதா?

மும்பையில் 2 ஆயிரம் முஸ்லிம்களைப் படுகொலை செய்த சூத்ரதாரி என நீதிபதி ஸ்ரீகிருஷ்ணா ஆணையத்தால் அடையாளம் காட்டப்பட்ட பால்தாக்கரேவைத் தண்டிக்க முடிந்ததா? உச்சநீதிமன்றம் ராகவன் கமிட்டி என்ற கமிட்டி அமைத்து மோடியின் கொடுமைகளை விசாரித்ததே, மோடி சிறையிடப்பட்டாரா?

இல்லை. சட்டத்தால் சங்பரிவாரத்தின் சல்லிவேரைக் கூட கிள்ளிப்போட முடியவில்லை. ஆனால், செய்த குற்றம் என்னவென்றே தெரியாமல் நூற்றுக்கணக்கான முஸ்லிம்கள் ஆண்டுக்கணக்கில் சிறையில் அடைக்கப்பட்டுள்ளனர்.

நாடாளுமன்றத் தாக்குதல் வழக்கில், எந்த ஆதாரமும் இல்லையென்றாலும் கூட, கூட்டு மனசாட்சியின்படி அப்சல் குருவுக்கு தூக்குத் தண்டனை அளிக்கிறது நீதிமன்றம். நாங்கள்தான் செய்தோம் என்று குற்றவாளிகளே கூறினாலும், நீதிமன்றங்களில் அவர்கள் தண்டிக்கப்படுவதில்லை.

எனவே உறங்குகின்ற நாட்டின் மனசாட்சி உலுக்கி எழுப்பப்பட வேண்டும். அதை இப்படம் திறம்படச் செய்துள்ளது'' என்றார்.

நக்கீரன் கோபால்-“இந்தப் படத்திற்குக் கைதட்ட வேண்டும் என்று தோன்றவில்லை. அந்த அளவுக்கு இது உள்ளத்தை பாதித்தது. இந்தக் கொடுமைகளைச் செய்தவர்களை தண்டிக்க முடிந்ததா? என்று பேரா. ஹாஜாகனி கேட்டார். அந்தக் கேள்விக்கு நம்மிடம் பதிலில்லை. ஆனாலும் இந்தக் கொடுமையைச் செய்தவர்களுக்கு இறங்குகாலம் தொடங்கிவிட்டது.

காஞ்சி சங்கராச்சாரியாருக்கு விழுந்த அடி, அந்தக் கூட்டத்தையே ஆட்டிவிட்டது (கூட்டத்தில் சிரிப்பு). இப்போதுவரை அவரது சீடர்களின் லீலைகளை நாங்கள் சீரியலாக எடுத்து வருகிறோம். இந்தக் கொடியவர்களின் முகமூடியைக் கிழிப்பதில் தெஹல்கா பத்திரிகை முக்கியப் பங்காற்றியது. எங்களுக்கு அதில் பெருமை. ‘திற' படம் சிறப்பாக எடுக்கப்பட்டுள்ளது. இயக்குநரின் குடும்பமே படத்தின் தயாரிப்புச் செலவை ஏற்றதால் இவ்வளவு சிறப்பாக வந்துள்ளது. எனது மனமார்ந்த வாழ்த்துக்கள்” என்றார்.

தலைமையுரை ஆற்றிய கி.வீரமணி, “தீவிரவாதம் என்றவுடனேயே அதை முஸ்லிம்களோடு முடிச்சுப் போடுகிறார்கள். முஸ்லிம்களைத் தீவிரவாதிகள் என்று சொல்பவர்கள் எப்படிப்பட்டக் கொடிய பயங்கரவாதிகள் என்பதைத்தான் நாம் குறும்படத்தில் பார்த்தோம். எங்கள் இயக்கக் குடும்பத்துப் பிள்ளை பிரின்சு என்.ஆர்.எஸ். பெரியாரும் அவரது குழுவினரும் இதைச் சிறப்பாகப் பதிவு செய்துள்ளனர்.

ஆர்.எஸ்.எஸ். கும்பல் முஸ்லிம்களை அந்நியர்களாக சித்தரிக்கிறார்கள். முஸ்லிம்கள் இம்மண்ணின் மைந்தர்கள். அவர்களை அந்நியர்கள் என்று செல்பவர்கள்தான் எங்கோ இருந்து வந்த வந்தேறிகள் என்பதுதான் உண்மை. இங்கே உண்மை தலைகீழாக ஆகியுள்ளது.

மாலேகானில் குண்டுவைத்தது இந்துத்துவ தீவிரவாதிகள்தான். அதை அம்பலப்படுத்திய ஹேமந்த் கர்கரே என்ற நேர்மையான அதிகாரியைக் கொன்றததும் அவர்கள்தான்.

‘கர்கரேவைக் கொன்றது யார்? என்ற புத்தகம் விருப்ப ஓய்வு பெற்ற ஐ.பி.எஸ். அதிகாரியான முஹ்ஷி என்பவரால் எழுதப்பட்டுள்ளது.

ஊடகத்துறையிலும், காவல்துறையிலும், ஐ.பி. எனப்படும் உளவுத்துறையிலும் ஆர்.எஸ்.எஸ். கும்பல் மிகப்பெரிய அளவில் ஊடுருவியுள்ளது. கலை ஊடகங்களைக் கைப்பற்றி மக்களை மூளைச்சலவை செய்து தங்கள் லட்சியத்தை அடையலாம் என சங்பரிவாரக் கும்பல் சதித்திட்டம் தீட்டி அதை நிறைவேற்றியும் வருகிறது. அதை முறியடிக்கும் வேலைகளில் நாம் இறங்க வேண்டும்.

ஒரு கலைப்படைப்பு மக்கள் மனங்களில் எந்த விளைவை ஏற்படுத்துகிறது என்பதை வைத்தே அதை மதிப்பிட வேண்டும் என்றார் தந்தை பெரியார். - என்றார் கி.வீரமணி.

மதவெறிக்கு எதிரான உணர்வையும், மனிதநேயத்தையும் உருவாக்கும் இந்தக் குறும்படக் குழுவினரை வாழ்த்துகிறேன்.

இதழியல் (JOURNALISM) படிக்க முழு கல்வி உதவி

2009-10-22T20:14:00.003+05:30

இவ்வாண்டு (2009-2010) B.A., M.A., (Regular) Journalism, Mass Communication, இதழியல் படித்துவரும் அல்லது படிக்க முன்வரும் சிறுபான்மையின மாணவர்களுக்கு சீதக்காதி அறக்கட்டளை முழு உதவித் தொகை வழங்க உள்ளது.

உதவித் தொகை பெற விரும்புவோர் தொடர்பு கொள்ள வேண்டிய முகவரி:

செயலாளர்
சீதக்காதி அறக்கட்டளை

சீதக்காதி மணிமாடம்

எண். 6 மாடல் ஸ்கூல் ரோடு
ஆயிரம் விளக்கு
சென்னை-600 006

தொலைப்பேசி: (044) 2829 7335

உன்னைப்போல் ஒருவன் திரைப்படம் உருவாக்கிய காயங்கள்

2009-10-20T19:58:00.003+05:30

தமிழ்ப்படங்களில் சமூக சிந்தனையைத் தூண்டுகிற நல்ல படங்களும் உண்டு என்று சொல்லும் அளவுக்கு அபத்தக் களஞ்சியமாகத் திரைப்பட உலகம் திகழ்கிறது.

திரைப்படங்களும், அதைச் சார்ந்து இயங்குகின்ற சின்னத்திரை அலைவரிசைகளும் பொதுமக்களின் உள்ளங்களில் மிக ஆழமானத் தாக்கத்தை உண்டாக்குகின்றன.

தமிழ்நாட்டில் சினிமா பார்க்காதவர்களும் உண்டு என்று சொல்லும் அளவுக்கு மக்களின் நிலை உள்ளது.

சினிமாக்கூடத்தைத் தேடிப் போகாவிடிலும், சினிமா நம் வீட்டுக் கூடத்திற்கே அலைவரிசையாய் நுழைகிறது. மனதை ஊடுருவித் தாக்கத்தை ஏற்படுத்துகிறது.
1990க்குப் பிறகு வந்த திரைப்படங்கள் முஸ்லிம்களைக் கொச்சையாக சித்தரிக்கும் பணியைச் செய்து வருகின்றன. எம்.ஜி.ஆர்., சிவாஜி படங்களில் முஸ்லிம்களை நல்லவர்களாக காட்டுவதுண்டு. ஆயினும் 'நம்பல்க்கி நிம்பல் தர்ரான்' என்பதுபோல அந்நியத் தமிழ் பேசுபவர்களாக முஸ்லிம்களைக் காட்டுவார்கள்.

கமல், ரஜினி படங்கள் சிலவற்றிலும் முஸ்லிம் பாத்திரங்கள் நன்றாகக் காட்டப்பட்டதுண்டு. ரோஜா படத்தில் மணிரத்னம் தொடங்கிவைத்த சினிமா வன்முறை பலராலும் பின்பற்றப்பட்டு விஜயகாந்த், அர்ஜுன் போன்ற தேசபக்தி (?) நடிகர்களால் மென்மேலும் வளர்த்தெடுக்கப்பட்டது.

கோவில்களை குண்டுவைத்து தகர்க்க முஸ்லிம் தீவிரவாதிகள்(?) திட்டம் போடுவது போலவும், உள்ளூரில் முஸ்லிம் இளைஞர்கள் அதற்கு உதவுவது போலவும், தீவிரவாதிகளை கதாநாயகன் தீர்த்துக்கட்டி உள்ளூர் முஸ்லிம் இளைஞர்களுக்கு தேசபக்தியையும், இந்தியாவின் பெருமையையும் உபதேசம் செய்து அவர்களை நல்ல இந்தியர்களாக மாற்றுவது போலவும் படங்கள் எடுக்கப்பட்டன.

நரசிம்மா என்ற படத்தில் விஜயகாந்த், 'இந்தியாவில் முஸ்லிம், கிரிக்கெட் கேப்டனாக (அசாருதீன்), மாநில ஆளுநராக (பாத்திமா பீவி) வரமுடியும்; பாகிஸ்தானில் ஒரு இந்து வார்டு கவுன்சிலராகக் கூட வரமுடியாது'' என்று தேசபக்தி வசனம் பேசுவார்.

மதவெறி ததும்பும் இதுபோன்ற அபத்தங்களை பல நடிகர்கள் வசனமாகப் பேசினாலும், பெரிய நடிகர்களான கமல்ஹாசன், ரஜினிகாந்த் படங்களில் இவ்வாறான அபத்தங்கள் இடம்பெறவில்லை. (அதற்காக வேறுவகையான அபத்தங்களும், ஆபாசங்களும் இல்லையென்று அர்த்தமில்லை).

ஜக்குபாய் என்ற ரஜினி படத்தின் விளம்பரம் முஸ்லிம்களைக் கொச்சைப்படுத்துவது போல இருந்ததற்கு தமுமுக கடும் எதிர்ப்பு தெரிவித்தது. பிறகு அந்தப் படமே கைவிடப்பட்டது.

50 ஆண்டுகள் திரைப்பட உலகில் தொடர்ந்து வெற்றிபெற்ற(?) கமல்ஹாசன் போன்ற திரைப்பட மேதை, 'உன்னைப்போல் ஒருவன்' படத்தை தயாரித்திருப்பது அதிர்ச்சிக்குரியது.

குண்டுவெடிப்பு நடத்திய முஸ்லிம் தீவிரவாதிகளை(?) ஒரு பொது மனிதன், போலீசை மிரட்டி விடுவிக்கிறான். பிறகு அவர்களை குண்டுவைத்துக் கொல்கிறான். பெயரில்லாத அந்த மனிதன் யார் என தெரிந்தபிறகும் காவல்துறை ஆணையர் அவனைக் கண்டுகொள்ளாமல் கைகுலுக்கி அனுப்புகிறார். பிறகு பெருமிதத்துடன் அவனைப் பற்றிய நினைவுகளை அசைபோடுகிறார். இதுதான் உன்னைப்போல் ஒருவன் என்ற ஒன்றரை மணி நேரப் படத்தின் கதை.

சம்பவங்கள் எல்லாம் தமிழகத்தில், அதுவும் சென்னையில் நடக்கின்றன.

+ தீவிரவாதிகள் அனைவரும் முஸ்லிம் இளைஞர்களாகவும், குண்டு வைப்பவர்களாகவும் காட்டப்பட்டுள்ளது. ஒருவர் மட்டும் இந்து, அவர் வெடிமருந்து வியாபாரி.
+ தீவிரவாதிகள் அனைவரும் உருது மொழிதான் பேசுகிறார்கள்.

+ அல்காயிதா, ஹிஸ்புல் முஜாஹிதீன், ஹமாஸ், ஜமாஅத்துத் தஃவா என ஒன்றுக்கொன்று சம்பந்தமில்லாத இயக்கங்கள் தமிழகத்தில் ஒரு குடையின் கீழ் இயங்குவதாகவும், இதைக் கண்டு அந்தப் பொதுமனிதன் பொங்கி எழுவதாகவும் காட்டப்பட்டுள்ளது.

கோவை குண்டுவெடிப்பு சம்பவத்தில் ஏராளமான அப்பாவிகள் கைது செய்யப்பட்டு, கொடுஞ்சிறையில் இளமையை இழந்து, மெல்ல நீதியின் வெளிச்சம் பட்டு அப்பாவிகள் விடுதலையாகிவரும் வேளையில், இப்படி ஒரு படம் தமிழக மக்களின் மனதைக் குழப்பியுள்ளது.

சிறையில் ஆயிரக்கணக்கான குற்றவாளிகள் இருக்கும் போது, ஏன் நான்கு பேரை மட்டும் தேர்ந்தெடுத்தாய் என்று அந்தப் படத்தில் பொது மனிதனிடம் கேட்கப்படுகிறது. சீட்டுக் குலுக்கிப் போட்டு தேர்ந்தெடுத்ததாக பதில் வருகிறது.
கைது செய்யப்பட்ட அனைவருமே குற்றவாளிகள்தான் என்ற கருத்தை இப்படம் விதைக்கிறது.

முஸ்லிம் என்றால் விசாரணை இல்லாமல் கொன்றுவிட வேண்டும் என்ற மோடி கும்பலின் மூர்க்க சிந்தனை இப்படத்தில் வெளிப்படுகிறது. காவல்துறைக்கு வரம்பற்ற அதிகாரம் வலியுறுத்தப்படுகிறது. ஆரிஃப், கரீம், ஸகரிய்யா போன்ற நல்ல முஸ்லிம் பாத்திரங்களும் காட்டப்படுகின்றன.

இது ஒருவகையான ஊடக வன்முறை.

+ குஜராத்தில் பல்லாயிரம் முஸ்லிம்களைப் படுகொலை செய்தவர்கள்,

+ பம்பாய், மீரட், முராதாபாத், பீவண்டி, பாகல்பூர் போன்ற இடங்களில் முஸ்லிம்களைக் கொலை செய்தவர்கள்,

+ பெண்களை மானபங்கம் செய்து அதை வீடியோவில் பதிவு செய்து பார்த்துக் களித்தவர்கள்,

+ பசு மாட்டின் தோலைக் கையில் வைத்திருந்ததற்காக ஹரியானாவில் ஐந்து தலித் இளைஞர்களை அடித்தே கொன்றவர்கள்,

+ திண்ணியத்தில் தலித்களை மலம் தின்னவைத்தக் கொடியவர்கள்,

இவர்களுக்கெதிராகவெல்லாம் அந்தப் பொது மனிதன் பொங்கி எழவில்லை. ஏனென்றால், அவன் பொது மனிதனில்லை, மத மனிதன். அவனுக்கு முஸ்லிம் குற்றவாளிகள் மட்டுமே தெரிகிறார்கள்.

ஷங்கரின் அந்நியன், கமலின் பொது மனிதன், சுசி கணேசனின் கந்தசாமி, இதர இதுபோன்ற பாத்திரங்கள் யாவுமே உயர்சாதி அடையாளங்களோடே அவதரிக்கின்றன.

திரைப்படத் துறையில் இருப்பவர்கள் தமக்கு நிகழ்த்தப்படும் அநீதிகளைக் கூட சரியாகவும், கூர்மையாகவும், காலத்தோடும் புரிந்து கொள்ளத் தெரியாத பெரும்பான்மையினரைக் கொண்ட சிறுபான்மை முஸ்லிம்களைத் தொடர்ந்து கொச்சைப்படுத்துவது கொடுமையானது.

'நான் என்ன ஆயுதம் எடுக்கவேண்டும் என்பதை எதிரிதான் தீர்மானிக்கிறான்'' என்றார் மாவோ. ஊடகத் துறையில் கருத்தியல் வன்முறைகளை எதிர்கொள்ள, பாதிக்கப்பட்ட சமுதாயங்கள் தயாராக வேண்டும் என்பதைத்தான் இன்றைய காலக்கட்டம் அழுத்தமாக உணர்த்துகிறது.

நான் முஸ்லிம்கள் விரோதி அல்ல கமலஹாசன் பேட்டி தொடர்ச்சி

2009-10-20T19:52:00.002+05:30

'உன்னைப்போல் ஒருவன்' திரைப்படம் முஸ்லிம் சமுதாயத் தைக்காயப்படுத்தும் வகையில் அமைந்திருப்பதைத்தொடர்ந்து நடிகர் கமல்ஹாசனை நாம் நேரில் சந்தித்தோம். அவரது பேட்டி இந்த வாரமும் தொடர்கின்றன.

மக்கள் உரிமை: செப்.11, 2001 (அமெரிக்காவின் இரட்டை கோபுரத் தகர்ப்பு) சம்பவத்திற்குப் பிறகு ரஹழ் ர்ய் பங்ழ்ழ்ர்ழ்ண்ள்ம் என்ற பெயரில் முஸ்லிம்கள் மீது உலகளாவிய ஒடுக்குமுறை ஏவப்பட்டுள்ளது. பாபரி மஸ்ஜித் இடிப்பிற்குப் பிறகு வளர்ந்தோங்கிய மதவாதத்தால் பாதிக்கப்படுபவர்களும் முஸ்லிம்கள்தான். எல்லா முஸ்லிம்களும் பயங்கரவாதிகள் அல்ல, ஆனால் பயங்கரவாதிகள் அனைவரும் முஸ்லிம்களே! என்ற கருத்து பரப்பப்படுகிறது. வலுவான குரலில்லாத முஸ்லிம் சமுதாயத்தை சினிமா போன்ற சக்தி வாய்ந்த ஊடகங்கள் ஒடுக்குவது சரியா?

கமல்: விவாதம் செய்வது என்று தொடங்கி விட்டால், விவாதங்கள் தொடர்ந்து கொண்டேதான் போகும். என்னைப் பொறுத்தவரை எல்லா சமுதாயங்களிலும் நல்லவர்களும், கெட்டவர்களும் கலந்தே இருக்கிறார்கள். குறிப்பிட்ட சமுதாயத்தில் எல்லோரும் நல்லவர்கள் என்றோ, குறிப்பிட்ட சமுதாயத்தில் எல்லோரும் கெட்டவர்கள் என்றோ சொல்ல முடியாது. ஆர்.எஸ்.எஸ். பரப்பி வருகின்ற கருத்தான 'எல்லா முஸ்லிம்களும் பயங்கரவாதிகள் அல்ல, ஆனால் பயங்கரவாதிகள் எல்லோரும் முஸ்லிம்கள்'' என்ற கருத்தில் எனக்குத் துளியும் உடன்பாடில்லை.

'உன்னைப் போல் ஒருவன்' படம் பிடிக்காத பத்து முஸ்லிம் இளைஞர்கள் என் வீட்டின் மீது கல் வீசினால் அந்த பத்து பேர் மீது பத்து நாளைக்கு நான் கோபப்படலாம். ஆனால் அந்தக் கோபம் முஸ்லிம் சமுதாயமே இப்படித்தான் என்று திரும்பிவிடக் கூடாது. ஆனால் நடைமுறையில் அதுதான் நடக்கிறது. யாரோ சிலர் செய்யும் தவறுகளுக்கு ஒட்டுமொத்த சமுதாயத்தையும் பொறுப்பாக்குவது மிகத் தவறானது.(அருகிலிருந்த இயக்குநர் அமீரை சுட்டிக்காட்டி நகைச்சுவையாக) இவர் ஒரு கொலையே செய்துவிட்டார் என்று வைத்துக் கொள்வோம். அதற்கு அவர்தான் பொறுப்பு. அவர் சார்ந்திருக்கும் மதம் அவரது செயலுக்கு பொறுப்பாகாது. பயங்கரவாதத்தை மதத் தோடு சம்பந்தப்படுத்துவது தவறு. இன்றுகூட (9.10.2009) மாவோயிஸ்டுகள் நடத்திய தாக்குதலில் பலரும் பலியான செய்தி பத்திரிகைகளில் வந்துள்ளது. அவர்களை மதத்தோடும், இனத்தோடும் சம்பந்தப்படுத்துவதில்லை. அவர்கள் ஏன் இந்த நிலைக்குத் தள்ளப்பட்டார்கள் என்பதையும் நாம் சிந்திக்க வேண்டும்.

மக்கள் உரிமை: உன்னைப் போல் ஒருவன் படம் முஸ்லிம்களுக்கு ஆழமான காயத்தைத் தந்திருக்கிறது இதற்கு என்ன பரிகாரம் காணப் போகிறீர்கள்?

கமல்: முஸ்லிம்களைக் காயப்படுத் துவது என்பது என் நோக்கமல்ல. முஸ்லிம் களைக் காப்பாற்ற வேண்டும் என்பதும் என் நோக்கமல்ல. நானும் இவரும் (அமீர்) இணைந்து சமுதாயத்திற்கு நிறைய செய்ய வேண்டியுள்ளது. இவர் (அமீர்) என்றால் இவருக்கு சமய நம்பிக்கை உள்ளது. எனக்கு இல்லை.

முஸ்லிம் சமுதாயத்தைப் பற்றி படத்தில் தவறான செய்திகளைத் தந்துவிட்டு பிறகு, தெரியாமல் 'அறியாமையில் அவ்வாறு செய்துவிட்டேன்' என்று அறி யாமையை சிலர் கேடயமாக்கிக் கொள்ள லாம். ஆனால் நான் அறியாமையைக் கேடயமாக்கிக் கொள்ள விரும்பவில்லை. மேலும் நான் என்னைத் தற்காத்துக் கொள்ளவும் பேசவில்லை. படம் நன் றாகவே ஓடிக் கொண்டிருக்கிறது. இந்நிலையில் இப்படத்தை எதிர்த்து ஏதாவது செய்தால் அது ஒருவகையில் படம் மேலும் விளம்பரமாவதற்கு உதவும். மனக்காயப்பட்டிருந்தால் அந்தக் காயத்தை நான்தான் ஆற்றவேண்டும். அதை வெறும் விவாதங்களின் மூலம் செய்ய விரும்பவில்லை. செயல்பாடுகளின் மூலம் சரிசெய்ய விரும்புகிறேன்.

'நாம் மீண்டும் சந்தித்துப் பேசுவோம்'' என்று புன்னகையோடு பேட்டியை நிறைவு செய்தார்.

உன்னைப் போல் ஒருவன் படம் குறித்த 'கூர்மையான விமர்சனக் கணைகளை பிரதியெடுத்து கமலிடம் வழங்கினோம்.
நமது நியாயங்களை உணர்ந்து கமல் என்ன செய்யப் போகிறார்...? பொறுத்திருந்து பார்ப்போம்.

நான் முஸ்லிம் விரோதி அல்ல...! - மக்கள் உரிமைக்காக மனம்திறந்த கமல்ஹாசன்

2009-10-15T20:48:00.002+05:30

'உன்னைப் போல் ஒருவன்' திரைப்படம் முஸ்லிம் சமுதாயத்தின் மீது கருத்தியல் யுத்தம் தொடுத்து பெரும் பரபரப்பை ஏற்படுத்தியது. இது தொடர்பாக 'மக்கள் உரிமை'' சார்பில் நடிகர் கமலஹாசனை சந்தித்து இந்த படம் பற்றிய கண்டனத்தை தெரிவிக்க நாடினோம்.

இதற்காக கமல்ஹாசனுக்கு நெருக்கமானவரான திரைப்பட இயக்குநர் அமீரிடம் நமது கண்டனத்தைக் கூறி கமல்ஹாசனிடம் தெரிவிக்கக் கூறினோம். அதற்கவர் கமல்ஹாசன் இந்துத்வா சிந்தனை கொண்டவரில்லை. நீங்களே அவரை சந்தித்து விவாதியுங்கள் என்று கூறி கமல்ஹாசனுடன் சந்திப்புக்கு ஏற்பாடு செய்தார் 09.10.2009 அன்று திரைப்பட விருது நிகழ்ச்சி, முதலமைச்சருடன் சந்திப்பு, மாலை அமெரிக்க பயணம், எனப் பல்வேறு நிகழ்ச்சிகள் இருந்த நிலையிலும், நமக்கு ஒரு மணி நேரத்திற்கும் மேலாக ஒதுக்கித்தந்தார் கமல். வழக்குரைஞர் ஜெய்னுல் ஆபிதீன் மற்றும் ஜி.அத்தேஷுடன் 'முஸ்லிம் சமுதாயத்தின் மீதான ஊடக வன்முறை, உன்னைப் போல் ஒருவன் படம் தந்துள்ள பாதிப்பு'' ஆகியவை குறித்து விரிவாக உரையாற்றினோம். அந்த உரையாடலின் சில பகுதிகள்...

கேள்வி: உள்நாட்டு அளவிலும், உலகளாவிய அளவிலும் முஸ்லிம்களை தீவிரவாதிகளாகவும், பயங்கரவாதிகளாக வும், அமைதியைக் குலைப்பவர்களாகவும் சித்தரிக்கும் மதவாத செயல்கள் முழுவீச் சில் நடந்து வருகின்றன. திரைப்படத் துறையில் ஒரு மேதையாகவும், நியாய வானாகவும் அறியப்படுகின்ற நீங்கள் இந்த அநீதிக்குத்துணை போகலாமா?

கமல் : உன்னைப்போல் ஒருவன் படத்தின் மூலம் முஸ்லிம்களை கொச்சைப் படுத்துவதோ, பயங்கரவாதத்தோடு அவர்களை மட்டும் சம்பந்தப்படுத்துவதோ என் உள்நோக்கம் அல்ல. நான் யாருக் கும் எதிரானவன் அல்ல. குறிப்பாக முஸ்லிம்களுக்கு நான் எதிரி அல்ல என்பதை என்னோடு பழகியவர்கள் அறிவார்கள்.

''வெட்னஸ் டே'' என்ற வெற்றிப்படத்தை தமிழில் தயாரித்தால் பெரும் வெற்றிபெறும் என்று என்னை அணுகினார்கள்.

வெட்னஸ்டே படத்தின் கதாநாயகன் நஸ்ரூதீன் முஸ்லிம் என்பதாலும், ஆரிஃப் என்ற ஒரு நல்ல முஸ்லிம் அதிகாரி காட்டப்படுவதாலும், இந்திப்பட உலகில் இப்படம் முஸ்லிம்களுக்கு எதிரானதாக பார்க்கப்படவில்லை.

நான், ஆரிஃப் என்ற பாத்திரத்தை நல்லவராகக் காட்டுவது மட்டும் போதாது என்று மேலும் பல மாற்றங்களைச் செய்தேன். அதற்குப் பிறகும் கூட இது முஸ்லிம்களைப் பாதிக்கும் வகையில் இருப்பதாகக் கூறுவது ஆச்சர்யம்தான்.

நான் 'ஹேராம்' படம் எடுத்தபோது முஸ்லிம்களின் தரப்பைக் கூறுவதற்கு ஏகப்பட்ட இடங்களைத் திட்டமிட்டு உருவாக்கினேன். திரைப்பட வர்த்தகர்கள் ஹேராமில் எத்தனைப் பாட்டு, எத்தனை சண்டை? என்று கேட்டபோது, காந்தியை இந்துத்துவ தீவிரவாதி சுட்டுக்கொல்வது தான் உச்சக்கட்ட சண்டை என்றேன்.

'ஹேராம்' முஸ்லிம்களுக்கு எதிரானபடம் என்றார்கள் சிலர். ஆனால் இந்துத் தீவிரவாதத்தை எடுத்துக்காட்டிய படம். மறக்கடிக்கப்பட்ட மாபெரும் போராளியான யூசுப்கானின் வரலாற்றை 'மருதநாயகம்' என்ற பெயரில் படமாக எடுக்கத் துணிந்தவனும் நான்தான். முஸ்லிம்களைக் கொச்சைப்படுத்துவது என் நோக்கமல்ல.

கேள்வி : நீங்கள் முஸ்லிம்களுக்கு இணக்கமானவர்தான். ஆனால் உங்கள் படம் காயப்படுத்தும் வகையில் தானே அமைந்துள்ளது. உதாரணத்திற்கு கோவை குண்டு வெடிப்பு சம்பவம் 1998ல் நடந்தது. குஜராத் கலவரம் 2002ல் நடந்தது. குஜராத் கலவரத்தில் முஸ்லிம் ஒருவருடைய மூன்றாவது மனைவி (வயது 16) உயிரோடு எரிக்கப்பட்டதால், அவர் பயங்கரவாதியாக மாறி கோவையில் குண்டுவைப்பது போல் கூறியிருக்கிறீர்கள் இப்படி வரலாற்றைத் திரிப்பதால்தானே முஸ்லிம்களுக்கு எதிரான வன்முறை நடக்கிறது. 2002ல் நடந்த சம்பவம் 1998ல் நடந்த சம்பவத்துக்கு எப்படி காரணமாக இருக்க முடியும்?

கமல்: வரலாறு முன்பின்னாகத் திரிவடைந்து மொத்தமாகவே குழப்பி இருக்கிறது. நடந்ததை மட்டும் சொல்வது தான் வரலாறு. நடந்த சம்வத்தின் மீது தன் கருத்தையும், பார்வையையும் கூறுவது வரலாற்றாசிரியனின் வேலை அல்ல. அதனால் ஹிந்தியில் இதிலிஹாஸ் (இவ்வாறு நடந்தது) என்று குறிப்பிடுகிறார்கள்.

நம்மவர் என்ற படத்தில் நான் வரலாற்று ஆசிரியராக நடித்தேன். வரலாற்றுக் குளறுபடிகளைப் பற்றி நான் செய்த விமர்சனத்தை என்ன காரணத்திற்காகவோ சென்சாரில் வெட்டிவிட்டார்கள். அதைச் சேர்க்க வேண்டும் என்று நான் வாதாடிய போதும் அவர்கள் ஏற்கவில்லை! அந்தப் பகுதி இதுதான்.

முகலாயர் படையெடுப்பு என்றும் வெள்ளையர் என்றும் நாம் பாடம் சொல்லித் தருகிறோம். முகலாயர்கள் இங்கு வந்து, இங்குள்ள பெண்களையே திருமணம் செய்து கொண்டு இங்கேயே அரண்மனைகளைக் கட்டி ஆட்சி செய்தார்கள். இந்த நாட்டை அவர்கள் வளப்படுத்தினார்களே தவிர, இங்கு சுரண்டி ஆப்கானிஸ்தானுக்கு கொண்டு போய் சேர்க்கவில்லை.

ஆனால் ஆங்கிலேயேர்கள் இங்கு வளங்களைச் சுரண்டி பிரிட்டனில் சேர்த்து வைத்தார்கள். அவர்கள் இந்த நாட்டைத் தம் நாடாக ஒரு போதும் கருதியதே இல்லை. ஆனால் முகலாய மன்னர் பஹதூர் 'இந்த நாட்டில் தன் உடலைப் புதைக்க ஆறுகெஜ நிலம் கிடைக்க வில்லையே என்று கண்ணீர்க் கவிதையை பர்மா சிறையிலிருந்து எழுதினார். (அந்த உருது கவிதையை கமல் மனப்பாடமாகவும் சொன்னார்.

இந்த நாட்டை வளப்படுத்தியவர்களை படையெடுத்தவர்கள் என்றும், சுரண்டியவர்களை வருகை தந்தவர்கள் என்றும் எப்படி சொல்லாம் என்பது தான் நான் வைத்த விவாதம்.

கேள்வி : தற்போதைய தமிழ்த் திரையுலகம் மீது எங்களுக்கு மரியாதை இல்லை. ஆனால் நியாயத்திற்காகக் குரல்கொடுப்பவர் என்ற முறையில் உங்கள் மீது ஒரு மதிப்பு உண்டு. பாபரி மஸ்ஜித் இடிக்கப்பட்ட போது, நீங்கள் கண்டனம் செய்ததை நாங்கள் மறக்க வில்லை.

கமல் : நான் நடிகனாக அல்ல மனிதனாக இருந்து அந்த அராஜகத்தைக் கண்டித்தேன். ராமஜென்ம பூமி என்கிறார்கள். ராமர் பிரந்த இடம் என்று சதுரஅடிவரை கணக்கிட்டுச் சொல்கிறார் கள். பிரசவத்திற்காக கோசலை படுத்தி ருந்த இடம் அதுதான் என்கிறார்களா?. இதில் கலைஞரின் கருத்தோடு எனக்கு முழு உடன்பாடு உண்டு.

தலைப் பிரசவத்திற்கு பெண்கள் பிறந்த வீட்டிற்கு செல்வது தான் தொன்று தொட்ட வழக்கம். அப்படிப்பார்த்தால் கோசலையின் சொந்த ஊர் கந்தஹார் ஆப்கானிஸ்தானில் இருக்கிறது. ராமர் பிறந்த இடத்தில் கோவில் கட்ட வேண்டும் என்பவர்கள் ஆப்கானிஸ்தா னில் போய் வேண்டுமானால் கட்டலாம் என்றார். அதுதான் எனது நிலைப்பாடும்.

கேள்வி : அப்போது பிரதமர் நரசிம்மராவைக்கூட சந்தித்தீர்களே?

கமல் : பம்பாய் கலவரத்தின் (1993) கொடுமைகளை நேரில் பார்த்து என்னால் மனம்தாள முடியாமல் அங்கேயே அழுது விட்டேன். உடனே சென்று திரைப்படப் பிரமுகர்களுடன் பிரதமர் நரசிம்மராவை சந்தித்தேன். நடந்த சம்பவங்கள் குறித்துக் கேட்டேன். மஹா ஆரத்தி பற்றி எதுவுமே தெரியாது என்றார். என்னுடன் வந்த நண்பர் இதைக்கேட்டு கேலியாக சிரித்து விட்டார் (அவர் முஸ்லிம் நண்பர்) இதனால் அவருக்கு கொஞ்சம் கோபம்.

கலவரங்களின் போது மகாத்மா காந்தி வீதியில் இறங்கி நடந்துள்ளார். வாருங்கள், நாங்கள் உங்களோடு வருகிறோம். பம்பாய் வீதிகளில் நடந்து பாதிக்கப்பட்ட மக்களை சந்திப்போம் என்றேன்.

அது எனக்குப் பாதுகாப்பானதில்லை என்று பாதுகாப்பு அதிகாரிகள் சொல்கிறார்கள் என்றார்.

பிரதமருக்கே பாதுகாப்பில்லை என்றால் சாதாரண பாதசாரிகளுக்கு என்ன பாதுகாப்பு கிடைக்கும்? என்றேன்.

சற்று கோபமாக முறைத்த நரசிம்மராவ் நினைத்த உடன் கிளம்புவதற்கு இது ஒன்றும் சினிமா 'ஷுட்டிங் இல்லை என்றார். நீங்கள் நினைப்பது போன்ற தல்ல சினிமா 'ஷுட்டிங். அதற்கும் ஏராளமான முன் திட்டங்கள் வேண்டும். மக்களைச் சந்திப்பதற்காக எங்களுடன் வரமுடியுமா? என்றேன்.

நிலைமையின் வளர்ச்சியைப் பார்த்து முடிவு செய்யலாம்'' என்றார்.

உடனே நான் இந்த நிலைமை மேலும் வளர அனுமதிக்கப் போகிறீர்களா?'' என்றேன்.

உடனே கோபமான அவர், எனக்கு நீங்கள் ஆங்கிலம் கற்றுக் கொடுக்கிறீர்களா?

Do you teach me english? என்றார். வேறெதுவும் கேட்க வேண்டுமா? என்று வேறுபக்கம் பார்த்துக் கொண்டு கேட்டார்.

பெரிய கும்பிடாகப் போட்டுவிட்டு வெளியேறினோம். அப்போது ஆனந்த விகடன் இதழில் இச்சம்பவம் விரிவாக வந்திருந்தது.

கேள்வி : மணிரத்தினத்தின் பம்பாய் திரைப்படம் இந்தக் கலவரங்களை மையப்படுத்தி எடுக்கப்பட்டது. அந்தப் படமும் முஸ்லிம்களை வன்முறையாளர் களாகத்தானே சித்தரித்தது?

கமல்: இதை நான் அப்போதே எதிர்த்தேன்.

(முஸ்லிம்களைத் தொடர்ந்து குற்றவாளிகளாக சித்தரிப்பது தவறானது மணிரத்னத்தின் தன்னை மாற்றிக்கொள்ள வேண்டும் என்று கமல்ஹாசன் பம்பாய் படம் குறித்து பேட்டியளித்திருந்தார்) இவ்வளவுக்கும் மணிரத்னம் எனது உறவுக்காரர். அவருக்கு எங்கள் பெண் ணைக் (மணிரத்தினம் மனைவி சுஹாசினி கமலின் அண்ணன் மகள்) கொடுத்திருக்கிறோம். அவர் எனக்கு மாப்பிள்ளை முறை, ஆனாலும் கூட நியாயத்தை நான் கூறினேன். அவரது படத்தின் விளைவாக எதாவது விபரீதம் நடந்திருந்தால், எங்கள் பெண்ணுக்குதானே பாதிப்பு...

கேள்வி : செப்-11, 2001 சம்பவத்திற்குப் பிறகு (அமெரிக்காவின் இரட்டை கோபுரத் தகர்ப்பு) ரஹழ் ர்ய் பங்ழ்ழ்ர்ழ்ண்ள்ம் என்ற பெயரில் முஸ்லிம்கள் மீது உலகளாவிய அளவில் ஒடுக்கு முறை ஏவப்பட்டுள்ளது. நம் நாட்டில் பாபரி மஸ்ஜித் இடிப்பிற்குப்பிறகு வளர்ந்தோங்கிய மதவாதத் தால் பாதிக்கப்படுவர்களும் முஸ்லிம்கள்தான்.

எல்லா முஸ்லிம்களும் தீவிரவாதிகள் அல்ல, ஆனால் தீவிரவாதிகள் அனைவரும் முஸ்லிம்கள் என்ற கருத்து பரப்பப் படுகிறது. ஊடகங்களிலும் வலுவான குரலற்ற (Voiceless Community) சமுதாயமாக உள்ள முஸ்லிம் சமுதாயத்தை சினிமா போன்ற சக்திவாய்ந்த ஊடகங்கள் மேலும் ஒடுக்குவது சரியா?

கேள்வி : பயங்கரவாதிகள் ஏன் உருவாகிறார்கள்?

கேள்வி : உன்னைப் போல் ஒருவன் உருவாக்கிய காயத்தை எப்படி ஆற்றப் போகிறீர்கள்?

போன்ற கேள்விகளுக்கு கமலின் பதில்கள் தொடரும்........ இன்ஷாஅல்லாஹ்

புதிய தலைமுறை = மாலன்- யுவகிருஷ்ணா-அதிஷா

2009-10-07T17:35:00.003+05:30

ஆசிரியர் மாலன் அவர்களுக்கு வாழ்ததுக்கள்

தங்களின் புதிய தலைமுறை வார இதழின் முதல் இதழ் கண்டேன். புதியதாய் பள்ளிக்கூடம் வந்த பருவப் பெண்களைப் போல பளிச்சென்றிருந்தது. வண்ணமும், வனப்பும் அருமை. ஒவ்வொரு கட்டுரையிலும் ஆய்வும், தகவலும் பயன் உள்ளவை. நாடாளுமன்றத்தில் இளைஞர்களுக்கு வேண்டும் இடஒதுக்கீடு என்ற முகப்பு கட்டுரை படித்த போது சில நெருடல்கள் ஏற்பட்டன. அவற்றை உங்களோடு பகிர்ந்து கொள்ள விரும்புகிறேன்.

இளைஞர்களுக்கு வாய்ப்பு வேண்டும் என்கிறீர்கள் வரவேற்போம். 18வயது இளைஞனுக்கு வாக்குரிமை கொடுப்பட்டதை கொண்டு 20 வயதில் உறுப்பினராகும் வாய்ப்பு வேண்டும் என்கிறீர்கள். நியதிப்படி உங்கள் வாதம் நியாயமானது என்றாலும் சூழ்நிலைகளையும். விளைவுகளையும் நீங்கள் சீர்தூக்கிப் பார்க்க வேண்டும். இன்றைய இளைய தலைமுறை என்ன செய்து கொண்டிருக்கிறது. நாலாந்தர நடிகர்களின் விசிறிகளாக இருக்கின்றனர். எதையும் பற்ற வைத்தூப பார்ப்பதில் அலதி ஆர்வம் காட்டுகின்றனர். சாதிப் பிரச்சினை, மதச் சண்டை என்றால் பள்ளிகூடம், பொது சொத்து என்றும் பாராமல் அடித்து நொறுக்கும் மனோபாவம் உள்ளது. உதாரணம், சட்ட கல்லூரி வாளகத்திலே நடந்த சம்பவம். மேலும் பல ஊர்களில் மாணவர்கள் கும்பல் சேர்ந்து கொண்டு அடியாட்கள் போல இயங்கி வரும் சம்பவங்கங்கள் நடக்கின்றன. எதற்கும் எளிதில் உணர்ச்சி வசப் படக் கூடியவர்களாக உள்ளவர்களை, நாடாளுமன்றத்துக்கு உள்ளே அனுமதித்தால் என்னவாகும்.எண்ணிக்கையில் அதிகமாக இருக்கும் நிலையில் சிறுபிரச்சினை என்றாலும், கருத்து மோதல் வந்தாலும் சபாநாயகரின் மண்டையை உடைப்பார்கள். பிரதமரின் கையை முறிப்பார்கள். பெண்களுக்கு வேறு 50 சதவீத இடஒதுக்கீடு கொடுக்க வேண்டும் என்றும் குரல் ஒலிக்கின்றன. அவர்களும் இளையவர்களாக இருக்கும் பட்சத்தில் பாலியல் தொந்தரவுகளும், அசிங்கங்களும் நாடாளுமன்றத்திற்குள்ளேயே நடக்கும். அங்கீகாரமற்ற கருவுறுத்தல்கள் நடக்கலாம். ஒரு நீதி விசாரணையில், சம்பவம் எங்கே வைத்து நடந்தது என்ற வினாவுக்கு, நாடாளுமன்றத்தில் தான், யாரும் இல்லாத சந்தர்ப்பத்தில், பிரதமர் அலுவலகத்திலேயே நடந்ததாக கூறலாம். ஏனென்றால் இன்றைய இளைய சமுதாயத்துக்கு பாலியல் தேவை வந்து விட்டால் எந்த இடமும் புனிதமாகவோ, தவிர்க்க வேண்டியதாகவோ தெரிவதில்லை. கல்வி நிலையங்களையும், பணிகூடங்களையும் கூட பயன்படுத்தி கொள்கிறவர்களுக்ளு, நாடாளுமன்றம் மட்டும் எப்படி புனிதமாகிவிடும்.

சிக்ஸர் அடித்தால் கைதட்டுவது, விக்கேட் அடித்தால் விசில் அடிப்பது என்று எதிரியை கோமாளியாக எண்ணி மகிழ்ந்து வருகிறது நம் இளைய சமூகம். அது அப்படி இருக்கத்தான் ஆசைப்படுகிறோம். ஒரு பதற்றமான சந்தர்ப்பத்தில் பேச்சுவார்த்தைகளைவிட போருக்கே அதிக முக்கியத்துவம் கொடுப்பார்கள். அணு ஆயுதங்களை வைத்திருக்கும் இரு தேசங்களின் இறுதி வாய்ப்பாக அணு ஆயுதங்கள் பயன்படும் நெருக்கடியை அந்த ஆதரவு வாக்குகள் அளித்து விடும் அபாயம் உண்டு. இந்த இளைய சமுதாயம் தீர்மானம் நிறைவேற்ம் இடத்திற்கெல்லாம் சென்றால் என்னவாகும் என்று நீங்கள் சிந்திக்க வில்லையா?

கலகவதி ஆகலாமா திலகவதி

2009-06-21T19:36:00.003+05:30

நக்கீரன் 20.06.2009, தேதியிட்ட இதழின் முகப்புக்கட்டுரையான ‘மகனைக் கொன்ற அப்பன், அப்பனைக் கொன்ற மகன் குற்றப்பின்னணி என்ற கட்டுரையில் (பக்-7) காவல்துறை அதிகாரியும், இலக்கியவாதியுமான திருமதி திலகவதியின் கருத்தை வெளியிட்டிருந்தீர்கள். திலகவதி ஐ.பி.எஸ்.ஸின் கருத்து முஸ்லிம் சமுதாயத்தினரின் உணர்வுகளைப் புண்படுத்தும் வகையில் இருப்பதால் இவ்விளக்கத்தை எழுதுகிறோம்.
”குடும்பகௌரவத்தைக் காப்பாற்ற பெற்றோர்களே அந்தப் பிள்ளையைக் கொன்று விடும் கௌரவக் கொலைகள் அரபுநாடுகளில் அளவுக்கதிகமாக அரங்கேறிக் கொண்டிருக்கின்றன. சலீம் ஒரு இஸ்லாமியர் என்பதால் அந்த மதத்திற்கு இந்தச் சம்பவம் புதிதானதும் அல்ல” என்று கருத்துகூறியுள்ளார் திலகவதி.
அரபு நாடுகளில் கௌரவக் கொலைகள் நடக்கின்றன என்பதற்கு அனுவின் துகள் அளவும் ஆதாரம் கிடையாது. அரபுநாடுகளில் அளவுக்கதிகமாக கௌரவக்கொலைகள் நடக்கின்றன என்பது அபத்தமான அவதூறு.
‘சலீம் ஒரு இஸ்லாமியர் என்பதால் அந்த மதத்திற்கு இந்தச் சம்பவம் புதிதானதும் அல்ல’ என்ற நச்சுக்கருத்தை திலகவதி போன்ற நல்லிலக்கியவாதி வெளிப்படுத்துவது வேதனைக்குரியது.
இஸ்லாம் மார்க்கம் இத்தகைய கொலைகளை கொள்கையளவில் அங்கீகரிப்பது போன்ற தோற்றத்தை திலகவதி ஏற்படுத்துகிறார்.
”இது அமைதி மார்க்கம் இதில் எவ்விதமான நிர்பந்தமும் கிடையாது” என்கிறது திருக்குர்ஆன். இறைக்கட்டளையையே நிர்பந்தப்படுத்தி ஒருவரை ஏற்கச் செய்ய இஸ்லாம் அனுமதிக்காத போது. தன்கருத்துக்கு ஒவ்வாத பிள்ளையைக் கொல்வதற்கு எப்படி அனுமதிக்கும்?
பெண்சிசுக் கொலைகளை தடுத்து நிறுத்திய மார்க்கம் இஸ்லாம்தான் என்பது குறிப்பிடத்தக்கது. நபிகள் நாயகத்திற்கு முந்திய காலத்தில் அறியாமைக்கால அரபுகள் பெண்குழந்தைகளை உயிருடன் புதைத்து வந்தார்கள். பெண் குழந்தைகளை சாபக்கேடாகக் கருதினார்கள்.
இதை நபிகள் நாயகம் தடுத்து நிறுத்தியதோடு பெண்குழந்தைகளை இறைஅருளின் அடையாள்மாய் போதித்தார்கள். இருபெண் குழந்தைகளை சிறப்பாக வளர்த்தவருக்கு சுவர்க்கம் உறுதி என்று நவின்றார்கள்.
திருக்குர்ஆனின் 81 வது அத்தியாயத்தின் 8,9 வசனங்கள் பெண் சிசுக்கொலை செய்வோரைக் கடுமையாக எச்சரிக்கின்றன.
குழந்தைகளை நேசிக்காதவர்கள் என்னைச் சேர்ந்தவர்களில்லை என்று நபிகள் நாயகம் நவின்றார்கள் இப்படி ஏராளமான சான்றுகளைக் கூறிக்கொண்டே போகலாம்.
உண்மை இவ்வாறிருக்க பெற்ற பிள்ளையையக் கொல்வது அந்த மதத்திற்குப் புதிதானது இல்லை என்ற திலகவதியின் கருத்து வன்மையான கண்டனத்திற்குரியது.
”சொந்தப்பிள்ளையை அல்ல அநியாயமாக எந்த ஒரு மனித உயிரை எவர் கொன்றாலும் அவர் உலக மக்கள் அனைவரையும் கொன்றவர் போலாவார். ஒரு மனித உயிரை வாழவைத்தவர் உலகமக்கள் அனைவரையும் வாழவைத்தவர் போலாவார்” என்று திருக்குர்ஆன் போதிக்கிறது. இத்தகையக் கட்டளைகளைக் கொண்டுள்ள மார்க்கத்தை கொலைகளை அங்கீகரிக்கும் மதமாக திலகவதி சித்தரித்துள்ளார்
காவல்துறையின் உயரதிகாரி ஒருவர் தனிவாழ்வில் ஒழுங்கீனமானவராக இருக்கிறார் என்பதற்காக ஒட்டுமொத்த காவல் துறையினரும் அப்படிப்பட்டவர்களே என்று கூறமுடியுமா?
மகளின் மீது அதீதபாசம் வைத்திருந்த ஒருவர் தன் கண்முன்னால் மகள் சீரழிவதை சகிக்க முடியாமல். வெறியோடும் அறிவீனத்தோடும் செய்த கொலைக்கும் மதத்திற்கும் முடிச்சுப் போட்டதே முதலில் தவறு. இந்தக் கொலையை முஸ்லிம் சமுதாயம் ஏற்கவில்லை. குற்றச் சம்பவத்தையும், அதைச் செய்தவர்களின் மதத்தையும் இணைத்துப் பார்ப்பது முஸ்லிம்கள் விஷயத்தில் மட்டுமே நடக்கிற கருத்தியல் வன்கொடுமை என்பதைச் சுட்டிக் காட்டுகிறோம். இரண்டு சம்பவங்கள் நடந்திருக்க, ஒரு சம்பவத்திற்கு மட்டும் மதத்தை முடிச்சுப் போட்டுப் பார்ப்பதும் அறிவு நாணயமுள்ள செயலா? ‘
மஹாபாரதத்தில், ‘என் உறவுகளை பதவிக்காக நான் கொல்லமாட்டேன்’ என்று அர்ஜுனன் மறுக்கும் போது தர்மத்தை நிலைநாட்ட உறவினர்களாக இருத்தாலும் அவர்களைக் கொலை செய்வது ஒரு ஷத்ரியனின் கடமை என்று போதிக்கிறார் கிருஷ்ணபரமாத்மா. இது பகவத் கீதையிலும் பதிவாகியுள்ளது.
பத்தொன்பது வயது விஜயகுமார் அவரது குடிகாரத் தந்தையான நடேசனைக் கொன்றுள்ளதற்கு கீதையை ஆதாரம் காட்டி தந்தையைக் கொல்வது இந்துமதத்திற்குப் புதியதல்ல என்று திலகவதி கூறுவாரா? குற்றங்களுக்கும் மதத்திற்கும் முடிச்சுப்போடும் போக்கிற்கு முற்றுப்புள்ளி வைப்பது தான் சமூக ஒற்றுமைக்கு உதவும். திலகவதி தன்கருத்தை மாற்றிக் கொள்ள வேண்டும்.

(இட்லி) வடையில் பிளேடு: பஞ்சாபிகாரரின் வாயை பதம் பார்த்தது.

2009-06-12T19:48:00.003+05:30

பஞ்சாப் மாநிலத்தில் இருந்து தமிழகம் சுற்றுலா வந்திருக்கிறார் வினய்குமார் என்ற பஞ்ஞாபி. சென்ரல் ரயில்வே நிலையம் அருகே ஒரு கடையில் வடையை பார்சல் வாங்கி மனுசன் கொஞ்சம் லேட்டா சாப்பிட்டு இருக்கிறார். சாப்பிட்டு கொஞ்ச நேரத்தில் வாயில் இரத்தம் கொட்ட ஆரம்பித்திருக்கிறது. உடனே மனுசன் தலை தெறிக்க பக்கத்தில் இருந்த சென்ரல் அரசு மருத்துவமனைக்கு மருத்துவர்களிடம் காட்டியிருக்கிறார். பின்னர் தான்னுடைய வாயை மருத்துவரிடம் காட்ட பல்லிடுக்கில் பிளேடு துண்டு ஒன்றை கண்டு பிடித்திருக்கிறார்கள்.

எனக்கென்னமோ இட்லி வடை தான் இதை செய்திருப்பார் என்று தோன்றுகிறது.

அடுத்தபடியாக ஸ்குரு, நட்டு, போல்டு, குண்டுசி, ஆணி போன்ற வற்றை போட்டால் இன்னும் கொஞ்சம் வியாபாரம் ஆகலாம்.

அம்மா குஞ்சு மணி வெளியில வந்துடுச்சு என்ன செய்ய?

2009-06-10T13:09:00.003+05:30

எனக்கு சுன்னத் பண்ணும் போது 10 வயதாகி விட்டது. என்னுடன் சேர்த்து என் தம்பி மற்றும் பெரியம்மா பசங்க என்று மொத்தம் 4 பேர்களுக்கு செய்தார்கள். வயதில் மூத்தவன் என்கிற அடிப்படையில் எனக்கு தான் முதலில் நறுக் செய்திட வேண்டும். ஆகவே பயம் எனக்கு கொஞ்சம் ஓவராக இருந்தது. இப்போதெல்லாம் ஆயிரம் ரூபாயை வாங்கிக் கொண்டு 10 நிமிடத்தில் 4 பேருக்கு டாக்டர்களே செய்து விடுகிறார்கள். ஆனால் எனக்கு நறுக் செய்திட்டவரோ நாசுவன் என்று அழைக்கப் படக் கூடிய நாவித மருத்துவர். ஆகையால் மயக்க மருந்து ஏதுமின்றி உரலின் நடுமைய மாக உட்கார வைத்து விட்டு, வயதுக்கு வந்த ஆண் மக்கள் சூழ ஒரு சிறிய கத்திரி மற்றும் கத்தியை மட்டும் வைத்து காரியத்தை முடித்திருவார். இவரிடம் தான் நான் பிறந்தில் இருந்து 15 வருடமாக முடியும் வெட்டிக் கொண்டேன். சில நேரங்களில் கடனுக்கு கூட. இவர் கிட்ட போனாலே சுருட்டு வாசம் ஆளை தூக்கும். இவர் முடி திருத்தும் கடை பக்கம் போனல் சில சமயம் மாப்ளே. இங்கே வாடா, அப்பாவிற்கு (தாத்தாவிற்கு) மயில் மார்க் சுருட்டு வாங்கியாடான்னு சொல்வாரு. நானும் தட்டாமல் வாங்கியும் கொடுத்திருக்கேன்.

எனக்கு 10 நாட்களுக்கு முன்னரே எனது கெழுதகை நண்பன் ஹைதர் அலி கத்னா வைபவம் வெகு சிறப்பாக நடைபெற்றது. அவர் சீனியர் ஆகிவிட்டதால வெட்கத்தை விட்டு போய் ரெம்ப வலிக்குமாடான்னு கேட்டேன். ஆமாம், உயிரே போயிடும்னு சொன்னான். சரியாப் போச்சு. சும்மாவே பயமா இருந்து எனக்கு எங்க உசுரு போயிடுமோன்னு ரெம்பவே பயம். பின்னே யாருக்கு தான் உசுரு மேல ஆசை இருக்காது. பின்னாடி வாப்பாட்ட போயி ஒரே ஒப்பாரி. ஊகூம் மனுசன் அசரவே இல்லை. பத்திரிக்கையெல்லாம் அடிச்சாச்சு, ஊரை எல்லாம் கூப்பிட்டாச்சு. கழுதை வயசாகுது இப்ப பண்ணல்லைன்னா வேற எப்ப பண்றது. இங்க பாரு உன் தம்பி எவ்வளவு தைரியமாக இருக்கான். அவன் மூத்திரத்தை வாங்கி குடிடான்னு வேற சொல்லிட்டாரு. நம்மளை கொல்லுறதுக்கு ஏதொ சதி நடக்குதுன்னு நெனைப்பில்ல நான் பாட்டுக்கு ஏதாவது செய்து இதை உடனே தடுத்தாகனும்னு ராத்திரி பூராவும் மூளையை போட்டு கசக்கி பார்த்தாலும் ஒரு ஐடியாவும் கிடைக்கவில்லை. ராத்திரி கனவுள்ள நாசுவரு கத்திரி, கத்தியோட வந்து மிரட்டி விட்டு போனது தான் மிச்சம்.

மறுநாள் என் தம்பிட்ட ஏன்டா உனக்கு பயமாக இல்லையாடான்னு கேட்டேன். பய நம்மள்ள விட புத்திசாலி. அதான் உனக்கு தான்னே முதல்ல பண்ணுறாங்கன்னு சொல்ல நாசுவரை விட இவன் தான் எனக்கு பெரிய எதிரியாக தெரிந்தான்.

கடைசியில்ல கத்னா செய்ய வேண்டிய நாளும் வந்தது. ஊரையே கூப்பிட்டு கறி சோறு போட்டு கத்னா செய்வது என்றால் சும்மாவா காலையிலேயெ இரண்டு கிடாவை வெட்டி கறி குழும்பின் வாசனை ஊரையெ தூக்கியது. முதல் சாப்பாடு சுன்னத் கல்யாண மாப்பிள்ளைகளுக்கு தான் கொடுக்க வேண்டும் என்று ஏதெனும் எழுதப் படாத சட்டம் இருக்கும் போல. எங்கள் நான்கு பெயர்களுக்கு தான் முதல் சாப்பாடு வைத்தார்கள். ஆனால் ஒரு பயலுக்கும் உள்ள இறங்கள.

அப்போ தான் நம்ம வில்லன் வந்தாரு. எனக்கு தான் இவரை பொறந்ததில் இருந்து தெரியுமே. இவரோட மனைவி தான் எனக்கு பிரசவம் பார்த்தவங்களாம். இவ்வளவு ஏன் எங்க குடும்பத்துள்ள பாதி பெயருக்க இவங்க மனைவி தான் பிரசவம் பார்த்தாகவும் தெரிந்து கொண்டேன். இதுள்ள இன்னொரு வரலாற்று பூர்வமான தகவலும் எனக்கு கிடைத்தது. அது என்னவென்றால் இவரு தான் எனக்கு முதன் முதல மொட்டை போட்ட மவராசன் என்கிற சேதி. இது மட்டுமில்லாமல் என்னோட வாப்பா, மாமா, சின்னவாப்பா என்று ஊருள்ள உள்ள ஆண் மகவுகள் பாதி பெயர்களுக்கு இவர் தான் நறுக் செய்து விட்டவர். இந்த அறிமுகப் படலம் முடிந்ததும். நாவிதர் என் தம்பியை பார்த்து மாப்ளே... உனக்கு தான் முதல்ல வெட்டப் போறென் என்றார். ஊம் காக்கா (அண்ணன்) இருக்கானுள்ள என்று என்னோட வாப்பாவின் மடியில் ஏறி அமர்ந்து கொண்டான்.

நேரம் தேய தேய எனக்குள் பயமும் அதிகமாகியிருச்சு. எங்கள் நான்கு பேரையும் ஊர்வலமாக அழைத்துக் கொண்டு போயி பள்ளிவாசலில் துஆ ஓதினார்கள். பின்னர் நான் அணிந்திருந்த புது துணியை கழற்றி விட்டு ஒரு வெள்ளை துண்டை சுற்றி உரலில் நடு மையமாக உட்கார வைக்கவும் அழுகை பீறிட்டு வந்தது. பயத்தில் கையையும், காலையும் உதற ஆரம்பித்து விட்டேன். என் கையையும் காலையும் இறுக்கமாக நான்கு பேர்கள் பிடித்துக் கொண்டார்கள். சிறிது நேரத்தில் மயக்கமாகி விட்டேன். பின்னர் என்ன நடந்தது என்றே தெரியவில்லை. எழுந்து பார்த்தால் எல்லாம் முடிந்து விட்டது.

நாங்கள் நான்கு பேரும் வரிசையாக படுக்க வைக்கப்பட்டு தொட்டி மாதிரி வெள்ளைத் துணியில் தொட்டில் போன்று கட்டி நறுக் செய்யப் பட்ட இடத்தில் எதுவும் பட்டு விடக் கூடாது என்கிற முன்னேச்சரிக்கை ஏற்பாடாக படற விட்டிருந்தார்கள். என் தம்பி மட்டும் இன்னும் அழுது கொண்டிருந்தான். உம்மா தான் அவளை எல்லாம் முடிந்திருச்சு காலையில்ல எல்லாம் சரியாகிடும்னு அவளை ஆறுதல் படுத்திக் கொண்டிருந்தார்.நறுக் பண்ணிய இடத்தை சுற்றி வெள்ளை துணியால் மருந்திட்டு கட்டியிருந்தார்கள். சிறிறு மஞ்சள் நிறமும். சிகப்பு சிறமுமாக அவ்விடம் காட்சி தந்தது. முதல் நாள் மட்டும் சிறுநீர் கழிக்க சற்று சிறிது கஷ்டமாக இருந்தது. மறுநாள் சரியாகி விட்டது.

நறுக் செய்து ஏழு நாட்கள் ஆகி விட்டது. நறுக் செய்து சரியாக ஏழாம் நாளன்று கட்டை பிரிப்பார்கள். அதற்கு முந்தைய இரவே கட்டை சுலபமாக பிரிப்பதற்காக தேங்காய் எண்ணையில் காயத்தை நன்றாக ஊற வைத்திடுவார்கள். எனது கெழுதகை நண்பன் ஹைதர் அலி வந்து அடுத்து குண்டை தூக்கி போட்டான். மச்சான்அன்னைக்கு சொன்னேன்னுள்ளடா உயிரே போயிடும்னு அது இன்னைக்கு தான். இன்னைக்கு தான் கட்டை பிரிப்பாங்கள் என்று பீதியை கிளப்பி விட்டு போனான். ஏழு நாளைக்கு பின்னாடி பயம் அடி வயித்தை புரட்டியது. குளிப்பாட்டுவதற்கு நாவிதரும் வர குளிப்பாட்டும் படலம் ஆரம்பமானது. எனக்கு குளிக்கும் போதெ கட்டு அவிழந்து போனது. ஆனால் என் தம்பிக்கு தான் கட்டை பிரிப்பதற்கு நாவிதர் பெரும் பாடு பட்டு விட்டார். அந்த ஏழு நாட்களுக்கு பின்னர் நாங்கள் நால்வரும் நிர்வாண நிலையில் இருந்து கைலிக்கு மாறினோம். கைலி நறுக் செய்யப் பட்ட இடத்தில் படும் போடிதல்லாம் கூசும். அதனால ஒரு வாரத்திற்கு கைலியை தூக்கி பிடித்த படியே நடக்க வேண்டும்.

சரித்திரத்தில் மறைக்கப்பட்ட இந்த சம்பவங்கள் நடந்து சுமார் 12 வருடங்கள் ஆகி விட்டது. இன்னைக்கு யாரும் நாவிதரை கூப்பிட்டு நறுக் செய்வதில்லை. நேராக டாக்டரிடம் போய் விடுகிறார்கள். அன்று எனக்கு நறுக் செய்தவர் இன்று ரிட்டையர்டு ஆகி விட்டார் என்று கூற முடியாது. ஆனால் அவர் வயதாகி போனதால்ல யாருக்கும் சுன்னத் செய்வதில்லை என்றும் கூறிக் கொள்கிறார். ஆனால் மயில் மார்க் சுருட்டை மட்டும் விட்ட பாடில்லை.

-----------

நறுக் செய்து கொள்வதால் பல்வேறு மருத்துவ பயன்கள் இருப்பதால் முஸ்லிம் அல்லாத டாக்டர்களும் விஞ்ஞானிகளும் நறுக் செய்து கொள்கிறார்கள்.
எனக்கு தெரிந்து எழுத்தாளர் சாரு நிவேநிதா கூட நறுக் செய்து கொண்டாதாக தெரிகிறது.
நறுக் செய்த அடையாளத்தை வைத்தே குஜராத் இன படுகொலையின் போது பல முஸ்லிம்கள் கொல்லப் பட்டிருக்கிறார்கள்.
ஆளவந்தான் திரைப்படத்தில் கூட நறுக் செய்த அடையாளத்தை கொண்டே கமல் ஹாசனா அல்லது ரியாஸா என்று கண்டு பிடிக்கும் காட்சி இடம் பெற்றிருக்கும்.
எழுத்தாளர் சுஜதா ஏன்? எதற்கு? எப்படி? முதல் பாகத்தில் கூட நறுக் செய்வதை விரிவாக எழுதியிருக்கிறார்.

------------------------------------------------------------------------------------------

சுன்னத், சின்னத், சுன்னத் கல்யாணம், கத்னா என்றெல்லாம் அழைக்கப்படும் ஒரு பழக்கம் ஆண்குறியின் முன் தோலை அகற்றுவதாகும். இது யூதர்களுக்கும் முஸ்லிம்களுக்கும் சமயம் சார்ந்த ஒரு பழக்கமாக இருக்கிறது. ஆங்கிலத்தில் இதை சர்கம்சிஷன் (Circumcision) என்று சொல்கிறார்கள்.
ஆனால் யூதர்களும் முஸ்லிம்களுக்கும் மட்டும்தான் இந்த பழக்கம் இருக்கிறது என்று சொல்ல முடியாது. பயன் அல்லது அவசியம் கருதி இதை செய்துகொள்ளும் மற்ற மதத்தினரும் உண்டு.

ஆனால் இதுகாறும் சமயம் சம்பந்தப்பட்ட விஷயமாக பார்க்கப்பட்ட ஒன்றுக்கு இப்போது விஞ்ஞானத்தின் ஆதரவு கிடைத்துள்ளது. அதுவும் மனித உயிரைக் கொல்லும் எய்ட்ஸ் என்னும் நோயிலிருந்து காப்பாற்றும் ஆற்றல் கொண்ட செயலாக இந்த 'சர்கம்சிஷன்' உள்ளது கண்டுபிடிக்கப்பட்டுள்ளது.

ஹெச்.ஐ.வி. தொற்றும் வாய்ப்பை இது குறைப்பதாக ஆராய்ச்சிகளின் மூலம் கண்டறிந்துள்ளனர். சமீபத்தில் அமெரிக்காவின் டொராண்டோவில் (Toronto) நடந்த சர்வதேச எய்ட்ஸ் கலந்தாய்வுக் கூட்டத்தில் ஹெச்.ஐ.வி. தொற்றுவதிலிருந்து நம்மைத் தடுக்கும் மிகச்சிறந்த வழியாக சர்கம்சிஷன் இருப்பதாக தான் நம்புவதாக முன்னால் ஜனாதிபதி பில் கிளிண்டன் கூறினார். இதை மதரீதியானதாகப் பார்க்கக் கூடாது என்றும் அவர் உலக நாடுகளைக் கேட்டுக்கொண்டார்.

"பரிசோதனைகளுக்கு நல்ல பயன்கள் கிடைத்திருக்கும் பட்சத்தில், இந்நோயைத் தடுக்கும், மனித உயிர்களைக் காக்கும் ஆற்றல் மிகுந்த வழி காணப்பட்டுவிட்டது என்றே பொருள். நாம் அனைவரும் இங்கிருந்து போகும்போது இந்த முறைக்கு பச்சைக்கொடி காட்டியவர்களாக வெளியே செல்ல வேண்டும்" என்று அவர் கூறினார்.

"சர்கம்சிஷன் செய்து கொள்வதனால் முறையற்ற பாலியல் உற்வுகளால் விளையும் பல நோய்கள் தடுக்கப்படுகின்றன. ஆண்களுக்கு ஆண்குறியைப் பாதிக்கும் புற்று நோயும் (penile cancer), பெண்களுக்கு கழுத்துப் பகுதியில் பாதிக்கும் புற்றுநோயும் (cervical cancer) வராமல் தடுக்கப்படுகிறது. ஹெச்.ஐ.வி. தொற்றும் வாய்ப்பையும் எய்ட்ஸ் ஏற்படும் வாய்ப்பையும் இது கணிசமாக கட்டுப்படுத்துகிறது. ஆனால் இது எய்ட்ஸுக்கு எதிரான முழு பாதுகாப்புக் கேடயமல்ல" என்கிறார் இந்த சர்வதேச மாநாட்டில் கலந்து கொண்டிருக்கும் பிரபல டாக்டர் கம்பம்பட்டி ஸ்வயம் ப்ரகாஷ்.

தென்னாப்பிரிக்க மற்றும் ஃப்ரெஞ்சு நாட்டு விஞ்ஞானிகளின் சமீபத்திய ஆராய்ச்சிகளின் முடிவுகள்தான் இந்த விவாதத்தையே தொடங்கி வைத்தன என்று கூறலாம். சர்கம்சிஷன் செய்து கொண்ட ஆண்களில் 60 விழுக்காட்டுப் பேருக்கு ஹெச்.ஐ.வி. தொற்றும் அபாயம் குறைவாக இருப்பதாக அவர்கள் கண்டறிந்தார்கள்.

கென்யா, உகாண்டா ஆகிய நாடுகளிலும் இது தொடர்பான மூன்றுவிதமான ஆராய்ச்சிகள் நடந்துகொண்டிருப்பதாக உலகளாவிய ஹெச்.ஐ.வி. தடுப்புக் குழு (Global HIV Prevention Working Group) சமர்ப்பித்த அறிக்கை கூறுகிறது. சர்கம்சிஷன் செய்து கொண்டவர்களோடு சேர்ந்து வாழும் 7000 பெண்களுக்கு ஹெச்.ஐ.வி. தொற்றும் வாய்ப்பு குறைந்துள்ளதா என்று ஒரு ஆராய்ச்சி உகாண்டாவில் நடக்கிறது. இதன் முடிவுகள் அடுத்த ஆண்டு எதிர்பார்க்கப் படுகின்றன.

25-லிருந்து 50 பேர்களுக்கு ஹெச்.ஐ.வி. தொற்றுவதை சர்கம்சிஷன் தடுக்கிற்து என்று கூறுகிறார் பாலியல் மருத்துவர் ஜி.சாமரம். ஆரோக்கியமான உடலுறவே 60-லிருந்து 70 விழுக்காடு வரை இந்த நோய் பரவாமல் காப்பாற்றும் என்றும் அவர் கூறுகிறார்.

"ஒவ்வொரு உடலுறவுக்குப் பிறகும் மர்ம உறுப்புகளை சுத்தமாகக் கழுவ வேண்டும். நோய் பரப்பும் கிருமிகளிலிருந்து இது காப்பாற்றும். ஆண்குறியில் சர்கம்சிஷன் செய்துகொள்ளும்போது முன்தோல் வெட்டி எடுத்துவிடப்படுவதால், பாக்டீரியா,வைரஸ் போன்ற கிருமிகள் தொற்றுவதற்கு மிகக்குறைந்த வாய்ப்பே உள்ளது" என்றும் அவர் கூறினார்.

"சர்கம்சிஷன் இந்த நோயைக் குறைக்குமே தவிர, ஒழித்து விடும் என்ற் சொல்ல முடியாது. இதைச் செய்து கொண்டால் யாரிடம் வேண்டுமானாலும் (தகாத) உறவு வைத்துக் கொள்ளலாம் என்ற எண்ணமும் செய்து கொண்டவர்களுக்கு ஏற்படலாம். இது செக்ஸை சட்டபூர்வமாக்குவதைப் போன்றதாகிவிடும்" என்கிறார் ஆந்திரப் பிரதேசத்தில் உள்ள தவறான பாலியல் பயன்பாட்டுக்கு எதிரான குழுவுக்குத் தலைவராக இருக்கும் என்.வி.எஸ். ராம்மோகன்.

-- வெள்ளி, டெக்கன் க்ரானிக்கிள், ஆகஸ்ட் 18, 2006.
NANDRI: NAGORE RUMI.

வக்ஃபு வாரியத் தலைவராகிறார் கவிக்கோ அப்துல் ரகுமான்

2009-06-09T19:13:00.003+05:30

தமிழ்நாடு வக்ஃபு வாரியத் தலைவர் பதவியை தமுமுக பொதுச் செயலாளர் செ. ஹைதர் அலி ராஜினாமா செய்த பிறகு அந்த பதவிக்குரிய இடம் தற்சமயம் காலியாகவே உள்ளது. இந்த நிலையில் நாடாளுமன்ற தேர்தலைச் சந்தித்த திமுக ஒரு சில முஸ்லிம் பிரமுகர்களுக்கு தேர்தலில் திமுகவிற்கு உங்களது விசுவாசத்தை காட்டுங்கள். பின்னர் வக்ஃபு வாரியத் தலைவர் பதவி உங்களை தேடி வரும் என்றனர்.

காதர் முகையதீனுக்கு எம்.பி சீட் இல்லை என்ற நிலை உருவான பின்னர் வக்ஃபு வாரியத் தலைவர் பதிவியை அவருக்கே கொடுக்கலாம் என்று ஒரு தரப்பு நம்பி வந்த நிலையில்.....

கவிக்கோ அப்துல் ரஹ்மான் வக்ஃபு வாரிய உறுப்பினராக நியமனம் செய்யப்பட்டார். அநேகமாக இன்னும் ஓரிரு தினங்களில் அறிவிப்புகள் வரும் என எதிர்பார்க்கப் படுகிறது.

கவிஞராகவும் கலைஞரின் மிகச் சிறந்த ஜால்ராவாகவும் பெயர் எடுத்த கவிக்கோ அப்துல் ரகுமான் என்ன செய்யப் போகிறார் என்று பொறுத்திருந்து பார்க்போம்.

நான்ஸி அஜ்ரம்-ஹைய்பா வஹாஃபி பாடல்கள் கேட்டதுண்டா?

2009-06-06T14:24:00.005+05:30

நான்ஸி அஜ்ரம்

ஹய்பா வஹாஃபி

எனது நண்பன் செல்போனில் இந்த இரு அரபுக் குதிரைகளின் பாடல்களை வைத்திருந்தான். கேட்டதுமே தலைகால் புரியலை. நீங்களே பாருங்கள்.

சிறு குறிப்பு: முதலில் உள்ள பாட்டையோ அல்லது இரண்டாவது உள்ள பாட்டையோ தனித்தனியாக கேளுங்கள். அல்லது இரண்டையும் ஒரே சமயத்தில் பிளை பண்ணிக் கேட்டாலும் சலிக்காது.

சரத்யாதவ் ப்ளிஸ் தற்கொலை செய்து கொள்ளுங்கள்

2009-06-05T20:19:00.002+05:30

அட நம்ம ஆளுங்கள் பெண்களுக்கான 50 சதவீதம் இட ஒதுக்கீடு தரக்கூடிய மசோதாவை விரைவில் நிறைவேற்றப் போகிறராங்களாம். என்னைக் கேட்டால் ஆண்களுக்கு 50 சதவீத இட ஒதுக்கீடு வழங்க யார் முன்வருவார்களோ அவர்களுக்கு என் குடும்பத்தில் உள்ள 59 ஓட்டுகளும்.
எதற்கு 50 சதவீத இடஒதுக்கீடாம்.

நம்ம குடியரசுத் தலைவர் ஒரு பெண் தான்.

சபாநாயகர் யாரு பெண் தான்.

ரயில்வே அமைச்சரும் பெண் தான். இவ்வளவு ஏன்?

குடியரசுத் தலைவர் மற்றும் சபாநாயகரை கொண்டு வந்த நம்ம சோனியா அம்மையாரே பெண்தானுங்களே.

இப்படி பெண் இன்றி அமையாது என்ற மரைக்காயரின் குரலுக்கு ஏற்ப ஐக்கிய தனதா தள தலைவர் சரத்யாதவ் மட்டும் தான் இந்த மாபாதக செயலை கண்டித்து தன்னுயிரை கூட துச்சமாக மதித்து விஷம் அருந்தி தற்கொலை செய்து கொள்வேன் என்று உருக்கமாக (!) கூறியுள்ளதை நான் வரவேற்கிறேன். ப்ளிஸ் சொன்னதை செய்யுங்கள் சார்.

ஜெய் ஹோ பாட்டு எல்லாம் சப்பை - இந்த பாட்டைப் பாருங்கள்

2009-06-05T17:55:00.007+05:30

அட என்னங்க.ஆஸ்கார் அவார்டு தருவது என்றால் ரகுமானோட எத்தனையோ பாட்டு இருக்கு வெள்ளைக்கார பக்கிங்க இந்த ஜெய் ஹோவிற்கு கொடுத்து இருங்கானுங்க. ஜோதா அக்பர் படத்துள்ள இந்த பாட்டுக்கு மனுசன் என்னம்மா மெனக்கெட்டு இருக்கார் பாருங்க. மேலும் ரகுமானின் வீச்சுக்கு இணை கொடுக்க முடியாமல் கேமிரா மேனும், செட்டிங் போட்டவரும் தோல்வியடைந்திருக்காங்கள்னு தான் எனக்கு தோனுது. ஹிந்தியில் இந்தப் பாட்டைப் பார்த்தால் யாருக்கு புரியப் போகின்றது. அதான் தமிழ் பாருங்கள். ஹிந்தியில் ஜாவித் அக்தரின் வரிகளுக்கு தமிழில் முத்துக்குமாரும் சளைத்தவரல்ல என்று நிருபித்திருக்கிறார். என்ன நான் சொல்றது சரிதானே.

அமெரிக்கா முஸ்லிம் நாடுகளிடையே உறவில் புதிய ஆரம்பம் வேண்டும்: அதிபர் ஒபாமா

2009-06-04T23:37:00.003+05:30

எகிப்தில் உரையாற்றிய அதிபர் , ''உலகெங்கும் உள்ள முஸ்லிம்களுக்கும் இடையே ஒரு புதிய ஆரம்பம் வேண்டும் என்று அழைப்பு விடுக்கும் அதிபர் ஒபாமாவின் உரைக்கு பெருத்த கரகோஷத்துடனான வரவேற்பு கிடைத்தது.

கெய்ரோ பல்கலைக்கழகத்தில் அவர் ஆற்றிய இந்த உரையில், அமெரிக்காவும், இஸ்லாமும் ஒன்றுக்கொன்று முரணானவை அல்ல, நீதி, முன்னேற்றம் மற்றும் சகிப்புத்தன்மை ஆகியவற்றின் பொது அடிப்படைகளை அவை பகிர்ந்துகொள்பவை என்று ஒபாமா கூறியிருக்கிறார்.

முஸ்லிம்கள் பற்றிய மோசமான விம்பத்துக்கு எதிராக தான் போராடுவேன் என்று உறுதி கூறிய ஒபாமா அவர்கள், அதேவிடயத்தை அமெரிக்கா பற்றிய கருதுகோள் குறித்து முஸ்லிம்களும் செய்ய வேண்டும் என்றும் கேட்டுக்கொண்டார்.

ஒரு நாட்டின் மீது மற்றுமொரு நாட்டினால், எந்த வகையான அரசாங்க முறைமையும் திணிக்கப்படக் கூடாது என்று குறிப்பிட்ட அவர், ஆனால், அரசாங்கங்கள் அந்த நாட்டு மக்களின் விருப்பத்தை பிரதிபலிக்க வேண்டும் என்றும் கேட்டுக்கொண்டார்.

அதிபர் ஒபாமாவின் உரை குறித்து இஸ்ரேல் எச்சரிக்கையுடன் பதிலுரைத்துள்ளது.

பாலத்தீன பிராந்தியங்களில் இருந்து இந்த உரைக்கு நல்ல வரவேற்பு கிடைத்துள்ளது.

இது ஒரு நல்ல ஆரம்பம் என்று பாலத்தீன நிர்வாகம் இந்த உரையை வெகுவாக வரவேற்றுள்ளது. தற்போதுள்ள நிலைமைகளுக்கு மத்தியிலும், இது ஒரு வெளிப்படையான மாற்றத்தைக் காண்பிக்கிறது என்று ஹமாஸ் கூறியுள்ளது.

இந்த உரை ஒரு வரலாறு என்றும் மற்றும் முக்கியத்துவம் வாய்ந்தது என்றும் கூறியுள்ள இராக்கிய அரசாங்கப் பேச்சாளர் ஒருவர், ஆனால் வார்த்தைகளில் கூறியவை நடவடிக்கைகளில் காண்பிக்கப்பட வேண்டும் என்றும் கூறியுள்ளார்.

பசங்க: தமிழில் குழந்தைகள் சினிமாவுக்கான முதல் முயற்சி

2009-06-03T21:28:00.001+05:30

Takeshi Miike என்ற ஜப்பானிய இயக்குனரின் Ichi the Killer என்ற படம் மேற்கத்திய பார்வையாளர்களுக்காகத் திரையிடப்பட்ட போது அவர்களின் கையில் Vomit bag என்று சொல்லி ஒரு பையையும் கூடவே கொடுத்தார்கள் என்பது செய்தி. அந்த அளவுக்கு குரூரமான ஒரு படம் இச்சி தெ கில்லர். தமிழில் இதுவரை வெளிவந்துள்ள குழந்தைகள் நடித்த படங்களைப் பார்த்தால் மேற்சொன்ன தகேஷி மீகேவே வாந்தி எடுத்து விடுவார் என்ற அளவுக்குத் தமிழ் சினிமா குழந்தைகளைச் சித்ரவதை செய்திருக்கிறது. இதுபற்றிப் பேசாமல் ‘பசங்க’ படத்தைப் பற்றி மட்டும் தனியாகப் பேச முடியாது என்பதால் முதலில் தமிழில் குழந்தைகள் நடித்துள்ள சில படங்களைப் பற்றிப் பார்ப்போம்.

முதலில் ஞாபகம் வருபவர், மணி ரத்னம். அவருடைய ‘கன்னத்தில் முத்தமிட்டால்’ படத்தில் வரும் அமுதா என்ற குழந்தை ஒரு ஈழப் போராளிப் பெண்ணால் கைவிடப் படுகிறாள். அந்தக் குழந்தையை தங்களுடைய குழந்தையாக எண்ணி வளர்க்கிறார்கள் ஒரு தம்பதி. ஒன்பது ஆண்டுகள் கழித்து, அந்தக் குழந்தையின் உண்மையான பெற்றோர் தாங்கள் இல்லை என்பதை அந்தத் தம்பதி குழந்தையிடம் தெரிவிக்கிறார்கள். இப்படி யாரும் தெரிவிக்க மாட்டார்கள் என்பதோ, இப்படித் தெரிவிப்பது, அல்லது, படத்தில் வருவது போல் அவ்வளவு குரூரமாகத் தெரிவிப்பதன் செயற்கைத் தன்மையோ இயக்குனருக்குத் தெரியவில்லை. படத்தில் அதற்குப் பின் வருவதுதான் பயங்கரம். இதை ஒரு Horror படம் என்று போட்டிருந்தால் நமக்குப் பிரச்சினையே இல்லை. ஒன்பது வயதில் ‘இவர்கள் தன்னுடைய உண்மையான பெற்றோர் இல்லை; வளர்த்தவர்கள்தான்’ என்று அவர்களிடமிருந்தே தெரிந்து கொள்ளும் அமுதா தன்னுடைய ‘உண்மையான’ பெற்றோரைத் தேடி இலங்கை செல்கிறாள். இப்படிப்பட்ட கொடூரமான கற்பனையையெல்லாம் Fetish ரகப் படங்களில் கூட நாம் பார்க்க முடியாது.
இந்தப் படத்தைப் பார்க்கும் போது எனக்கு Exorcist (1973) என்ற படமே மீண்டும் மீண்டும் ஞாபகம் வந்தது. அந்தப் படத்தில் ஒரு 12 வயதுச் சிறுமியை பேய் பிடித்து விடுகிறது. பிறகு அந்தச் சிறுமியின் உடம்பில் புகுந்த பேய் பண்ணும் அட்டகாசங்களும் அதி பயங்கரங்களும்தான் படம்.

குழந்தைகளின் பிரச்சினையை மையமாக வைத்து மணி ரத்னம் எடுத்த இன்னொரு படம், அஞ்சலி. ’கன்னத்தில் முத்தமிட்டால்’ அமுதா ஒரு டெரரிஸ்ட் என்றால் இதில் வரும் அஞ்சலி என்ற ஒன்றரை வயதுக் குழந்தை ஒரு பைத்தியம். அஞ்சலியாக நடித்த ஷாமிலி இதற்காக ஜனாதிபதி பரிசும் பெற்றாள்! இவளுடைய அக்காதான் அந்தக் காலத்தில் மிகப் பிரபலமாக இருந்து பெரிய மனிதர்களைப் போல் தத்துவ வசனங்களையெல்லாம் உதிர்த்துக் கொண்டிருந்த பேபி ஷாலினி. அஞ்சலி தவிர படத்தில் மேலும் ஒரு பத்து இருபது குழந்தைகள் வருகிறார்கள். அஞ்சலி பைத்தியம் என்றால், இந்தக் குழந்தைகள் அனைவரும் கிரிமினல்கள்!

இந்தியா முழுவதும் பாராட்டப்படும் மணி ரத்னத்தின் குழந்தைகளுக்கே இந்தக் கதி என்றால், சாமான்யத் தமிழ் சினிமா இயக்குனர்களைப் பற்றிச் சொல்லவும் வேண்டுமா?

குழந்தைகள் இடம் பெறும் படங்களிலெல்லாம் அந்தக் குழந்தைகள் 80 வயதுக் கிழவிகள் பேசுவது போலவே பேசுவார்கள். இப்படிப் பேசியே புகழ் பெற்ற குழந்தை நட்சத்திரங்களான பேபி ஷகிலா, குட்டி பத்மினி, ஸ்ரீதேவி, கமல்ஹாசன் போன்றவர்களைப் பற்றி எழுத வேண்டுமென்றால் ஆளுக்கு ஒரு ஆய்வுக் கட்டுரை எழுத வேண்டியிருக்கும். உதாரணமாக, ’குழந்தையும் தெய்வமும்’ படத்தில் கதாநாயகனுக்கு இணையாக வசனம் பேசுவார் குட்டி பத்மினி. எம்ஜியார், சிவாஜி படங்களில் நடித்த பேபி ஷகிலாவுக்கு எம்ஜியார் படத்தில் நடிக்கும் போது மட்டும் இன்னொரு பிரச்சினை. எம்ஜியார் குழந்தைகளைத் தூக்கிப் போட்டுத்தான் கொஞ்சுவார். அவருக்கோ அவ்வளவாக நடிக்க வராது. அதனால் ஆறு ஏழு டேக் வாங்கினால், குழந்தையை ஆறு ஏழு முறை தூக்கிப் போட வேண்டும். என்ன பாவம் செய்ததோ அந்தக் குழந்தை பேபி ஷகிலா!

குழந்தைகள் பெரியவர்களைப் போலவும், தாத்தா பாட்டிகளைப் போலவும் பேசுவது போதாது என்று அதற்கும் மேலே ஒரு படி சென்று அவர்களை தெய்வங்களாகவும் ஆக்கியது தமிழ் சினிமா.

குழந்தை நட்சத்திரம் ஸ்ரீதேவிதான் அந்தக் காலத்தின் முருகன், கிருஷ்ணன் எல்லாம். கந்தன் கருணையில் அவர் முருகனாக வருவார். குழந்தைகளைப் பெரியவர்களைப் போல் நடிக்க வைப்பதே ஒரு வன்கொடுமை என்றால், அவர்களைத் தெய்வங்களாக நடிக்க வைப்பது அதைவிடக் கொடுமை.
இப்படியெல்லாம் குழந்தைகளை வதைத்துக் கொண்டிருந்த தமிழ் சினிமா சூழலின் பின்னணியில்தான் ’பசங்க’ என்ற குழந்தைகள் படம் வெளியாகியுள்ளது. விராச்சிலை என்ற கிராமம். அங்கே உள்ள அரசினர் பள்ளியில் படிக்கும் ஜீவா என்ற மாணவன். அந்தப் பள்ளிக்குப் புதிதாக வந்து சேரும் அன்பு. ஜீவாவுக்கும் அன்புவுக்கும் நடக்கும் மோதல். பொறாமை, திமிர், விரோத மனோபாவம் போன்ற தீய குணங்களைக் கொண்டவனாக ஜீவா. ஜீவாவின் அப்பாதான் அந்தப் பள்ளியின் தலைமை ஆசிரியர். அவர்தான் இந்தப் பசங்களின் வகுப்பு ஆசிரியரும் கூட. ஜீவாவின் தோழர்களான பக்கடா, குட்டி மணியும் கூட ஜீவாவைப் போன்றே கெட்ட குணங்களைக் கொண்டவர்களாக இருக்கிறார்கள்.

இந்த கோஷ்டிக்கு நேர் எதிராக அன்பும் பண்பும் கொண்ட புதிய மாணவன் அன்பு. அன்புவிடம் மிகுந்த சிநேகமாக இருக்கும் வகுப்புத் தோழி மனோன்மணி. இவள் ஜீவாவின் சொந்தக்காரி. ஜீவாவுக்கும் அன்புவுக்கும் இடையிலான சண்டை கடைசியில் சமாதானம் ஆகி படம் முடிவடைகிறது. இதுதான் படத்தின் கதை. வழக்கமான தமிழ் சினிமா கதைதான் என்றாலும் சொல்லப்பட்ட விதத்தில் சர்வதேசத் தரத்தை எட்டியிருக்கிறது.

http://www.charuonline.com/June2009/Pasanga1.html

கருணாநிதியின் கவலைகளும் பிரபாகரன் பற்றிய கவலைகளும்

2009-06-03T21:10:00.006+05:30

காட்சிகளில் டெல்லியில் தள்ளு வண்டியில் முதலமைச்சர் கலைஞர் கருணாநிதியை வைத்து தள்ளிக் கொண்டு சென்றபடி அவருடைய குடும்ப உறுப்பினர்களும் குடும்ப விஸ்வாசிகளும் வலம் வந்த காட்சிகளைப் பார்த்தபோது பத்தாண்டுகளுக்கு முன்னர் ஒரு சுதந்திரப் போராட்ட வீரரின் வாழ்க்கை அனுபவத்தை நான் சிறுகதையாக எழுதியிருந்தது ஞாபகத்துக்கு வந்தது.

ஒரு டி.வி. நிகழ்ச்சிக்காக அந்த விடுதலை வீரரை நான் சென்னைக்கு வரக் கேட்டிருந்தேன். . அவருக்கு வயது எண்பதுக்கு மேல். உடல் தளர்ச்சி பெரிதாக இல்லாவிட்டாலும் கடும் மன தளர்ச்சியில் இருந்தார். சென்னைக்கு அழைத்து வந்தவர்கள் அவ்ருடைய பிள்ளையும் பேரனும். நிகழ்ச்சிப் பதிவு முடியும்வரை என் வீட்டில் தங்கியிருந்தார்கள். எல்லாம் முடிந்து ஊருக்குத் திரும்பும் தினத்தன்று ரயிலுக்குப் புறப்படுவதற்கு முன்னால் அவர் என் அறைக்கு பேரனுடன் வந்தார். என்னிடம் ஒரு உதவி வேண்டுமென்று தயங்கித் தயங்கிச் சொன்னார். என்னவென்று கேட்டேன் பேரனுக்கு சினிமாவில் சேர ஆசை. எப்படியாவது கமல்ஹாசனிடம் சொல்லி சேர்த்துவிடவேண்டுமென்று கேட்டார் ஆங்கிலேய ஆட்சியில் தேசத்துக்காகஅடி உதை அவமானங்களை சந்தித்திருந்த அந்த விடுதலை வீரர். ஏற்கனவே பல முறை பேரன் சென்னைக்கு வந்து முயற்சித்த கதையையும் சொன்னார். விடுதலை வீரருடன் ரயிலில் வந்தால் உடன் வரும் உதவியாளருக்கு டிக்கட் இலவசம் என்பது அரசு அளித்திருக்கும் சலுகை. எனவே அடிக்கடி இந்த விடுதலை வீரரை பேரன் சென்னைக்கு அழைத்து வந்து நாள் முழுக்க ரயில்வே நிலையத்திலேயே உட்காரவிட்டுவிட்டு, கோடம்பாக்கத்தில் வாய்ப்பு கேட்கப் போய்விடுவான். இரவு ரயிலில் ஊர் திரும்பும் வரை ரயிலடியில் விடுதலை வீரர் கிடக்க வேண்டியதுதான்.

தள்ளு வண்டிக் கலைஞரை டெல்லிக் காட்சிகளை டி.வியில் பார்த்தபோது ஏனோ இந்த உண்மைக் கதை நினைவுக்கு வந்தது. ஒரு காலத்தில் மொழிக்காக, தமிழ் மக்களின் உரிமைக்காக, ரயில் தண்டவாளத்தில் தலை வைத்து டெல்லிக்கு எதிராகப் போராடிய இளைஞர், இன்று 84 வது வயதில் மகனுக்கும் மகளுக்கும் பேரனுக்கும் அமைச்சர் பதவி பெற்றுத் தருவதற்காக தள்ளு வண்டியில் வைத்து அலைக்கழிக்கப்படுகிறார். விடுதலை வீரருக்கும் இவருக்கும் ஒரே வித்யாசம், இப்படி அலைவது இவருக்கும் பிடித்திருக்கிறது என்பதுதான்.

தி.மு.க என்பது திருக்குவளை மு.கருணாநிதி லிமிடெட் கம்பெனியாகிப் பல காலம் ஆயிற்று. கட்சி என்கிற கம்பெனியின் கண்ட்ரோலிங் ஷேர்ஸ் எல்லாம் குடும்பத்திடமே இருக்கின்றன. குடும்பத்தின் அடுத்தடுத்த தலைமுறைகள் வரிசையாக நிர்வாகப் பொறுப்புகளுக்கு வந்துகொண்டிருக்கிறார்கள். அதை ஒழுங்காக முடித்துத் தருவதற்காக ஓய்வு பெறும் வயதைத் தாண்டியபிறகும் போர்ட் சேர்மன் பதவியில் கலைஞரை தொடரவைத்துக் கொண்டிருக்கிறார்கள்.

டி.வியில் பார்த்த டெல்லிக் காட்சிகளில் தள்ளு வண்டி ஊர்வலத்தில் பின்னால் போகிற பிரமுகர்களில் ஒரு பலியாடு மாதிரி முகத்தைப் பார்த்தேன். தெரிந்த முகமாயிருந்தது. வயதாகிவிட்டதால் கொஞ்சம் பின் வழுக்கையும், முன்புறம் வயதை மீறிய கருந்தாடியுமாக - திருச்சி சிவா! தி.மு.கவின் ராஜய சபை உறுப்பினர். ஸ்டாலினுடன் இளைஞர் தி.மு.க உதவி தளபதிகளில் ஒருவராகத் துடிப்புடன் செயல்பட்டு விஸ்வாசமாக சுமார் 30 வருடங்களுக்கு மேல் கட்சியில் இருக்கிறவர். புத்தகம் படிக்கிற ப்ழக்கமும், எழுதுகிற பழக்கமும் உடைய கண்ணியமான மனிதர். கட்சி அவருடைய விஸ்வாசத்துக்கு அளித்த உச்சமான பரிசு எம்.பி.பதவி மட்டும்தான். இந்த முறை அவருக்கு ஓர் இணை மந்திரி பதவியாவது தருவார்கள் என்று நினைத்தேன். ம்ஹூம். எம்.ஜி.ஆர் விஸ்வாசியாக இருந்து கல்வித் தந்தையாக மாறி அண்மையில் தி.மு.கவில் இனைந்து எம்.பியான கோடீஸ்வரர் ஜெகத்ரட்சகனுக்கெல்லாம் மந்திரி பதவி கொடுத்த பிறகு மீதி பதவி எதுவும் இல்லையே. மன்மோகன் சிங் குறைந்தது தி.மு.கவுக்கு பத்து இணை அமைச்சர் பதவிகளையாவது கொடுத்திருந்தால், சிவா மாதிரி அரசியல் அசடுகளுக்கும் வாய்ப்பு கொடுத்திருப்பார்களோ என்னவோ..

மூத்த கட்சிக்காரரான டி.ஆர்.பாலுவை ஓரங்கட்டிவிட்டதாக பத்திரிகைகள் எழுதுகின்றன. இதில் ஒன்றும் வியப்பு இல்லை. பண்ணையார் வீடுகளில் எப்போதும் துடிப்பான புது இளம் கணக்குப் பிள்ளைகள் வந்துவிட்டால், வயசான பழைய கணக்குப் பிள்ளைகள் தாமாகவே குறிப்பறிந்து ஒதுங்கிக் கொள்வதுதான் மரபு. இன்னும் கொஞ்சம் கவுரமாக பாலுவுக்கு ஏதாவது மாநில ஆளுநர் பதவி வாங்கிக் கொடுத்து ரிட்டையர் ஆக்கியிருக்கலாம்.

வாசிப்புப் பழக்கம், எழுதும் ஆற்றல், ஆங்கில அறிவு உடையவர்களை தேர்ந்தெடுத்து டெல்லிக்கு எம்..பிகளாக அனுப்பி தங்கள் கொள்கைகளுக்காக திறமையாக வாதாடக் கூடிய நபர்களை - அண்ணா, சம்பத், நாஞ்சில் மனோகரன் , இரா செழியன்,முரசொலி மாறன், டாக்டர் கலாநிதி, வைகோ போன்றோரை -- அனுப்பும் கட்சியாக இருந்த திமு.க இன்று எப்படிப்பட்டவர்களை அனுப்புகிறது ? யாரெல்லாம் அமைச்சர் ஆக்கப்படுகிறார்கள் ? எப்படி இருந்த தி.மு.க இப்படி ஆகிவிட்டது ? இன்னும் அடுத்த பத்தாண்டுகளில் என்னவெல்லாம் ஆகப்போகிறதோ ?

நீ ஒன்றும் எங்களைப் பற்றிக் கவலைப்பட வேண்டாம் என்று ஆவேசப்பட வேண்டாம். நீங்களேயாவது உங்களைப் பற்றிக் கவலைப்படுங்கள். என் கவலையெல்லாம் உங்களின் இலவச மயக்கங்களில் சிக்கியிருக்கும் மக்களின் கதியைப் பற்றித்தான்.

-------------------------------------------------
விடுதலைப்புலிகள் தலைவர் பிரபாகரன் உயிரோடு இருக்கிறாரா இல்லையா என்று சர்ச்சைகள் தொடர்கின்றன. ப்லரும் என்னிடமும் தொலைபேசியில் கேட்கிறார்கள். எந்த உண்மையை நம்புவதென்று எனக்கும் தெரியவில்லை.
பிரபாகரன் இருக்கிறார் என்றால் இனி என்ன ஆகும் ? பிரபாகரன் இல்லை என்றால் இனி என்ன ஆகும் ? இந்த இரு நிலைகளையும் கொஞ்சம் யோசித்துப் பார்ப்போம்.

பிரபாகரன் இருக்கிறார் என்றால், அவரை எவ்வளவு சீக்கிரமாக நெடுமாறனோ வைகோவோ சந்தித்து பேட்டி எடுத்து வெள்யிடுகிறார்களோ அவ்வளவுக்கவ்வளவு நல்லது.
பிரபாகரன் தன்னைத்தானே மிகத் தீவிரமாக சுயவிமர்சனம் செய்துகொள்ள வேண்டிய நேரம் இதுதான். உலகத்தின் மிகத் திறமை வாய்ந்த ராணுவ தளபதிகள் வரிசையில் இடம் பெறக்கூடிய தனக்கு இப்போது பின்னடைவு ஏற்பட்டதற்கு என்ன காரணம் என்பதை அவர் சிந்திக்க வேண்டும். ராணுவ ரீதியான தவறுகளை விட, அரசியல் தவறுகள்தான் இந்த நிலைக்குக் காரணம் என்பதை அவர் புரிந்துகொள்ளவேண்டும்.

இருபத்தைந்து ஆண்டுகளுக்கு முன்னால் இந்திய அரசு போராளிகளுக்கு ஆயுதப்பயிற்சி கொடுத்த போது இருந்த உலக அரசியல் இன்று இல்லை என்பதை புரிந்துகொள்ள வேண்டும். சோவியத் யூனியன் இல்லை. அமெரிக்கா ஒற்றை வல்லரசானது. அல்-கொய்தா தாக்குதல்களுக்குப் பிறகு அமெரிக்காவும் மேலை நாடுகளும் புலிகளை ஆதரித்ததை நிறுத்திவிட்டன. இந்தியா எப்போதுமே தனி ஈழத்தை ஆதரித்ததில்லை என்பதுவேறு எவரையும் விட பிரபாகரனுக்கு நன்றாகவே தெரியும்.

நானும் பிரபாகரனும் ஒரே ஆண்டில் பிறந்தவர்கள் ஒரே வயதினர். 1983 முதல் 1992 வரை நானும் இலங்கையில் இருக்கும் தமிழர்களுக்கு தனி ஈழம் ஒன்றுதான் தீர்வு என்று தீவிரமாக நம்பினேன். ஆதரித்து எழுத்திலும் பேச்சிலும் பிரசாரம் செய்தேன். இப்போது என் கருத்து மாறிவிட்டது.

இன்று உலகில் எங்கேயும் எவரும் பிரிந்து போவதற்குப் போராடுவதை விட, சேர்ந்து வாழ்வதற்கான வழிமுறைகளை யோசிப்பதும் உருவாக்குவதும்தான் சிறந்த தீர்வு என்று நம்புகிறேன். ஆயுதப் போராளியான நெல்சன் மண்டேலாவை தன் ரோல் மாடலாக பிரபாகரன் சிந்தித்துப் பார்க்க வேண்டும்.

பிரபாகரன் உயிரோடு இருப்பாரானால், மறுபடியும் ஆயுதப் போராட்டத்தை எப்படி வலுப்படுத்துவது என்ற யோசனைக்கு பதில், அரசியல் தீர்வு பற்றி யோசிக்கத் தொடங்க வேண்டும். மறுபடியும் ஆயுதப்போராட்டம் ஒரு ரொமாண்டிக் கனவாக இருக்க முடியுமே தவிர, இன்னும் பல தலைமுறை ஈழத்தமிழர்களை யுத்தத்தில் வன்முறையில் பலி கொடுபதில்தான் திரும்பவும் முடியும்.

இலங்கையில் ப்கிரங்க அரசியல் கட்சியாக புலிகள் தம்மை அறிவித்துக் கொண்டு செயல்படத்தொடங்குவதற்கான வழிகளை பிரபாகரன் யோசிக்க வேண்டும். அதற்கான ஆதரவை உலக நாடுகளிடம் திரட்டும் வேலையில் உலகெங்கும் இருக்கும் ஈழத்தமிழ் ஆதரவாளர்களை ஈடுபடுத்த வேண்டும். இப்படிப்பட்ட மாற்றத்துக்கு இந்தியாவில் பெரும் ஆதரவு கிட்டும். இந்திய அரசும் இதை ஆதரிக்க வேண்டும் என்ற நிர்ப்பந்தத்தை எளிதில் ஏற்படுத்த முடியும்.

ஈழ மாநிலத்தின் முதலமைச்சராக பிரபாகரனும், எதிர்க்கட்சித்தலைவராக வரதராஜப்பெருமாளோ, டக்ளஸ் தேவானந்தாவோ, கருணாநிதி-ஜெயலலிதா போல அல்லாமல் இன்னும் அதிகத் தரத்துடன் அரசியல் செய்யும் ஜனநாயக அமைப்பை பிரபாகரன் நினைத்தால் இன்றைய சூழலில் உருவாக்கிக் காட்ட முடியும். ராணுவ வீரன் பிரபாகரனுக்கு ஓய்வு கொடுத்துவிட்டு அரசியல்வாதி பிரபாகரனாக தன்னை அதற்கு அவர் வடிவமைத்துக் கொள்ள வேண்டும். இதுதான் என் விருப்பம். மறுபடியும் ஈழத்தமிழர்களை யுத்தம் நோக்கி அழைத்துச் செல்லும் எவரும் உண்மையில் முழுமையான தமிழ் இன ஒழிப்பில்தான் அதைக் கொண்டு போய் முடிப்பார்கள்.

பிரபாகரன் இறந்திருந்தால் ?

அரசியல் தலைமைக்கு ராணுவ ஆற்றல் கட்டுப்பட்டால்தான் அரசு அமையும்; ராணுவ தலைமைக்கு அரசியல் அடி பணிந்தால், பாகிஸ்தானைப் போன்ற சீரழிவும் குழப்பமும்தான் ஏற்படும் என்ற நிரந்தரமான அரசியல் விதியைப் புறக்கணித்ததால் பலியானவர் பிரபாகரன் என்ற வருத்தத்துடன் அடுத்தது என்ன என்று யோசிப்போம்.

இந்தியாவின் பொறுபும் இந்தியாவில் உள்ள நம்முடைய பொறுப்பும் உலக நாடுகளின் பொறுப்பும் இன்னும் கூடுதலாகின்றன. ரஜபக்‌ஷே அரசை குறைந்தபட்சம் 13வது சட்டத்திருத்த் ரீதியான் சம உரிமைகளை உடனடியாக நிறைவேற்றக் கட்டாயப்படுத்துவது மிக முக்கியமானதாகிறது. பல கட்சி ஜனநாயக அமைப்பை கிழக்கிலங்கையில் நிலை நிறுத்த உழைக்க வேண்டியிருக்கிறது.

இதைச் செய்யாவிட்டால் ஈழத்தமிழர்கள் மறுபடியும் ஆயுதபோராட்டம் என்ற விஷச் சுழலில் போய் சிக்கி மறுபடியும் தற்காலிக வெற்றிகளையும் தொடர்ந்த அழிவுகளையும் சந்திக்கும் அவலம் ஏற்படும்.

பிரபாகரன் இறந்திருந்தாலும் சரி, உயிரோடே இருக்கிறார் என்றாலும் சரி, உடனடியாக நம் அக்கறைக்குரிய வேலை, யுத்தத்தில் பாதிக்கப்பட்ட தமிழர்கள் அனைவரும் சகஜ நிலைக்கு 6 மாதத்துக்குள் திரும்ப ஏற்பாடு செய்வேன் என்று ராஜ பக்ஷே ஐ.நாவிடம் சொல்லியிருப்பதை தினம் தினம் கண்காணித்து செயல்படுத்த எல்லா நிர்ப்பந்தங்களையும் ஏற்படுத்துவ்துதான். அதிக பட்சம் இனும் 15 நாட்களுக்குள் உலகத் தொண்டு நிறுவனங்கள் அனைத்தையும் நிவாரணப் பணி செய்ய அனுமதிக்கும்படி ராஜப்க்‌ஷே அரசை வலியுறுத்த வேண்டும். சிதைந்த நகரங்களை ஊர்களை கிராமங்களை மறுபடியும் எழுப்பும் வேலையை விரைவுபடுத்த வேண்டும் .

இவற்றைப் பற்றியெல்லாம் பேசாமல், மர்மக்கதை போல சர்ச்சைகளில் போய் சிக்குவது கூட அசல் பிரச்னையிலிருந்து திசை திரும்பும் வேலையாகிவிடும்..

இந்த வாரப் பூச்செண்டு:

வறுமை, நோய் போன்றவற்றை மீறி அதிக மதிப்பெண்கள் பெற்று சாதனைகள் செய்திருக்கும் பள்ளி இறுதியாண்டு, பிளஸ் டூ மாணவ சாதனையாளர்கள் அனைவருக்கும் இ.வா.பூச்செண்டு.

இந்த வார நெகிழ்ச்சி:

கனிமொழியின் ’தியாகம்.’

ரயில் தண்டவாளத்தில் தலை வைத்து உயிர் பிழைத்தாள் ஒரு அம்மணி (வீடியோ)

2009-06-03T15:37:00.001+05:30

Newzealand was discovered by tamilians

2009-06-01T13:08:00.002+05:30

Tamilians were very good at sea trade in the very even ancient times.Especially the contribution of people from Ramanathapuram district was commendable.A ship bell in Newzealand Museum exemplifies this fact.This bell found during 1836 at Vengeri in Newzealand contains the name of a Tamilian inscribed on it.This bell was founded by William Kolnso a Christian Pastor who had been sent from England to Newzealand for spiritual propagation along with his group."this bell belongs to the ship of Muhaideen Vakkas"is depicted in metal over the edge of the bell.This bell made completely out of bronze encloses 23 tamil letters.Based on these letters scholars consider that this bell belongs to 17th or 18th century.

Discovery of newzealand

This bell was founded earlier by Mauri ethnic tribes of Newzealand considering it as a vessel cooked potatoes with it.Seeing this the pastor exchanged the bell with a steel vessel.These information are available at the Newzealand Museum.but the fact that how the bell broke out from the ship and how long the tribes had been using it are unknown.Nevertheless the bell has been handed over to the Museum according to the pastor's will.Sea researchers from European continents discovered many new countries for commercial purposes.During 1769 James Cook of England , a sea researcher discovered Newzealand after the discovery of America and Australia.But before the British discovery of Newzealand Tamilians set up a footprint and also developed commercial pursuits in Newzealand.the ship bell found here serves as an example for the Tamilians' discovery of Newzealand.

This eminent bell is being claimed by 3 different regions of Tamilnadu.People of Vedalai and Maraikkayar Pattinam located near mandapam of Ramanathapuram district had been good ship traders as well as good commercial experts.O.M.S.M.Ummu Salma Beevi and her brother O.M.S.M.Syed Mohaideen say that the bell recovered in Newzealand belong to them.They say that Vakkas is the grandfather of their grandfather Sheikappa.They assert that Vakkas owned several ships and this bell could belong to one of the ships owned by him.Further the natives here have been naming their children as Vakkas for quite some time.Apparently the name Vakkas is not accustomed to any other parts of Tamilnadu.After Vakkas, his son muhaideen meerasa,his grandson sheikappa and his 5 sons had been living as ship traders is a well known fact for the people of this place.Similarly people of Kilakarai claim this bell as their own.According to this people King Habeeb Muhammed who ruled Kilakarai established a place called Maraikayarpattinam.It is proved from the document written by Mautharosupeetha,the then Madurai district collector to Abdul Khader Sahib Maraikkayar who is the brother of King Habeeb Muhammed.Initially it was called as Habeeb Muhammed Puram and later changed to Maraikkayar pattinam.Keelakkaraittes say that this bell belongs to one of the 40 ships of Keelakkarai Philanthropist Habeeb Maraikkayar.
Similarly Meer Muhammed Sabi and Jane De Mattudi of Pazhaverkadu near Chennai owned a ship previously.They named their ship as Muhaideen Bucks.This ship had been committed for commercial purposes from Pazhaverkadu and Nagapattinam harbours to far east countries like Australia and Newzealand.Therefore this bell probably belongs to that ship owned by Sabi and Mattudi,says eminent Archaeologist,Former head of Pudukkottai Museum and writer Raja Muhammed. Nevertheless this bell is claimed by 3 different regions of Ramanathapuram,it is adorning Tamilians' overseas trade as a crown for the progeny.Information about this bell is briefly available at http://www.maraicoir.blogspot.com/

எழுத்தாளர் சகோதரி கமலா சுரய்யா மரணம்.

2009-05-31T20:25:00.004+05:30

ஈரல் எழுத்துலகில் தன் வாழ்க்கையை ஆரம்பித்து ஆங்கில எழுத்துலகிலும் பிரகாசித்த 75 வயது நிரம்பிய பிரபல மலையாள எழுத்தாளர் சகோதரி கமலா சுரய்யா அவர்கள் புனேயிலுள்ள ஜஹாங்கீர் மருத்துவமனையில் இன்று அதிகாலை 2 மணிக்கு மரணமடைந்தார் இன்னா லில்லாஹி வ இன்னா இலைஹி ராஜிவூன்!

1934 மார்ச் 31 இல் கேரள மாநிலம் பாலக்காடு மாவட்டத்திலுள்ள நாலப்பாட்டு என்ற பெயர் கொண்ட குடும்பத்தில் பிறந்த சகோதரி கமலா சுரய்யாவின் தாயார் பிரபல பெண்கவிஞர் பாலாமணியம்மா ஆவார். தந்தை வி.எம். நாயர். கணவர் மாதவதாஸ். இவருக்கு 3 பிள்ளைகள் இருக்கின்றனர்.

வாழ்வின் அனைத்து ஏற்றத்தாழ்வுகளையும் தன் வாழ்நாளில் அனுபவித்து விட்ட சகோதரி சுரய்யா, மாதவிக்குட்டி என்ற பெயரில் மலையாளத்திலும் கமலாதாஸ் என்ற பெயரில் ஆங்கிலத்திலும் பிரபலமாக அறியப்பட்டிருந்தவர். அவரது பல்வேறு நாவல்களும் ஆங்கிலக் கவிதைகளும் கமலா சுரய்யாவுக்கு இந்தியாவிலும் வெளிநாடுகளிலும் எண்ணற்ற வாசகர்களைத் திரட்டித் தந்துள்ளது.

பால்யகால ஸ்மரணகள் (குழந்தைக்கால நினைவுகள்), பூதகாலம் (இறந்தகாலம்), பக்ஷியுடைய மரணம் (பறவையின் மரணம், யா அல்லாஹ் போன்றவை சகோதரி சுரய்யாவின் பிரசித்திப்பெற்ற நாவல்களில் சில! கேரள சாகித்ய அகாதமி விருது, வயலார் விருது, எழுத்தச்சன் விருது போன்ற பல்வேறு எழுத்தாளர் விருதுகளையும் அவர் பெற்றுள்ளார். அன்பைத் தேடி பயணப்பட்ட அவரின் வாழ்வில், அவர் இறுதியாக தேடிய மழை போன்ற அன்பு இருக்கும் இடமாக இஸ்லாத்தைக் கண்டு கொண்டார். 1999 ஆம் ஆண்டு தன் 65 ஆவது வயதில் அவர் இஸ்லாமிய மார்க்கத்தைத் தன் வாழ்க்கை நெறியாக ஏற்றுக் கொண்டார். அன்றோடு மாதவிக்குட்டி என்ற தன் இயற்பெயருக்கு விடைகொடுத்து, கமலா சுரய்யா என்றப் பெயருக்குச் சொந்தக்காரர் ஆனார்.

தேடியலைந்த நிரந்தர அன்பு பொங்கும் இடமாக இஸ்லாத்தைக் கண்டுகொண்ட நேரத்திலேயே, பிரபலமான நாயர் குடும்பத்தில் பிறந்திருந்தாலும் சமூகத்தில் தான் மிகப் பெரிய அந்தஸ்திலும் பெயரிலும் அறியப்பட்டிருந்தாலும் இஸ்லாத்தை ஏற்றுக் கொள்வதற்கு அவை ஏதும் அவருக்குத் தடையாக இருக்கவில்லை. அறிந்துக் கொண்ட உண்மையை ஏற்றுக் கொள்வதில் எவ்வித தயக்கமும் காட்டாத அவரது வெளிப்படையான கள்ளம் கபடமற்ற அந்தப் பண்பே பிந்தைய அவரின் வாழ்வில் மிகப் பெரிய சவால்களையும் எதிர்கொள்ள வைத்தது. இஸ்லாத்தை வாழ்க்கை நெறியாக ஏற்றுக் கொண்ட ஒரே காரணத்திற்காக அதுவரை மிகப் பெரிய அந்தஸ்தில் வைத்துப் போற்றிய சமூகத்திலிருந்து, சங்பரிவார வல்லூறுகள் அவர் மீது பாய்ந்து பிராண்டியன. கூடவே கொலை மிரட்டல்களும் தூற்றல்களும் அவரைத் தொடர்ந்தன! உடல் தளர்ந்திருந்தாலும் தன் வாழ்நாள் முழுவதையும் அர்ப்பணித்துத் தான் தேடியதைப் பெற்றுக் கொண்ட அவரின் உறுதியான மனம் தளரவில்லை. பிற்காலத்தில் சகோதரி கமலா சுரய்யா அவர்களுக்கு இஸ்லாமிய மார்க்கம் திகட்டிப்போய் அதிலிருந்து வெளியேறி விட்டார் என, அவர் சஞ்சரித்திருந்த பத்திரிக்கை உலகினரே எவ்வித வெட்கமும் இன்றி பொய் கதைகளை அவருக்கு எதிராக எழுதி, இஸ்லாத்தை ஏற்றுக் கொண்டதற்காக அவர் மீதான தங்களின் வெறுப்பைக் கொட்டித் தீர்த்தன. தொடர்ந்து வந்த வல்லூறுகளின் தூற்றல்களுக்கு ஈடுகொடுக்க முடியாமல் அவரின் இறுதி காலத்தில் அவர், தான் மிகவும் நேசித்திருந்த பிறந்த மண்ணை விட்டு மும்பை சென்று வாழ வேண்டிய நிர்பந்தத்திற்கும் தள்ளப்பட்டார். அவரை மிகவும் நேசித்திருந்த அவரின் இளைய மகன் ஜெயசூர்யாவுடன் தன் கடைசி காலத்தை புனாவில் நிம்மதியுடன் கழித்தார்.

கடந்த ஒன்றரை மாதக்காலமாக சுவாசக் கோளாறினால் பாதிக்கப்பட்டு, ஜஹாங்கீர் மருத்துவமனையில் அனுமதிக்கப்பட்டிருந்த நிலையிலேயே எதிர்பாராத விதமாக இன்று அதிகாலை 2 மணிக்கு அவர் மரணமடைந்தார். இன்னா லில்லாஹி வ இன்னா இலைஹி ராஜிவூன்! இன்று அவர் நம்மை விட்டுப் பிரிந்திருந்தாலும் இஸ்லாத்தை ஏற்றப்பின்னரான அவரின் கடந்த 10 ஆண்டு கால வாழ்வில் அவர் வெளிப்படுத்திய அவரின் மகத்தான எண்ணங்கள், இவ்வுலகை விட்டு நீங்காது! அவரின் எண்ணங்களில் சில: "அரசியல் கட்சிகளை அளவுகடந்து நேசிக்கும் மனிதர்களைப் பார்க்கிறேன்; மதத்தை அளவுகடந்து நேசிக்கும் மனிதர்களைப் பார்க்கிறேன்; ஆனால் மனிதத்தை நேசிக்கும் மனிதர்களைப் பார்ப்பது அபூர்வமாகி விட்டது!" "நான் தேடிய அன்பு இஸ்லாத்தில் கிடைத்தது. அதனை ஒரு போதும் இழக்க விரும்பவில்லை." "எனக்கு இஸ்லாம் பிடித்திருக்கிறது. அது சொல்கிற வாழ்க்கை எனக்குத் திருப்தியாக இருக்கிறது." "நான் முஸ்லிமாக வாழ்கிறேன். என் மூத்த மகன் புத்த மதத்தைத் தழுவியிருக்கிறான். என் இளைய மகன், ‘நீதான் எனக்கு மதம், கடவுள் எல்லாமே!’ என்று தாய்மையைக் கொண்டாடுகிறான். எல்லோரும் ஒரே வீட்டில் வாழ்ந்தாலும் யாரும் யாரையும் தொந்தரவு செய்வதில்லை. யாரும் யாரையும் தாழ்வாகக் கருதுவதில்லை. என் வீட்டுக்குள் சாத்தியமான இந்த நிலை, என் நாட்டுக்குள்ளும் இருந்தால், இந்த கமலாதாஸ் வேறு ஏதாவது எழுதிக்கொண்டு இருக்கலாம்." "பெண்ணியம் பேசுவதாகச் சொல்லிக் கொண்டு, 'கர்ப்பப் பையை ஆணுக்கும் வையுங்கள்' என்று கோஷம் எழுப்புவது அறிவுடைமை ஆகாது.

ஆணுக்குச் சில இயல்புகள் இருப்பதைப் போலவே, பெண்ணுக்கும் சில இயல்புகள் உண்டு. இரு தரப்புக்குமான இயல்புகளில் உயர்வு, தாழ்வு இருக்கக் கூடாதே தவிர, இயல்பையே மாற்றுவேன் என்பது விபரீதமானது. தாய்மையைப் பெண்கள் கொண்டாட வேண்டும். அது ஆண்களால் நினைத்தாலும் பெற முடியாத அற்புதமான விஷயம். என் வாழ்நாளில் நான் மிகவும் மகிழ்ச்சியாக இருந்த காலம் எதுவென்று கேட்டால், நான் முதன் முதலாக தாய்மை அடைந்த அந்த நாட்களைத்தான் சொல்வேன். இப்போது நினைத்தாலும் எனக்குள் சிலிர்ப்பு ஏற்படுத்துகிற அனுபவம் அது. அந்த இயல்புக்கு எதிராக நான் ஏன் செயல்பட வேண்டும்? அதனால்தான் பெண்கள் தங்கள் திறமைகளை வளர்த்துக் கொள்ள முடியவில்லை என்பதை என்னால் ஏற்றுக்கொள்ள முடியாது.

ஒரு அம்மாவாக இருப்பதால், என் எழுத்துத் திறமை எந்த விதத்திலும் குறைந்துவிடவில்லை. பெண்ணியம் பற்றிய சிந்தனைகளில் நமக்கு இன்னும் தெளிவு வேண்டியிருப்பதாகவே கருதுகிறேன்." "நான் மதத்தை நம்புவதில்லை. ஆனால், கடவுளை நம்புகிறேன். இந்த உண்மையைச் சொன்னால், இரண்டு பக்கமிருந்தும் எதிர்ப்பு வருகிறது.எல்லோரும் உண்மை தங்கள் பக்கம் தான் இருப்பதாகச் சொல்கிறார்களே தவிர, உண்மையின் பக்கம் தாங்கள் இருக்க வேண்டும் என்று யாருமே நினைப்பதில்லை." கண்டுகொண்ட உண்மைகளை ஏற்றுக் கொள்வதற்கும் அதன்படி வாழ்வதற்கு எந்த மிரட்டல், உருட்டல்களுக்கும் அஞ்சாமல் அவர் காட்டிய உறுதியும் எவ்வித அச்சமும் இன்றி அசத்தியங்களுக்கு எதிராக அவர் தைரியமாக வெளியிட்ட எண்ணங்களும் என்றும் நம்மிடையில் அவரை நினைவுகூற வைக்கும். சகோதரியின் பிழைகளைப் பொறுத்து, அவர் தேடி அலைந்துப் பெற்ற நிரந்தர அன்பை நிரந்த வாழ்விலும் வழங்க இறைவன் கருணை புரியட்டுமாக! ஆமீன்.

அகதிகள் முகாமின் அவலங்கள்

2009-05-27T20:19:00.003+05:30

இலங்கை இனக்கலவரத்தால் பாதிக்கப்பட்டு தமிழகத்திற்கு அகதிகளாக வரும் இலங்கைத் தமிழர்கள் இராமேஸ்வரத்திலிருந்து சுமார் 20 கி.மீ தூரத்தில் மண்டபம் அகதிகள் முகாமில் தங்க வைக்கப் பட்டுள்ளனர். அரசு நல்ல நோக்கில் தொடங்கிய இந்த முகாமில் சுமார் 4 ஆயிரத்திற்கும் அகதிகள்; வசித்து வருpகின்றனர். மண்டபம் முகாமில் 500க்கும் மேற்பட்ட குடியிருப்புகள் தொகுப்பு வீடுகளாக உள்ளது.

இதில் பலவற்றில் மனிதப் புலக்கமே கிடையாது. இவைகள் பழுதடைந்தும், உடைந்து சின்னா பின்னமாகவும் காட்சி அளிக்கின்றது. கடந்த 1980ம் ஆண்டில் இருந்தே இங்குள்ள கட்டிடங்கள் அனைத்தும் முறையான பராமரிப்பின்றி உள்ளது.இந்த நிலையில் இந்த வீடுகளிலுள்ள கதவுகள் , ஜன்னல்கள் , கம்பி, மின்சாரவயர்கள், என பெரும்பாலான பொருட்களையம் சமூக விரோத கும்பல்கள் திருடிச் சென்றுவிட்டன. இந்நிலையில் காலியாக உள்ள தொகுப்பு வீடுகளில் பல சமூக விரோத செயல்கள் எந்த வித தடையும் இல்லாமல் அரங்கேறி வருகின்றது.

இம்முகாமில் ஒரே ஒரு அரசு மருத்துவமனை உள்ளது. இந்த மருத்துவமனையில் நூற்றுக்கணக்கான நோயாளிகள் வந்து செல்கின்றனர். இவர்களை பராமரிக்க 3 மருத்துவர்கள் இருந்த நிலைமை மாறி தற்போது வாரத்தில் 2 தினம் மட்டும் ஒரே ஒரு மருத்துவர் மட்டும் வந்து செல்கின்றார். அவரும் ஆண் மருத்துவர் . ஒரு மருத்துவர் மட்டுமே இங்கு வருவதால் நோயாளிகள் அதிக நேரம் காத்திருக்க வேண்டியுள்ளது. மேலும் அவர்களுக்கு சிறந்த மருத்துவமும் கிடைப்பது கெடையாது.

ஒரு காலத்தில் சிறந்த மருத்துவனையாக திகழ்ந்தது. ஆனால் இப்போழுது இதன் நிலையோ தலைகீழ். கடந்த ஐந்து ஆண்டுகளுக்குமேலாக இந்த மருத்துவமனையில் ஒரு பெண் டாக்டரே கூட வந்து சென்றதில்லை என்பதே ஆச்சரியமான உண்மை. பெண் மருத்துவர் இல்லாதக் காரணத்தினால் பெண் நோயாளிகள் இராமேஸ்வரம் அல்லது இராமநாதபுரத்திற்கு கொண்டு செல்ல வேண்டிய நிலமை. வாரத்திற்கு இரண்டு தினம் மட்டுமே மருத்துவர் இங்கு வருவதால் வரும் நோயாளிகளின் கூட்டத்தை சமாளிக்க முடியாமல் ஸ்டெதாஸ்கோப்பையே உபயோகிக்க முடியாத நிலையில் டாக்டர் அவசர கதியில் இயங்க வேண்டிய நிலைமை இங்கு நிலவுகிறது.

மேலும் டாக்டர் எழுதி கொடுக்கும் சீட்டுக்கு மருந்து கொடுக்கும் இடத்தில் இருக்கும் ஒரே ஒரு ஊழியரோ அந்த திரளான கூட்டத்தை சமாளிக்க முடியாமல் மாத்திரை மருந்துகளை வாரி வழங்க வேண்டியதுள்ளது.

இம்முகாமில் கழிப்பறைகள் பல இருந்தும் கூட ஒன்று கூட புதுப்பிக்கபடவில்லை. இதனால் இங்கு இருக்கும் ஒரு கழிப்பறையைக் கூட பயன் படுத்த முடியாத நிலையில் உள்ளது. ஏனேனில் கழிப்பறைகளின் கழிவுகள் நிறைந்து தெரு ஓரங்களில் வழிந்தோடுவதும் மற்றுமொரு காரணமாகும். இதனால் பல்வேறு தொற்று நோய்கள் பரவ ஏதுவாகின்றது. மேலும் பெண்களிலிருந்து குழந்தைகள் வரை பாதுகாப்பிள்ளாத இடங்களில் ஒதுங்க வேண்டிய அவலநிலைக்குத் தள்ளப்பட்டுள்ளனர்.

அசுத்த நீரை வெளியேற்றுவதற்கு இப்பகுதியில் கழிவுநீர் கால்வாய்களே இல்லை. இவற்றால் வீடுகளில் இருந்து வெளியேற்றப் படும் அசுத்த நீர் தெருக்களிலேயே தேங்கி நிற்கின்று. இதனால் கொசுக்கடியினாலும் பல்வேறு தொற்;று நோயினாலும் இங்குள்ள அகதிகள் பாதிக்கப் பட்டுள்ளனர்.

இம்முகாமில் திடிர் திடிரென மின்தடை ஏற்படுவதினாலும், இப்பகுதிகளில் முறையான தெருவிளக்குகள் வசதிகள் செய்துத் தரப்படாதினாலும் இரவு நேரங்களில் அகதிகள் வெளியே வரவே நடமாடப் பயப்படுகின்றனர்.

இங்குள்ள தொடக்கப் பள்ளியில் 600க்கும் மேற்பட்ட அகதி மாணவ, மாணவிகள் பயிலுகின்றனர். இருப்பினும் அவர்களின் எண்ணிக்கைக்கு ஏற்றார்போல் ஆசிரியர்களின் எண்ணிக்கை இல்லை. இதனால் மாணவர்களின் கல்வித்தரம் மிகவும் பின்தங்கிய நிலையில் உள்ளது.

அகதிகள் முகாமில் உள்ள சாலைகள் பல குண்டும் குழியுமாகவும், மணல் குவிந்தும் போக்குவரத்திற்கு மிகவும் இடையுறாக உள்ளது. இவற்றால்அரசுமருத்துவமனையில் அவசர கேஸ்களை கொண்டு செல்வதில் மிகுந்த சிரமமும், காலதாமதமும் ஏற்படுகின்றது.

இத்தைகை கொடிய அவலங்களில் இருந்து இலங்கை அகதிகளை காக்க மத்திய, மாநில அரசுகளும் இலங்கை அரசும் ஒரு சேர்ந்து நடவடிக்கை எடுத்தால் மட்டுமே இவர்களின் அவலநிலைகளுக்கு தீர்வு காணஇயலும்.

கலைஞர் குடும்பமும் ஜுஜு விளம்பரமும் (நகைச்சுவை கார்டுன்ஸ்)

2009-05-26T20:31:00.002+05:30

தினமணி பத்திரிக்கையில் வெளியான ஜுஜு கார்டுன்ஸ் ஒரு நகைச்சுவை காக்டெய்ல்

ஈழமும் - இந்திய தேர்தலும்....

2009-05-26T01:25:00.003+05:30

தமிழ் நாட்டில் தி.மு.க-காங்கிரஸ் கூட்டணி 28 இடங்களில் ஜெயித்திருப்பதை ஏதோ ஓர் அதிசயம் போல மீடியாக்களும் பத்திரிகைகளும் சித்திரித்துக் கொண்டிருக்கின்றன. கூட்டணிகள் அமைந்து தேர்தல் பிரசாரம் தொடங்கியதிலிருந்தே, இப்படித்தான் நடக்கும் என்று நான் தீர்மானமாக சொல்லி வந்தேன். நிறைய பேர் அதை நம்பவில்லை.

அதே போல இலங்கை/ஈழத் தமிழர் பிரச்சினை, தமிழக மக்களின் அக்கறைக்கும் அனுதாபத்துக்கும் உரிய பிரச்சினையாக இருக்கிறதே தவிர, அது தேர்தல் பிரச்சினையாக தமிழக வாக்காளர்களால் கருதப்படும் வாய்ப்பு இல்லை என்று நான் சொல்லி வந்ததும் மெய்ப்பிக்கப்பட்டிருக்கிறது.

உண்மையில் இலங்கைத்தமிழர் பிரச்சினையில் அதிக குரல் கொடுத்து வந்த கட்சிகளின் வாக்கு சதவிகிதம் குறைந்திருப்பதுதான் புள்ளி விவரங்களில் தெரிய வரும் அதிர்ச்சித் தகவல்.

வெறும் கூட்டணிக் கணக்குகளின் அடிப்படையில் பார்த்தால், சென்ற முறை 40க்கு 40 வென்ற தி.மு.க- காங்கிரஸ் கூட்டணியிலிருந்து பா.ம.க, ம.தி.மு.க, இரு இடதுசாரிக் கட்சிகள் அ.தி.மு.க அணிக்குப் போய்விட்டதால், தி.மு.க அணி படு தோல்வியை சந்தித்திருக்க வேண்டும். அது மட்டுமல்ல, ஈழத்தமிழர் பிரச்சினையில் நீண்ட காலமாக தீவிரமாக செயல்பட்டு வந்திருக்கும் வைகோ, இந்த முறை தீவிரமாக இயங்கிய பா.ம.க, கம்யூனிஸ்ட் கட்சிகள் அ.தி.மு.கவுடன் சேர்ந்தது மட்டுமல்ல, அ.தி.மு. க தலைவி ஜெயலலிதா அந்தர் பல்டி அடித்து தான் தனி ஈழம் வாங்கித்தரப் போவதாக வேறு அறிவித்தார்.

ஈழத்தமிழர் பிரச்சினையை மட்டும் தமிழக வாக்காளர்கள் தேர்தல் பிரச்சினையாகக் கருதியிருந்தால், நிச்சயம் மேற்கண்ட காரணங்களினால், அ.தி.மு.க அணி 40 க்கு 40 பெற்றிருக்க வேண்டும். ஆனால் தொடர்ந்து தி.,மு.க - காங்கிரஸ் அணிதான் அதிக இடங்களைக் கைப்பற்றியிருக்கிறது. காரணம் மக்கள் தேர்தலில் வாக்களிப்பதற்கான அம்சங்களில் ஈழப்பிரச்சினைக்கு முக்கிய இடம் அளிக்கவில்லை என்பதுதான்.

ஆனால் கடைசி ஒரு மாதத்தில் ஈழப் பிரச்சினை முக்கிய தேர்தல் பிரச்சினை ஆகிவிட்டது போன்ற ஒரு தோற்றம் மீடியாவில், பத்திரிகைகளில் ஏற்பட்டது. அப்படித்தானோ என்ற பயத்தில் கடைசி நிமிடத்தில் கலைஞர் கருணாநிதி கூட அரை நாள் உண்னாவிரதம் மேற்கொண்டார்.

அந்த மாயையை ஏற்படுத்தியதில் பெரும் பங்கு தேர்தல் அரசியலில் ஈடுபடாத அமைப்புகளான பெரியார் திராவிடர் கழகத்துக்கும் மக்கள் கலாச்சாரக் கழகத்துக்கும், இன்னும் ஒரு சில சிறு இயக்கங்களுக்கும் உரியதாகும். வெகுஜன இதழ்களில் இருக்கும் ஆதரவான பத்திரிகையாளர்கள் மூலம் ஈழப் பிரச்சினையை தேர்தல் பிரச்சினையாக சித்திரித்தது முதல், தொடர்ந்து களத்தில் வெவ்வேறு போராட்டங்கள் நடத்திய கடும் உழைப்பின் மூலம் அவை இதை சாதித்தன. ஆனால் இந்த அமைப்புகள் வெகுஜன இயக்கங்களாக இல்லாத காரணத்தினால், மீடியாவில் ஆக்கியதைப் போல பொது மக்களிடையேயும் ஈழப் பிரச்சினையை தேர்தல் பிரச்சினையாக ஆக்க முடியவில்லை.

தேர்தல் அரசியலில் பெரும் அனுபவம் உடைய கலைஞர் கருணாநிதி இதை உணர்ந்திருந்தார் என்றே சொல்ல வேண்டும். ஜெயலலிதா ஈழம் பற்றி[ப் பேசும்போதெல்லாம் அதை உடைக்க தானும் சில எதிர்வினைகளைச் செய்தாரே தவிர, தானும் இதை தேர்தல் பிரச்சினையாக ஆக்கும் சிக்கலில் அவர் போய் சிக்கிக் கொள்ளவில்லை.

கடும் ஈழ எதிர்ப்பாளராக விளங்கிய ஜெயலலிதாவுடன் கூட்டு சேர்ந்தபோதே வைகோவும் பா.ம.கவும், கம்யூனிஸ்ட்டுகளும் ஈழ ஆதரவாளர்களிடம் கூட கொஞ்சம் தங்கள் நம்பகத்தன்மையை இழக்கத்தான் செய்தனர். கடைசி வரை காங்கிரஸ் ஆட்சியில் அதிகாரத்தைப் பங்கு போட்டு அனுபவித்துவிட்டு இறுதி நொடியில் அணி மாறிய பா.ம.கவின் நம்பகத்தன்மை எல்லா வாக்காளர்களிடமும் சரிந்து விட்டது. சென்ற முறை பெற்ற 6.7 சதவிகிதத்திலிருந்து இம்முறை முழுமையாக ஒரு சதவிகிதத்தை அது இழந்துவிட்டிருக்கிறது.

அ.தி.மு.க இழந்திருப்பது இன்னும் அதிகம். கிட்டத்தட்ட ஏழு சதவிகிதத்தை இழந்திருக்கிறது. ஜெயலலிதாவின் ஈழ ஆதரவு வேடம் துளியும் எடுபடவில்லை.

காங்கிரஸ் கட்சியின் பிரபல வேட்பாளர்களான ஈ.வி.கே.எஸ்.இளங்கோவன், தங்கபாலு போன்றோர் தோற்றதற்கு அவர்களுடைய ஈழ விரோத நிலைப்பாட்டை அமபலப்படுத்தி ஈழ ஆதரவாளர்கள் செய்த பிரசாரம் காரணம் என்று சில வட்டாரங்களில் சொல்லப்படுகிறது. ஈழப் பிரச்சினையில் இதே நிலை எடுத்த காங்கிரசின் கே.எஸ்.அழகிரி கடலூரில் அமோக வெற்றி அடைந்திருக்கிறார். உண்மையில் இளங்கோவனின் தோல்விக்குப் பிரதானக் காரணம் கொங்கு வேளாளர் பேரவை நிறுத்திய வேட்பாளர் சுமார் ஒரு லட்சம் வாக்குகளைப் பிரித்து எடுத்துச் சென்றதுதான். தங்கபாலுவுக்கு உட்கட்சிப் பூசல் பிரச்சினை.

ஈழப் பிரச்சினையில் தமிழகத் தலைவர்களிலேயே தீவிரமானவரும் தன் அரசியலையே அதில் பணயம் வைத்தவருமான வைகோவுக்கு,அந்தப் பிரச்சினை தேர்தல் வெற்றி பெறத் துளியும் உதவவில்லை.
தேர்தல் பிரச்சினையாக ஈழத்தமிழர் சிக்கலை ஆக்க முற்பட்ட அமைப்புகள் இந்த தேர்தலில் உணரவேண்டிய பாடம் என்பது, அவர்களுடைய பலம், மீடியா வாயிலாக பிரச்சினைக்கு அழுத்தம்கொடுத்து கவன ஈர்ப்பு செய்யும் அளவில் மட்டுமே இருக்கிறது என்பதுதான். பொது மக்களிடையே தங்கள் செல்வாக்கை உயர்த்திக் கொள்ளவும் தங்கள் கொள்கைகளை ஏற்கச்செய்யவும் நீண்ட கால தொடர் வெகு ஜன நடவடிக்கைகளை தேர்தல் கட்சிகளான தி.மு.க போல மேற்கொண்டால் மட்டுமே முடியும் என்பதை அவை உணரவேண்டும்.

தேர்தல் முடிவுகள் தி.மு.க காங்கிரஸ் அரசுகளுக்கு மக்கள் அளித்த ஆதரவா என்று பார்த்தால், இரு அரசுகளிடமும் மக்களுக்கு பெரும் அதிருப்தி ஏதும் இல்லை என்றே எடுத்துக் கொள்ள வேண்டும். அப்படி ஒரு அதிருப்தி பண வீக்கம், மின்வெட்டு போன்றவற்றால் உருவாகியிருந்தால், அதைப் பயன்படுத்திக் கொள்ள எதிர்க்கட்சிகள் தவறிவிட்டன. ஈழத்தமிழர் பிரச்சினையை முன்னிறுத்தியதில் இந்த அதிருப்தியை, பிரதானப்படுத்த அ.தி.மு.க தவறிவிட்டது.

உண்மையில் இந்தத் தேர்தலில் அசலான லாபம் அடைந்திருப்பவர்கள் இருவர்தான். ஒருவர் விஜய்காந்த். சுமார் பத்து சதவிகிதம் வாக்குகளை எம்.பி. தேர்தலில் அவர் கட்சி பெற்றிருப்பது சாதனைதான். அவர் தான் ஆதரிக்கும் பிரதமர் வேட்பாளர் என்று அடையாளம் காட்ட யாரும் இருக்கவில்லை. அவரே டெல்லிக்குச் செல்வதாக சொல்லிக் கொள்ளும் நிலையும் இல்லை. மாநில முதல்வர் பதவிதான் அவர் இலக்கு. இந்த நிலையில் அவருக்கென்று 10 சதவிகித வாக்குகளைத் தக்க வைத்திருப்பது தமிழக அரசியலில் தொடர்ந்து அவர் கட்சிக்கு இருக்கும் முக்கியத்துவத்தைக் காட்டுகிறது.

லாபம் அடையும் இரண்டாமவர் என் போன்ற ஒரு சிலரின் ஆதரவு பெற்ற வேட்பாளரான 49 ஓ !. ஆயிரக்கணக்கில் தமிழகமெங்கும் 49 ஓ பதிவாகியிருக்கிறது. எல்லா கட்சி வேட்பாளர்களையும் நிராகரிக்கும் இந்த உரிமையை ஆயிரக்கணக்கான மக்கள் பகிரங்கமாக துணிவோடு போய் பதிவு செய்திருக்கிறார்கள். இன்னும் ஆயிரக்கணக்கானவர்கள் தேர்தல் வாக்குச் சாவடி அதிகாரிகளின் சதியால் தடுக்கப்பட்டிருக்கிறார்கள்.

நரேஷ் குப்தா உத்தரவின் படி இந்த அதிகாரிகளுக்கு தேர்தல் வகுப்பில் 49 ஓ பற்றி சொல்லியிருந்தபோதும், ஒவ்வொரு வாக்குச் சாவடிக்கும் 49 ஓ பற்றிய சுவரொட்டி வழங்கப்பட்டிருந்தபோதும், வேண்டுமென்றே பல அதிகாரிகள் மக்களை 49 ஓ போடவிடாமல் தடுத்திருக்கிறார்கள். போட்டவர்களில் பெரும்பாலோர் சண்டையிட்டுத்தான் தங்கள் உரிமையை நிலை நாட்ட வேண்டியிருந்தது.

தடுக்கப்பட்ட பொது மக்களுக்கு ஒரு வேண்டுகோள்: உடனே இரு கடிதங்களை எழுதுங்கள். முதல் கடிதத்துக்கான முகவரி: தமிழக தலைமை தேர்தல் அதிகாரி நரேஷ் குப்தா, புனித ஜார்ஜ் கோட்டை, சென்னை 3. கடித விஷயம் : வாக்குப் பதிவு நாளன்று ..... மணிக்கு, ..........என்ற முகவரியில் இருக்கும் ............எண்ணுள்ள வாக்குச்சாவடியில் என்னை 49 ஓ போட விடாமல்தேர்தல் அதிகாரி தடுத்தார். அவர் மீது ஒழுங்கு நடவடிக்கை எடுக்கும்படி கோருகிறேன்.

இரண்டாவது கடிதம் டெல்லியில் இருக்கும் உச்ச நீதி மன்ற தலைமை நீதிபதிக்கு. I have been refused the right to register 49 O, on 13.5.2009 pollind day at booth number... located at .... by the booth officials. Please order installation of seperate button in EVMs for 49 O so that we can vote in secrecy without intimidation and prevention.
இந்தக் கடிதங்கள் நிச்சயம் வருங்காலத்தில் தேர்தல் சீர்திருத்தங்கள் விரைவுபட உதவக்கூடியவை. தாமதிக்காமல் அனுப்புங்கள்.

டெல்லியில் காங்கிரஸ் மறுபடியும் ஆட்சி அமைப்பதில் எனக்கு ஒரு மகிழ்ச்சி; ஒரு வருத்தம். பி.ஜே.பி ஆட்சி அமைக்கும் ஆபத்தை காங்கிரஸ் தடுத்துவிட்டது என்பது மகிழ்ச்சி. வருத்தம் - இடிப்பாரை இல்லா ஏமரா மன்னனாக காங்கிரஸ் பலம் அமைந்துவிட்டது என்பதுதான். இடதுசாரிகள் முட்டுக்கட்டை போடும் வலிமையில் இல்லாமல் போய்விட்டது ஆபத்தானது. தேர் உரிய பாதையில் செல்ல முட்டுக்கட்டை அவசியம்.

ஏன் இவ்வளவு மோசமாக தோற்றோம் என்பதை இடதுசாரிகள் சுயவிமர்சனம் செய்துகொள்ள வேண்டும். செய்தால் அவர்களிடம் உள்ள குறைகள் மட்டும் அல்ல, தேர்தல் முறையிலே உள்ள மிகப் பெரிய குறைக்கெதிராகவும் விரைந்து போராட வேண்டிய அவசியத்தை உணர்வார்கள். அதுதான் விகிதாசாரப் பிரதிநிதித்துவ முறையின் தேவை.

இப்போது விஜய்காந்த் பெற்றுள்ள 10 சதவிகித வாக்குகளின்படி, அவர் கட்சிக்கு மொத்த இடமான 40ல் 4 எம்.பி.கள் சீட்டுகளைத் தரவேண்டும். இதுதான் விகிதாசார முறை. இப்போதைய முறையில் ஒன்று கூட கிடையாது. பா.ம.கவுக்குக் கூட விகிதாசாரப்படி இரு எம்.பிகள் கிடைக்க வேண்டும்.

அடுத்த தேர்தலுக்கு முன்பாக இந்த சீர்திருத்தம் பற்றி எல்லாரும் பேசி மாற்றத்தைக் கொண்டு வர வேண்டும். அப்படிப்பட்ட மாற்றங்கள் வந்தால்தான், தேர்தலில் பணம் விளையாடுவதையும் தடுக்க முடியும்.

இந்த வாரப் பூச்செண்டு:

பதவிக்காக அலையாமல், அடிமட்ட அரசியல் அனுபவத்தை வளர்த்துக் கொள்ள முனைந்திருக்கும் ராகுல் காந்திக்கு இ.வா.பூச்செண்டு.

இந்த வாரக் குட்டு:

வழக்கம் போல வாரிசுகளுக்கு டெல்லி அதிகாரத்தில் பங்கு வாங்கித் தருவதற்காக, தள்ளாத வயதிலும் தள்ளு வண்டியில் டெல்லி வரை அலையும் கலைஞர் கருணாநிதிக்கு இ.வா.குட்டு.

குமுதம் 19.5.2009

வோடபோனின் ஜூஜூ விளம்பரத்துக்கு பெட்டா விருது

2009-05-22T17:19:00.004+05:30

மத்தியில் பெரும் வரவேற்பு பெற்றிருக்கும் வோடபோன் ஜூஜூ விளம்பரத்துக்கு பெட்டா விலங்குகள் நல அமைப்பின் சிறப்பு விருது கிடைத்திருக்கிறது.ஐபிஎல் போட்டிகளுக்கு நடுவிலும் மற்ற சேனல்களிலும் வோடபோன் நிறுவனத்தின் ஜூஜூ விளம்பரங்கள் தற்போது அதிகம் ஒளிபரப்பாகின்றன. இவை கார்ட்டூன் உருவங்கள் என்று முதலில் கருதப்பட்டன. மும்பையை சேர்ந்த மெலிதான, குள்ளமான பெண்கள்தான் முகமூடி அணிந்து நடித்துள்ளனர்.

ரூ.30 கோடி செலவில் மொத்தம் 30 விளம்பரங்கள் இவர்களைக் கொண்டு தயாரிக்கப்பட்டதாக வோடபோன் விளக்கம் அளித்தது.விலங்குகள் நல அமைப்பான பெட்டா சார்பில் இந்த விளம்பரங்களுக்கு சிறப்பு விருது வழங்கப்பட்டுள்ளது. இதுகுறித்து பெட்டா அமைப்பின் இந்திய பிரிவு தலைவர் அனுராதா சாஹ்னி கூறியதாவது: வோடபோன் விளம்பரங்களில் நாய் பயன்படுத்தப்பட்டதற்கு பெட்டா அமைப்பும் விலங்குகள் நல ஆர்வலர்களும் எதிர்ப்பு தெரிவித்தனர். விலங்குகளை லாப நோக்கில் பயன்படுத்தக்கூடாது என்ற கூறினோம். தற்போது விலங்குகளுக்கு மாற்றாக கார்ட்டூன் உருவங்கள் போலவே பெண்களை பயன்படுத்தி விளம்பரம் தயாரித்துள்ளனர். விலங்குகளை பயன்படுத்தாமலேயே கருத்தை திறம்பட தெரிவிக்க முடியும் என்பதை நிரூபித்திருக்கிறார்கள்.விலங்குகளை பாதுகாக்கும் நோக்கில் ஆண்டுதோறும் விருதுகள் வழங்க பெட்டா முடிவு செய்துள்ளது. முதலாவது விருது, வோடபோன் ஜூஜூ விளம்பரங்களுக்கு வழங்கப்படுகிறது.

பிரபல பத்திரிக்கையாளருக்கு திருமணம்

2009-05-21T23:36:00.000+05:30

எனது கெழுதகை நண்பர் அத்தேஷ் அவர்களுக்கு இன்று (21.05.09) தூத்துக்குடியில் மிகவும் எளிமையான முறையில் நடைபெற்றது. இந்த திருமணத்தில் தமுமுகவின் துணைப் பொதுச் செயலாளர் ஜே.எஸ். ரிஃபாயி, மவ்லவி மிஸ்பாஹ், வழக்கறிஞர் ஜைனுல் ஆபிதீன் (ம.ம.கவின் ஊடகக் குழு பொறுப்பாளர் )மற்றும் நெல்லை தூத்துக்குடி மாவட்ட த.மு.மு.க, ம.ம.க நிர்வாகிகள் கலந்து கொண்டனர். மணமக்களுக்காக துஆ செய்யவும்.

காங்கிரஸ்க்கு வெளியில் இருந்து ஆதரவு தருகிறது திமுக

2009-05-21T20:09:00.002+05:30

அமைச்சர் பதவி பெற்றுத் தருவதில் மும்முரமாக இருக்கிறார். மொத்தம் 7 அமைச்சர் பதவிகள் வேண்டும் என்றும் அவற்றில் 3 கேபினட் அமைச்சர் பதவி வேண்டும் என்பது அவரின் ஆவல். காங்கிரஸோ 6 தருகிறோம். அதில் 2 கேபினட் அமைச்சர் பதவியும் கட்டாயமாக தருகிறோம் என்கிறது.

ம்... கலைஞரிடம் பலிக்க வில்லை காங்கிரஸின் பாச்சா.

விடுவாரா பெரியவர். உண்ணா விரத வீரர் ஆயிற்றே. (டில்லியில் காந்தி சமாதி இருக்கிறது என்கிற தகவல் கலைஞருக்கு தெரியாமலா இருக்கும்)

நாங்கள் வெளியில் இருந்து ஆதரவு தருகிறோம்- என்கிறார் கலைஞர்.

பார்ப்போம் தன்னோட புள்ளைகளுக்கும், பேரனுக்கும் சேர்த்து எத்தனை அமைச்சர் பதவிகளோட வருகிறார் என்று.

10-இலவச லினக்ஸ் ஈ-புத்தகங்கள்

2009-05-21T17:40:00.005+05:30

அப்பாடா இன்றொட என்னைய பிடித்திருந்த பீடை ஒளிந்தது. ஆமாம் நான் உபுண்டுவிற்கு (லினக்ஸ்) மாறிவிட்டேன்.

என் இனிய உபுண்டு மக்களுக்காக 10 லினக்ஸ் ஈ-புத்தகங்களை உங்களுக்காக அறிமுகம் செய்கிறேன்.

1) Introduction to Linux - A Hands on Guide

2) Bash Guide for Beginners

3) Rute User’s Tutorial and Exposition

4) The Linux Starter Pack

5) FLOSS Manuals

6) The Easiest Linux Guide You’ll Ever Read

7) Linux Knowledge Base and Tutorial

8) Ubuntu Pocket Guide and Reference

9) Linux Newbie Administrator Guide

10) Slackware Linux Basics

ஈழத் தமிழர்களுடன் எனது உறவு..

2009-05-21T16:15:00.001+05:30

ஈழத் தமிழர்கள் யாவரும் எனது தொப்புள் கொடி உறவுகள் என்று ஒரு பொய்யான நடையில் இந்த பதிய விரும்பவில்லை. அவர்களுடனான எனது அனுபவங்களை எழுதுவது மட்டுமே எனது நோக்கம்.

நான் மண்டபம் முகாமிலுள்ள அகதிகள் முகாமில் தான் எனது ஐந்து வருடகால பள்ளி வாழ்க்கை ஒரு மின்னலை போல விரைவாகவே கடந்தது. 11 மற்றும் 12 ஆம் வகுப்பு படிக்கும் போது நான் பள்ளி மாணவர்கள் அனைவர் மத்தியிலும் நான் பரவலாக அறிமுகமாகி விட்டேன். காரணம் கட்டுரைகள், கவிதை என்று பத்திரிக்கைகளில் எனது படைப்புகள் வெளியாகும் பொழுதெல்லாம் அதனை பிரேயர்களில் அறிவித்து விடுவார் எனது தமிழாசிரியர். பிறகு கேட்க வேண்டுமா ஒரு ஹிரோ அந்தஸ்த்துடன் வலம் வந்த அந்த நாட்கள் திரும்பவும் கிடைக்காது.

என்னுடன் ஈழ மாணவ+மாணவிகள் 5 பேர்கள் படித்தனர். அவர்கள் யாவரும் என்னுடன் வயதில் மூத்தவர்களாக இருந்தனர். காரணம் இலங்கையில் 10 ஆம் வகுப்பு முடித்திருந்தால் இங்கே 8ஆம் வகுப்பில் தான் அவர்களுக்கு அட்மிஸன் வழங்குவார்கள். மற்றொன்று அவர்கள் நீண்ட நாட்கள் கழித்து தங்களின் பள்ளி வாழ்க்கையை துவங்கு பவராக இருப்பார்கள். வயதில் சிறிய வயது பசங்களோடு படிக்கிறோம் என்ற பள்ளியில் சேரும் புதிதில் இருக்கும். அதுவும் போகப் போக பழகியும் விடும்.

என்னுடைய ஈழ நண்பர்கள் விளையாட்டில் சூரர்களாக இருந்ததால் எங்களோடு பள்ளி விளையாட்டுப் போட்டிகளில் பதக்க பட்டியல் முன்னணியில் இருக்கும். பெரும்பாலும் முத்தையா முரளிதரன் தான் அவர்களின் ஆதர்சன நாயகனாக இருந்தார்.

ஒருநாள் அகிலேஸ்வரி என்ற சக மாணவி ''நீங்கள் கதை, கட்டுரை எல்லாம் எழுதுவீங்கள் தான்னே. ஏன் எங்களைப் பற்றியும், எங்களோட மக்களை பற்றியும் எழுதக் கூடாது'' என்று கேட்டார். நான் உங்களைப் பற்றி அறியாமையில் இருக்கிறேன் என்றும், உங்களைப் பற்றி சொல்லுங்கள் என்றும் கேட்டேன். உடனே அவர் அழது கொண்டே வகுப்பறை விட்டே ஓடி விட்டார். இதை பார்த்ததும் சக மாணவ, மாணவிகள் என்னை ஏதோ அனக்கோண்டா பாம்பை பார்க்கிற மாதிரி பார்த்ததும் ஒரு மாதிரியாகி விட்டது. விசயம் வகுப்பாசிரியர் வரை சென்று அவர் என்னை கூப்பிட்டு கண்டித்தனுப்பினார்.

ஒரு வாரம் கழிந்தது, அகிலா பள்ளி பக்கமே தலை காட்ட காணோம் என்பதால் ஏதோ குற்றம் புரிந்து விட்ட உணர்வு போல் உடம்பெல்லாம் அரித்தது. அப்போது தூரத்தில் அகிலா வருவது கண்ட உடனே நான் அவரிடம் சென்று ''மன்னித்து விடுங்கள். நான் ஏதாவது தவறுதலாக கேட்டு விட்டேனா என்றுக் கேட்டேன். இல்லை தவறு என்னோடு தான். நீங்கள் தான் என்னை மன்னிக்க வேண்டும். என்னால் அழகையை அடக்க முடியவில்லை. சிங்களவர்கள் என்னோட அக்காவை கற்பழித்துக் கொன்றேப் போட்டார்கள் என்று அவர் கூறியதுமே என்றதுமே எனது முதுகுத் தண்டு ஜில்ட்டு விட்டது.

நாங்கள் தாயகம் கிளம்புகிறோம். இப்ப சூழ்நிலை நல்லா இருக்கிறது. நோர்வே அரசு இரு தரப்பிலும் அமைதி பேச்சு வார்த்தை நடத்துகிறது. நீங்கள் எங்களோட மக்கள் அமைதியாக வாழ நீங்களும் பிரார்த்தனை செய்யுங்கள்'' கூறி சென்று விட்டார்.

(அகிலாவின் பிரிவிற்கு பின்னர் நான் முதல் மண்டபம் முகாமில் உள்ள இலங்கை அகதிகள் முகாமில் உள்ள அவலங்களை எல்லாம் புகைப்படம் மெடுத்து அவற்றை கட்டுரைகளாக பத்திரிக்கைகளில் வந்ததும், அவற்றுக்கான வரவேற்பு இருந்ததோடு ஒரு சில வசதிகளும் மண்டபம் அகதிகள் முகாமிற்கு கிட்டியது.அகிலா போன்றே மண்டபம் அகதிகள் முகாமில் ஏராளமானோர் நிரம்பி வழிந்ததை பின்னர் உணர முடிந்தது.)

பிரார்த்தனையோடு ஈழத்தில் என்ன தான் நடந்து வருகின்றது என்று எனது பள்ளிநாட்களில் இருந்து தற்போது கல்லூரி நாட்கள் வரையிலும் தொடர்ந்து கவனித்து வந்து கோண்டு தான் இருக்கிறேன்.

சமீபத்தில் நிகழ்ந்தாகச் சொல்லப்பட்ட பிரபாகரனின் மரணம் என்னை மிகவும் பாதித்த மரணங்களில் ஒன்று. சதாம் உசேன் தூக்கிடப்பட்டபோதும், வீரப்பனை பிணமாக காட்டிய போதும் நான் இதே நிலைக்கு ஆளாகியதாக கருதுகிறேன். புகள் பொறுத்தவரை மலையக மக்களிடம் அவர்களுக்கும் உள்ள உறவு, காத்தான் குடி படுகொலைகள், மூதூர் படுகொலைகள் பற்றி எல்லாம் எனக்கு மாற்றுக் கருத்துக்கள் உண்டு. அவற்றைப் பற்றி விரிவாக எழுதுவதற்கான நேரம் இது இல்லை.

இன்று அகிலா என்ன செய்து கொண்டிருக்கிறார் என்று எனக்குத் தெரியாது? ஆனால் அவருக்காக எனது பிரார்த்தனைகள் எப்போதும் உண்டு.

பி.ஜே.பி தோல்வி ஏன் ஆதாரங்களுடன் சுப்பிரமணிய சுவாமி (நகைச்சுவை)

2009-05-17T12:54:00.003+05:30

அரசியல் சாணக்கியர், டீ பார்ட்டிகளின் மூலம் அரசாங்கத்தை கவிழ்தியவர், முருகன் இட்லி கடையின் பூட்டை உடைத்தவர், அழகிரிக்கு முன்பே மதுரையில் ஜெயித்தவர், அமெரிக்க உளவுத் துறையின் தோழர் என பல சாதனைகளுக்கு சொந்தக்காரரான ஜனதா கட்சியின் தலைவர் சுப்பிரமணிய சுவாமி மரைக்காயருக்கு அளித்த பிரத்யேக பேட்டி (நகைச்சுவை கற்பனை)

மரைக்காயர்: பி.ஜே.பி தோற்கும் என நினைத்தீர்களா?

சுவாமி: இதோ பாருங்கோ, நான் அன்னைக்கே அத்வானி ஜியிடம் சொன்னேன். காங்கிரஸ் வெற்றிக்கு பாகிஸ்தானின் ஐ.எஸ்.ஐ-தான் காரணம். இதற்கான ஆதாரங்களை நான் அண்டார்டிக்கா கண்டத்தில் இருந்து கொண்டு வந்திருக்கிறேன்.

மரைக்காயர்: ஆதாரங்களை வெளியிடுவீங்களா?

சுவாமி: இட்லி வடை இல்லை லக்கி லுக் கேட்டாள் தருவேன்.

மரைக்காயர்: மனிதநேய மக்கள் கட்சி பற்றி?

சுவாமி: அவாள் தோற்றதுக்கு காரணம் என்னவென்றால். நம்ம பி.ஜே தான் காரணம். நேக்கு தெரியும் அவள்ட்ட 50 லட்சம் ஓட்டு இருக்கு தெரியுமோ. அடுத்த தேர்தல் வரும் போது நீங்கள் வேண்டுமானால் பாருங்கோ பி.ஜே-பி.ஜே.பி கூட்டணி தான் ஜெயிக்கும் பாருங்கள்.

மரைக்காயர்: சிவகங்கையில்ல சிதம்பரம்?

சுவாமி: சிதம்பரம் சில்லறையை கொடுத்து ஜெயித்துட்டார். நான் மொஸார்டுட்ட இருந்து இதற்கான சார்ட்டிலைட் படங்களை வாங்கி வைத்து இருக்கிறேன்.

மரைக்காயர்: ஹை கோர்ட் பக்கம் வருவேளா?

சுவாமி : இதோ பாருங்கோ. இந்த வக்கில் எல்லாமே பிட் அடித்து பாஸ் ஆனவா. அதனாலே நான் இனிமே வரமாட்டேன்.

2009 தேர்தல் நகைச்சுவை டாப்-10 வலைப் பதிவுகள்

2009-05-16T21:44:00.004+05:30

ஒரு வழியாக தமிழகத்தில் மரைக்காயரின் பிரமாண்டமான பிரச்சார வியூகங்களையும் மீறி மத்தியில் காங்கிரஸ் மீண்டும் ஆட்சிக் கட்டிலில் அமர விருக்கிறது. இவ்வேளையில் நமது வலைபதிவு நண்பர்கள் எல்லாம் இந்த தேர்தலில் நகைச்சுவை விருந்தளித்த டாப் 10 பதிவுகளை தொகுத்திருக்கிறேன். பார்த்து விட்டு சொல்லுங்கள்...

ஓட்டுப்போட்ட பிரபலான்கள்

தின தொலைக்காட்சி சிறப்பு நிகழ்ச்சி

தமிழக பி.ஜே.பியின் பிரமாண்டமான

தேர்தல் சிறப்பு திருக்குறள்கள்

வீட்டிற்கு ஒரு நானோ கார் ரித்திஷின்

தேர்தல் அதிகாரிகளுக்கு சில ஆலோசனைகள்

கலைஞரின் உண்ணா விரதம் நகைச்சுவை நாடகம் (வீடியோ)

வடிவேலு ஸ்டைலில் நம்ம ஊரு அரசியல்

அரசியல் வாதிகள் விளம்பர மாடல்கள் ஆனால் எப்படி இருக்கும்...

நாங்கள் புதுசாக கட்டிக்கிட்ட ஜோடிதாங்கோ.. (மன்மோகன்-அத்வானி)

திமுக கள்ள ஓட்டு - தமுமுகவினர் மீது அரிவாள் வெட்டு

2009-05-13T17:05:00.003+05:30

திருவல்லிக்கேணி ஐஸ் அவுஸ் பகுதியில் கள்ள ஓட்டுப் போட்ட திமுகவினரை தடுக்க முயன்ற தமுமுகவினரை திமுக குண்டர்கள் கத்தி அருவாள்களுடன் தாக்குதல்கள் நடத்தியுள்ளனர். இதில் 10க்கும் மேற்பட்ட தமுமுகவினர் கடும் காயமடைந்திருப்பதாக நம்பத் தகுந்த வட்டாரங்கள் தெரிவிக்கின்றன.

உடனே சம்பவம் நிகழ்விடத்திலேயெ ஆயிரக்கணக்கான தமுமுகவினர் குவிந்து தாக்குதல் நடத்தியவர்களை தண்டிக்கக் கோரியும், மறுதேர்தல் நடத்த வேண்டும் எனக் கோரிக்கைகளுடன் சாலைமறியலில் ஈடுபட்டனர்.

காயமடைந்த ஜாகிர், மீராமைதீன், வசீம், சலாவுதீன், இபுறாகீம், மற்றும் சுதீர் ஆகியோர் கடுமையாக தாக்கப்பட்டு மருத்துவமனையில் சேர்க்கப்பட்டுள்ளனர்.

உடனே சேதி அறிந்து வந்த சென்னை மாநகர கமிஷ்ணர் ராதாகிருஷ்ணன் அளித்த வாக்குறுதியின் பெயரில் சாலை மறியலை தமுமுகவினர் கைவிட்டனர்.

இந்தியா டுடேயில் எனது பதிவு

2009-05-12T11:19:00.001+05:30

இந்த வார இந்தியா டுடெயில் தேர்தல் 2009 வலைபதிவுகள் என்ற கட்டுரையில் எனது மரைக்காயர் பிளாக்கில் இடம் பெற்ற இரண்டு கட்டுரைகளை கட்டுரையாளர் சுட்டிக் காட்டியுள்ளர். வீட்டுக்கு ஒரு நானோ கார் ரித்திஸ் வாக்குறுதி மற்றும் கலைஞர் உண்ணா விரதம் நாடகம் என்ற இரண்டு பதிவுகளையும் சுட்டிக் காட்டப்பட்டுள்ளது.

கையெழுத்தைக் கூடவா இப்படி துருவி துருவி ஆராய்வானுங்க

2009-05-10T20:48:00.001+05:30

மத்திய சென்னை தொகுதியின் மனிதநேய மக்கள் கட்சி வேட்பாளராகஹைதர்அலி போட்டியிடுகிறார். முன்னாள் வக்பு வாரியத் தலைவரான இவர், தனது அமைப்பின் சார்பில் ரத்த தானம் மற்றும் அவசர உதவி ஊர்தி வசதி செய்துபிரபலம் ஆனவர்.இவர் தற்போது மத்திய சென்னை தொகுதியில் ரயில் இன்ஜின்சின்னத்தில் போட்டியிடுகிறார். இவர், தொகுதி மக்களுக்கு அளித்துள்ளவாக்குறுதிப் பிரசுரத்தில், தான் வெற்றி பெற்றால் என்னென்ன திட்டங்களைநிறைவேற்றுவேன் என்பதைக் கூறி, இறுதியில் கையெழுத்திட்டுள்ளார்.

அவரது கையெழுத்து வித்தியாசமாக அமைந்துள்ளது. சிலுவை தாங்கிய ஒருமனிதன், தனது நெற்றியில் விபூதிப் பட்டை அணிந்திருப்பது போல் உள்ளது. அதோடு, முகமது நபி பிறந்த ஆண்டைக் குறிக்கும் வகையில், 786 என்றஎண்ணும் மறைமுகமாக இடம் பெற்றுள்ளது. அதோடு, வெற்றியைக் குறிக்கும்வி' குறியும் அதில் உள்ளது.அவரது ஒட்டு மொத்த கையெழுத்தையும் பார்த்தால், 9ம் என்ற எண் தெரிகிறது. கையெழுத்திலேயே மதச் சார்பின்மையை இடம் பெறச்செய்துள்ள ஹைதர்அலியை தொகுதி மக்கள் பாராட்டி வருகின்றனர். "

இஸ்லாமிய தலைவர்களின் அரசியல் நகைச்சுவை சித்திரங்கள்

2009-05-09T13:29:00.010+05:30

பிரபல (!) முஸ்லிம் தலைவர்களின் சமீபகாலத்திய அரசியல் அனுசரனைகள் இங்கே நகைச்சுவை சித்திரங்களா...

டி.என்.டி.ஜே நிர்வாகிகள் கலைஞரை சந்தித்த போது...

தயாநிதிமாறனுடன் மேலைநாசர்

(இவர் எந்த இயக்கத்தில் இருக்கிறார் என்று யாராவது பின்னுட்டம் அனுப்பினால் நல்லது)

பிரபல வலைபதிவர் முகவை தமிழனுடன் நடிகர் ரித்திஷ்

ஐ.என்.டி.ஜே தலைவர் பாக்கர் பத்திரிக்கையாளர் சந்திப்பின் போது....

அரசியல் கட்சி துவங்கி லாபகரமாக நடத்துவது எப்படி? டிப்ஸ்.. டிப்ஸ்..

2009-05-08T11:25:00.005+05:30

இன்றைய தினத்தில் மிகவும் லாபகரமான தொழில் என்றால் அரசியல் நடத்துவதுதான் என்பதை சிறு குழந்தை கூட சொல்லிவிடும். அப்படிப் பட்ட லாபரமானத் தொழிலை நடத்துவதற்கு ஏதோ என்னால் ஆன டிப்ஸ்.

முதற்கட்டமாக கட்சிக்கு பெயர் வைத்தே தீர வேண்டும். அதில் முன்னேற்ற, தேசிய, கழக என்ற வார்த்தை கண்டிப்பாக இருக்க வேண்டும்.

கட்சின்னு இருந்தால் கொடி வேண்டுமே. கவலையை விடுங்கள் உலகம் நாடுகளின் கொடியில் தங்களுக்கு எது பிடித்திருக்கிறதோ அதனையே உங்கள் கொடியாக சொல்லிவிடுங்கள். உதாரணத்திற்கு தமிழ்நாடு தவ்ஹீத் ஜமாத் என்ற கட்சி (பி.ஜே) துபாய் நாட்டின் கொடியைவே தனது அமைப்பின் கொடியாக வைத்துள்ளது.

அப்புறம் கட்சி ஆரம்பித்து விட்டால் மக்களுக்கு சொல்ல வேண்டாமா. உடனே பத்திரிக்கையாளர்களை வசமாக கவனித்து ஒரு பத்திரிக்கையாளர் சந்திப்பை ஏற்பாடு செய்திடல் வேண்டும். முடிந்தால் இந்த பத்திரிக்கையாளர் சந்திப்பில் ஷு எரியச் சொன்னால் உடனே பிரபலம் ஆகி விடும்.

முடிந்தால் தினமும் பத்திரிக்கை அறிக்கை விட வேண்டும். பத்திரிக்கை அறிக்கை விடும் பொழுது 99 சதவீதம் ஆளும் கட்சியை ஆதரித்தே விட வேண்டும். இல்லையென்றால் வீட்டிற்கு ஆட்டோ வரும் தலைவரே.

கட்சின்னு ஆரம்பித்தாச்சு அதற்கு ஒரு வெப்சைட் இல்லாமலா. வெறும் வெப்சைட்டை மட்டுமே வைத்துக் கொண்டு கட்சி நடத்துவது பற்றி தோழர். முகவைத் தமிழன் மற்றும் நடிகர் விஜய டி.ராஜேந்தரை தொடர்பு கொண்டால் கூடுதல் டிப்ஸ் கிடைக்கும்.சரி அரசியல் நடத்துவதற்கு ஏதாவது போராட்டம் நடத்த வேண்டுமே. இல்லையென்றால் அரசியல் எதிர்காலம் என்ன ஆவது. ஆகவே உடனே ஏதாவது காரணத்தை சொல்லி போராட்டம் நடத்தலாம். போராட்டத்திற்கு கண்டிப்பாக பத்திரிக்கையாளர்கள், போலிசார்கள் போக குறைந்தது 20 பேராவது இருப்பது நலம். காரணம் கேட்டால் வங்க கடல் வத்திப் போணதற்கு ஆளும்கட்சியும்லிஎதிர்கட்சியும் தான் காரணம் என்று குற்றச்சாட்டுகளை அடுக்குங்கள்.அப்புறம் என்ன கொஞ்சம் கொஞ்சமாக உங்களின் கட்சி அதி பிரபல்யம் அடைந்தவுடன் உங்களை பிரபல தொலைக்காட்சியின் நிகழ்ச்சிகளில் அடிக்கடி நேர்காணல்களில் இடம் பெறவீர்கள். தேர்தல் வந்தால் உங்களுக்கு பிடித்த கட்சியில் சீட் கேளுங்கள். தர மாட்டார்கள். கண்டிப்பாக இதயத்தில் இடம் இருப்பதாக கூறுவார்கள். ஆகவே தனித்து நில்லுங்கள்.

தனுஷ்கோடியில் ஏன் வலை பதிவர் சந்திப்பை நடத்த வேண்டும்?

2009-05-07T21:36:00.003+05:30

தனுஸ்கோடி ஒரு அழிந்த பூமி. ராமேஸ்வரம் தீவின் வால் பகுதி. இன்று தனுஸ்கோடியின் பெயர் அதிகம் ஊடகங்களில் தென்படுகின்றது என்றால் அதற்கு காரணம் நிச்சயமாக இலங்கையில் இருந்து தாயகம் திரும்பும் தமிழர்களை வரவேற்பதே இந்த புதைந்த பூமிதான்.

சரி தலைப்பிற்கு வருகிறேன். தமிழ் கூறும் நல்லுகின் வலைப் பதிவர்கள் பல்வேறு இடங்களில் கூடி வலை பதிவர் சந்திப்பு என்று கும்மியடித்திருக்கலாம். ஆனால் ஒரு போராட்டமாக ஏன் வலை பதிவர்களின் சந்திப்பை தனுஷ்கோடியில் நடத்தக் கூடாது?சந்திப்பின் முக்கிய நோக்கமே இலங்கை தமிழர் பாதுகாப்பு. (தனுஷ்கோடி தான் இலங்கைக்கு மிக அருகில் இருக்கக் கூடிய தேசம்.. இராமேஸ்வரத்தில் சினிமா உலகத்தினர் நடத்தியப் பேராட்டம் கவனத்திற்குரியது)

சரி இதனை ஏன் வலைபதிவர் நடத்த வேண்டும் என்றுக் கேட்டால் '' நாம் வெறுமனே வலைப் பூக்களில் எழுதிக் கொண்டே இருப்பதைக் காட்டிலும் இது களத்தில் இறங்கிப் போராடுவதற்கு சமம்.

சரி நான் ஆரம்பித்து வைத்திருக்கிறேன். இதனைப் பற்றி நீங்களும் இடுக்கைகளை இட்டு கருத்துக்களைப் பரப்புங்கள்.

டைம்ஸ் ஆஃப் இந்தியா பாராட்டும் ஒரு அரசியல் கட்சி தொண்டர்கள்

2009-05-06T19:04:00.004+05:30

அரசியல் கட்சியினரின் பொதுக்கூட்டம், மாநாடுகளில் எல்லாம் எவ்வளவு அநாகரீகமாக அதன் தொண்டர்கள் நடந்து கொள்வார்கள் என்பதை பொதுமக்கள் நன்கு அறிவர். மனிதநேய மக்கள் கட்சி தனது தொண்டர்களை கண்ணியமிக்க இளைஞர்களாக உருவாக்கி வைத்திருக்கிறது. கடந்த காலங்களில் தமுமுக நடத்தும் பொதுக்கூட்டங்கள், மாநாடுகள், ஆர்ப்பாட்டங்கள் போன்ற நிகழ்ச்சிகளில் பாதுகாப்புக்கு வரும் காவல்துறையினர், தொண்டர்களின் ஒழுங்கு பற்றிப் பாராட்டிப் பேசியுள்ளனர்.

தற்போது அரசியல் கட்சியாக பரிணாமம் அடைந்த சூழ்நிலையிலும் இதன் தொண்டர் படை நாகரீகம் இழக்கவில்லை. இதனை பொதுமக்கள் கண்டு வருகின்றனர். இந்தியாவின் முதல்தரமான பத்திரிகைகளில் ஒன்றான டைம்ஸ் ஆப் இந்தியா ஆங்கில நாளேடு இதனை சுட்டிக் காட்டியுள்ளது.மத்திய சென்னை ம.ம.க. வேட்பாளர் செ. ஹைதர் அ அவர்களின் வாக்கு சேகரிப்பு அணிவகுப்பை சுட்டிக்காட்டி எழுதியுள்ள டைம்ஸ் ஆப் இந்தியா (1.5.2009), ''மனிதநேய மக்கள் கட்சித் தொண்டர்கள் மிகவும் நாகரீகமான முறையில் பேரணியாகச் சென்றனர்'' என்று எழுதியுள்ளது.

மயிலாடுதுறை தொகுதியின் அவலங்கள் உங்கள் ஓட்டு யாருக்கு?

2009-05-06T15:44:00.006+05:30

தென்காசியில் முந்துகிறார் கிருஷ்ணசாமி

2009-05-05T16:07:00.004+05:30

புதிய தமிழகம் கட்சியின் தலைவர் டாக்டர் கிருஷ்ண சாமி தென்காசி பாராளுமன்றத் தொகுதியில் போட்டியிடுகிறார். தென்காசி பாராளுமன்றத் தொகுதியில் கடந்த முறை போட்டியிட்டு 1 லட்சம் வாக்கு களுக்கு மேல் டாக்டர் கிருஷ்ணசாமி பெற்றது குறிப்பிடத்தக்கது.

ஒன்றரை லட்சம் முஸ்லிம் வாக்குகள் நிரம்பியிருக்கும் தென்காசி தொகுதியில் ம.ம.க. வலுவான ஒரு கட்சியாக உள்ளது. தமுமுக வலுவான சமுதாய அமைப்பாகவும், அனைத்துத் தரப்பு மக்களிடமும் ஆதரவு பெற்ற அமைப்பாகவும் உள்ளது குறிப்பிடத் தக்கது. டாக்டர் கிருஷ்ணசாமியை வெற்றிபெறச் செய்ய வேண்டும் என்ற அடிப்படையில் தமுமுக, மமக நிர்வாகிகளும் தொண்டர்களும் பம்பர மாக பணியாற்றி வருகின்றனர்.

தென்காசி பாராளுமன்றத் தொகுதிக்குட்பட்ட ஆறு சட்டமன்றத் தொகுதிகளிலும் மமக மற்றும் தமுமுகவினர் தீவிரப் பிரச்சாரங்களை மேற்கொண்டு வருகின்றனர். நெல்லை ம.ம.க. மாவட்டச் செயலாளர் பாளை ரபீக், பொருளாளர் செய்யது அலி தலைமையில் தொகுதி முழுவதும் பிரச்சாரப் பணிகள் முடுக்கிவிடப் பட்டுள்ளன. ஜமாஅத் சந்திப்பு, முக்கியப் பிரமுகர்கள் சந்திப்புகள் நடந்து வருகின்றன. ம.ம.க.வின் நிலைப்பாட்டை ஜமாஅத் தார்களும், சமுதாயப் பிரமுகர்களும் வரவேற்று புதிய தமிழகத்திற்கு ஆதரவு தெரிவித்துள்ளனர்.

எதிர் அணிகளான காங்கிரஸ் சார்பில் வெள்ளபாண்டி போட்டியிடுகிறார். கடந்த தேர்தல் தவிர 30 ஆண்டு காலமாக காங்கிரஸ்தான் இத்தொகுதியில் வெற்றிபெற்று வந்துள்ளது. ஆனால் தொகுதியின் முன்னேற் றத்திற்கு காங்கிரஸ் கட்சி எதுவுமே செய்யவில்லை. இத்தனைக்கும் காங்கிரஸ் கட்சி சார்பில் ஆறு முறை வென்ற அருணாச்சலம் தொழில் துறை மந்திரியாக வேறு இருந்திருக்கிறார். எனினும் தொழிற்சாலைகளோ வேறு உருப்படியான திட்டங்களையோ கொண்டு வராததால் காங்கிரஸ் மீது கடும் வெறுப்பில்தான் கடந்தமுறை சி.பி.ஐ. வேட்பாளர் அப்பாதுரையை வெற்றி பெற வைத்தனர் தென்காசி தொகுதி மக்கள். மேலும் வெள்ள பாண்டி தொகுதியில் பெரிய அளவு அறிமுகம் இல்லாதவர். கொடி கட்டக்கூட ஆள் இல்லாத காங்கிரஸ் கூட்டணிக் கட்சிகளின் பலத்தைத் தான் நம்பியிருக்கிறது. ஆனால் வாசன் ஆதரவாளரான வெள்ள பாண்டிக்கு கூட்டணிக் கட்சிகளும் பெரிய அள வில் ஒத்துழைப்பு தருவதாக தெரிய வில்லை.

இந்தியக் கம்யூனிஸ்ட் வேட்பாளர் லிங்கம் பெரிய அளவில் தொகுதிக்கு அறிமுகம் இல்லாதவர். கூட்டணி பலமாக இருந்தாலும் கடந்த முறை வெற்றி பெற்ற சி.பி.ஐ. வேட்பாளர் அப்பாத்துரை 5 வருடமாக தொகுதியை எட்டிப்பார்க்காததாலும் உருப்படியான பணிகள் ஏதும் செய்யாததாலும் கடுப்பில் இருக்கும் மக்கள் ங்கத் துக்கு ஓட்டளிக்க விரும்ப மாட்டார்கள்.

டாக்டர் கிருஷ்ணசாமியைப் பொறுத்தவரை தாழ்த்தப்பட்ட மக்களின் பெரும் ஆதரவு உள்ளதுடன் ம.ம.க. வினரின் ஆதரவும் சேர்ந்துள்ளதால் வெற்றி பெறுவது நிச்சயம். முஸ்லிம்கள், தலித்துகள் மற்றும் தமுமுகவின் செயல்பாடுகளால் கவரப் பட்ட நடுநிலை வாக்குகள் கிருஷ்ண சாமியை கரையேற்றி விடும் என்பதே தென்காசியின் தற்போதைய கள நிலவரம்.

சுட்டி டி,வியில் தமிழ் பேசும் லக்கி லுக்

2009-05-05T15:40:00.003+05:30

லயன் காமிக்ஸ் படிக்கும் நண்பர்களுக்கு நன்கு அறிமுகமான நகைச்சுவை கதாபாத்திரம் லக்கி லுக். இப்போழுது லக்கி லுக். சுட்டி டி,வியில் தினமும் பகல் 1.30 முதல் 2.00 மணிவரையிலும் கார்டுன் நாடகமாக தமிழ் பேசி சுட்டிகளை மகிழ்த்து வருகிறார் லக்கி லுக்.

சுட்டியில் லக்கி லுக்கை பார்க்கும் பொழுது ஏனோ காமிக்ஸில் படித்த சுவாரஸ்யம் இல்லாமல் இருப்பது போல் தோன்றுகிறது. இதனை அதிக பட்சமாக 10 வயதுக்குட்பட்ட குழந்தைகளுக்கு புரியும் அளிவில் மொழி மாற்றி தமிழ் பேச வைத்திருக்கிறார்கள் லக்கியை, இவர்களுக்கு எல்லாம் பழைய லக்கி லுக்கின் லயன் காமிக்ஸ்களை படித்து பயிற்சி எடுக்கலாம்.

இனி டோராவை புறம் தள்ளிவிட்டு சுட்டிகளை லக்கி லுக் கவர்வான் என்று நம்புகிறேன். இனிமேல் பர்மா பஜாரில் பதினைந்து ரூபாய்க்கு லக்கி லுக்கின் தமிழ் கார்டூன் தொடர்களை கூவி, கூவி விற்பார்கள் என்றும் நம்புகிறேன். வலை பதிவு நண்பர்கள் சுட்டி டி.வியில் இருந்து காப்பி செய்து தங்களது வலைப் பதிவிலும் இடுக்கைகளை இடுவார்கள். எது எப்படியோ சுட்டி டி.வியின் மூலம் அதிகமதிகமான ரசிகர்கள் லக்கி லுக்கிற்கு கிடைப்பான்.

அப்துல் கலாமின் கனவு நிறைவேறுமா?

2009-05-05T00:38:00.002+05:30

மகத்தான(மாண)வர்

வெகுளித்தனமா வேறொரு வகுப்பறைக்குள் நுழைந்துவிட்டான் அந்த மாணவன். அவ்வகுப்பில் பாடம் நடத்திக் கொண்டிருந்தவர் அம் மாணவரது கணக்கு வாத்தியார் ராமகிருஷ்ண அய்யர். அவனைப் பார்த்தவுடனே, அவனது கழுத்தைப் பிடித்து , எல்லா மாணவர்களின் முன்னிலையிலும் பிரம்பால் விளாசித் தள்ளிவிட்டார் அவர். இச் சம்பவம் நடந்து பல மாதங்கள் கழித்து, இதே ஆசிரியர், கணக்கில் நூற்றுக்கு நூறு வாங்கியதற்காக அந்த மாணவனைக் காலைப் பிரார்த்தனைக் கூட்டத்தில் வெகுவாகப் பாராட்டினார்.

'என்னிடம் உதைபடுகிற மாணவன், மகத்தானவனாக மாறுவான்' என்று வேறு அறிவித்தார். ஆம்! அவரது வாக்கின் படி, அந்தப் பள்ளிக்கும் அந்த ஊருக்கும், தமிழகத்திற்கும் ஏன் ஒட்டு மொத்த இந்தியர்களுக்கும் பெருமை சேர்த்த அந்த 'மகத்தான' மாணவன் வேறு யாரும் அல்ல அவர்தாண் நமது குடியரசுத் தலைவர் டாக்டர்.ஏ.பி.ஜெ.அப்துல்கலாம்.

பத்மபூஷன், பத்மவிபூஷன், பாரதரத்னா எனப் பல்வேறு பட்டங்களையும் விருதுகளையும் பெற்றவர்.விண்வெளி, தேசப்பாதுகாப்பு, அணு ஆற்றல் என மூன்று துறைகளிலும் ஒரு சேர உழைத்த ஒரே அறிஞர், அவர் தமிழர் என்பதில் நம் எல்லோருக்கும் பெருமை தரும் விஷயம்;.

வீடு வீடாய்.........

தமிழகத்தின் தென்கோடியில் உள்ள ராமேஸ்வரத்தில், ஒரு படகோட்டியின் மகனாய் 1931-ம் ஆண்டு அக்டோபர் 15-ஆம் நாள் பிறந்தார். முழுப் பெயர் அவுல் பக்கீர் ஜலாலுதீன் அப்துல் கலாம்.

பள்ளி விடுமுறை நாள்களில் , தனது ஒன்று விட்ட சகோதருக்கு உதவியாக சைக்கிளில் வீடு, வீடாய்ச் சென்று நியூஸ் பேப்பர் போடும் வேலையைக் கூடச் செய்துள்ளார். கலாமுக்கு மூன்று சகோதரர்கள், ஒரு சகோதரி. கல்லூரியில் சேர்வதற்கான கட்டணத்தை கட்ட முடியாமல் கலாம் சிரமப்பட்டபோது , தனது நகைகளை அடமானம் வைத்து அவருக்கு உதவியவர் அவரது சகோதரி.

1958-ஆம் ஆண்டு ரூ.250 சம்பளத்தில் இந்திய அரசின் பாதுகாப்பு ஆராய்ச்சி மற்றும் அபிவிருத்தித் துறையில் பணிபுரியும் வாய்ப்பைப் பெற்றார். எஸ்.எல்.வி. ராக்கெட் மூலம் 1980-ஆம் ஆண்டு விண்ணில்; ஏவப்பட்ட ரோகிணி செயற்கைக் கோள் திட்டத்தின் இயக்குநராக இருந்தார். திரிசூல். அக்னி, பிருத்வி போன்ற ஏவுகணைகள் தயாரிப்பிலும் இவரே திட்ட இயக்குநர்.

அறிவியல் ஹீரோ

1998-ஆம் ஆண்டு மே மாதம் 11-ஆம் தேதி மதியம் 3.45மணி பொக்ரானில் இந்தியா தனது முதல் அணுகுண்டு சோதனையை அமெரிக்காவின் செயற்க்கை கோள்களின் கண்களுக்கு மண்ணைத் தூவிவிட்டு வெற்றிகரமாக நடத்தியது. உலக நாடுகளின் ஒட்டு மொத்த கவனமும் நம் மீது திரும்பியது. இச் சாதனைக்குக் காரணகர்த்தா கலாம்தாண். இச் சாதனைக்குப் பின், பாரதமெங்கும் ஒரு மூத்த விண்வெளி விஞ்ஞானியின் பெயர் பத்திரிகைகள் தோறும் தலையங்கம், கார்டூன், கவர் ஸ்டோரி என அமர்களப்பட்டது.

சினிமா நடிகர்களையும் அரசியல்வாதிகளையுமே போட்டு வியாபாரம் செய்துகொண்டிருந்த பத்திரிகைகள், அப்துல்கலாமின் புகைப்படத்தையும் போட்டு ஜன்ம சாபல்யம் தேடிக்கொண்டன.

ஏவுகனை அவசியம்

' நாடு அமைதியாக இருப்பதற்கு ஏவுகணைகள் மிக அவசியம். இல்லாவிடில் நாம் அன்னிய நாடுகளின் மிரட்டலுக்குப் பயந்துகொண்டே இருக்க வேண்டியிருக்கும்' என்று கூறியவர் கலாம். பாதுகாப்புத் துறை மட்டுமின்றி வேறு பல துறைகளுக்கும் உதவியிருக்கிறார் கலாம் போலியோ நோயால் பாதிக்கப்பட்டவர்களுக்குக் குறைந்த கனத்தில் உலோகக் கருவிகள், இதய நோயால் பாதிக்கப்பட்டவர்களுக்கு 'பேஸ் மேக்கர்' போன்ற கருவிகளை உருவாக்கியுள்ளார்.

எளிமையின் சிகரம்

ஒரு முறை சென்னை குரோம்பேட்டையிலுள்ள எம்.ஐ.டி.(ஆயனசயள iளெவவைரவந ழக வுநஉhழெடபைல)யின் பொன்விழா ஆண்டு நிறைவுக்கு அழைக்கப்பட்டிருந்தார் கலாம். தாம் பயின்ற கல்லூரியிலேயே, உரையாற்ற வந்தார் அவர். நெடுஞ்சாலையிலிருந்து எம்.ஐ.டி வளாகத்தினுள் செல்ல, ரயில் தண்டவாளத்தைக் கடந்து செல்ல வேண்டும். அவர் வந்த சமயம், ஏதோ ஒரு ரயிலுக்காக கேட் போடப்பட்டிருந்தது. அவரது கார் கேட்டுக்கு அந்தப் பக்கமாக நின்றுவிட்டது.

ரயில் வர எப்படியும் இன்னும் சிறிது நேரம் ஆகும். காலம் தவறக் கூடாதே! குறித்த நேரத்தில் மேடையில் இருந்தாக வேண்டும்' என்ற எண்ணத்தில், காரை விட்டு இறங்கினார் கேட்டுக்குக் கீழே குனிந்து , தண்டவாளத்தைத் தாண்டி நடக்கலானார்.
உடன் வந்த கருப்புப் பூனைப் படைகள் இதை எதிர்பார்க்கவில்லை. சாலையில் நடந்துச் சென்ற பாதசாரிகள் அவரை அடையாளம் கண்டு கொண்டு, ' டாக்டர் கலாம் போறார்...! என்று அவர் பின்னாடியே ஓடிவந்தார்களாம். மறுநாள் பத்திரிகைகளில் இதுதாண் சிறப்புச் செய்தி.

இசைப்பதும் ரசிப்பதும்

உண்மையில் விஞ்ஞானி கலாம் ஒரு சிறந்த இசைஞானி. ரசிப்பதில் மட்டுமல்ல் வாசிப்பதிலும், புத்தகங்களை மட்டுமல்ல் வீணையை வாசிப்பதிலும் இவர் தேர்ந்த கலைஞானி.
தமது சொந்த ஊர் ராமேஸ்வரம் வரும்போதெல்லாம் பாதுகாப்பு அதிகாரிகளைத் தவிர்த்து விட்டு , பால்ய சிநேகிதர்களுடன் கடற்கரையில் அமர்ந்து நெடுநேரம் பேசிக்கொண்டிருக்கும் வழக்கமுடையவர். தான் படித்த சுவார்ட்ஸ் மேனிலைப் பள்ளிக்குச் சென்று தனது வகுப்பறையைப் பார்த்து விட்டுத் திரும்பும் பழக்கமும் இன்னும் இவரிடம் உண்டு. இலக்கியத்திலும் ஈடுபாடு உண்டு. அவர் எழுதிய புத்தகங்கள் பல ஆங்கிலத்தில் அச்சேரியது.

வாருங்கள் இளையோரே

' நமது நாடு ஏழ்மையானது அல்ல. நமது எண்ணங்கள் உயர்வாக இருக்க வேண்டும். அதை அடையக் கடுமையான உழைக்க வேண்டும். அதன் மூலமே சாதனைகள் படைக்க முடியும் நாடு சுயச்சார்பு அடைய, அறிவியல் அறிஞர்களும் இளைய தலைமுறையினரும் அயராது உழைக்க வேண்டும்' என்று இளைய தலைமுறைக்குக் கோரிக்கை விடுகின்றார் கலாம்.

அப்துல் கலாமின் கனவு

மாணவர்களையெல்லாம் 'கனவுகாணுங்கள்' என இளையத் தலைமுறைக்குக் கோரிக்கை விடுத்த கனவு நாயகன் அப்துல் கலாம் படித்த துவக்கப் பள்ளி இராமேஸ்வரம் வர்த்தகன் தெருவில் உள்ளது. எழுபத்தி ஐந்து வருடங்களைக் கடந்து விட்ட இப்பள்ளி தற்போது தான் புதுப்பிக்கப் பட்டது.

'பணி ஓய்வு பெற்றதும் வசதிக் குறைவான ஆனால் திறைமையானக் குழந்தைகளுக்குப் பள்ளி ஒன்று ஆரம்பிக்க வேண்டும்' என்று தனது 'அக்னிச்சிறகுகள்' என்ற தனது சுயசரிதத்தில் குறிப்பிட்டுள்ளார் ஜனாதிபதி அப்துல் கலாம். அவரின் ஆவலுக்கேற்ப அவரின் பிறந்த ஊரான ராமேஸ்வரத்தில் அவர் படித்த பள்ளியயே அவரின் பெயராலேயெ மாற்றி அங்;கு கட்டப் பட்டுவரும் புதியக் கட்டிடத்தைக் கட்டித் திறந்து அவரது சாதனைகளுக்கு மகுடம் சூட்ட வேண்டும்.அதிலிருந்து இன்னும் ஆயிரக்கணக்கான அப்துல்; கலாம்கள் வருவார்கள் என்பது நிச்சயம் .

தமிழனுக்கு வா‌க்கு : சீமான் ஆவேச பேச்சு

2009-05-04T23:51:00.005+05:30

சிறையிலிருந்து விடுதலையான இயக்குனர் சீமான், கடந்த மே 2 ம் தேதியன்று நடந்த புத்தக வெளியீட்டு விழாவில் கலந்து கொண்டார்.சிறை மீண்டபின் சீமான், ஈழம் குறித்த தனது கருத்தை விரிவாகப் பதிவு செய்த முதல் மேடை அது.அவரது வீர உரையின் சாராம்சம் வருமாறு :"

நான் அதிகமாக உணர்ச்சி வசப்படுவதாக சொல்கிறார்கள்.உணர்ச்சி இருக்கு, வசப்படுகிறேன். பிரபாகரனும், புலிகளும் அழிந்தால் ஈழப் போராட்டம் என்னாகும்னு ஒரு இளம் பத்திரிக்கை நிருபர் என்னிடம் கேட்டார். யார் புலி? ஈழத்தின் என்னுடைய தாய், என்னுடைய சகோதரன், என்னுடைய சகோதரி, குழந்தைகள் அநியாயமாக கொல்லப்படுகிறார்களே...என்று உணர்ச்சிகொள்கிற ஒவ்வொருவனும் புலிதான்! கிளிநொச்சியில் ஒரு தமிழ் ஈழக்கொடியை இறக்கினான்...உலகம் முழுவதும் ஓராயிரம் ஈழ தேசியக்கொடி உயர்ந்தது.புலிகள் எங்கிருக்கிறார்கள் என்பது இப்போது புரிந்தது.

இறையாண்மை, தேசிய பாதுகாப்பு சட்டம்னு புதுபுதுசா சொல்றாங்க.எனக்கு இறைவனும் கிடையாது, அதனால இறையாண்மையும் கிடையாது.என்னை ஏன் கைது பண்ணினாங்க? நான் பிரபாகரனை என் சொந்த அண்ணன்னு சொன்னேனாம். நான் கேட்கிறேன்... எங்கோ இத்தாலியி‌ல் பிறந்த ஒருவர் இந்தியாவுக்கே அன்னையாக இருக்கும்போது என் ரத்தம் என் சொந்த ரத்தம் எனக்கு அண்ணனாக இருக்கக் கூடாதா?இலங்கை வேறொரு நாடு, அங்குள்ள பிரச்சனையில் தலையிட முடியாதுன்னு சொல்றியே... இதை முதல்ல ராஜீவ் காந்தியிடம் சொல்லியிருக்க வேண்டும். இலங்கைக்கு முதலில் அமைதிப்படையை அனுப்பியதே அவர்தானே! பாகிஸ்தானைப் பிரித்து பங்களாதேஷுக்கு சுதந்திரம் வாங்கிக் கொடுத்தது யார்? பங்காளாதேஷை மீண்டும் பாகிஸ்தானுடன் ஒன்றிணைக்க முடியுமா... அப்படி இணைத்தால் நாங்களும் தமிழ் ஈழம் கேட்பதை நிறுத்திக் கொள்கிறோம்.ஈழத்தில் கந்தக நெருப்பில் தமிழன் சாவதற்கு அனைத்து உதவிகளையும் செய்‌கிறது காங்கிரஸ் கட்சி. முத்துக்குமார் யாரு... பாரதிராஜா யாரு என்றா கேட்கிற...? யார்னு காட்டுறோம். நான் செத்தாவது உங்களை (காங்கிரஸை) தோற்கடிப்பேன். அருமை தமிழனமே... இதுவரை சாதிக்காக ஓட்டு போட்டோம், மதத்துக்காக ஓட்டு போட்டோம், கட்சிக்காக ஓட்டு போட்டோம். இந்த ஒரேயொரு முறை தமிழனுக்காக ஓட்டுப் போடுவோம்.காங்கிரஸை தோற்கடிப்போம். தமிழன் தன்மானத்தை இழக்கவில்லை என்பதை காங்கிரசுக்கு புரிய வைப்போம்! "

தயாநிதி வெற்றிக்கு அ.தி.மு.க உதவுகிறது தமுமுக தலைவர் அதிரடிப் பேட்டி

2009-05-03T18:23:00.006+05:30

தி.மு.க கூட்டணியிலிருந்து வெளியேறியுள்ள மனிதநேய மக்கள் கட்சி, தேர்தலில் போட்டியிடுகிறது. மத்திய சென்னையில் ஹைதர் அலி. மயிலாடுதுறையில் ஜவாஹிருல்லாஹ் என்று அக்கட்சியின் முக்கியத் தலைவர்கள் களத்தில் நிற்கின்றனர். இந்நிலையில் நாம் மனிதநேய மக்கள் கட்சித் த்லைவரும், மயிலாடுதுறை வேட்பாளருமான ஜவாஹிருல்லாஹ்வை ஓட்டு வேட்டையின் போது தமிழன் எக்ஸ்பிரஸுக்காகச் சந்தித்தோம். இதோ அவரது சிறப்புப் பேட்டி.

?. அரசியலுக்குப் போகமாட்டோம் என ஆரம்பத்தில் சொன்ன தமிழ்நாடு முஸ்லிம் முன்னேற்றக் கழகம் இப்போது அரசியல் கட்சியாக அவதாரம் எடுத்து தேர்தலில் குதித்துள்ளதே?

1995ல் தமிழ்நாடு முஸ்லிம் முன்னேற்றக் கழகம் தொடங்கப்பட்டது. 1996 சட்டமன்றத் தேர்தல் முதல், தொடர்ந்து பெரும்பாலும் தி.மு.க கூட்டணியையே ஆதரித்துள்ளோம். அதே நேரத்தில் தேர்தல் தொடர்பான அனைத்து நடவடிக்கைகளிலும் (வேட்பாளர்களை நிறுத்துவதைத் தவிர) ஈடுபட்டுள்ளோம்.சுற்றுச்சூழல் பாதிப்பு, மனித உரிமை மீறல், உலக மயமாக்கலின் வீபரீதம் தொடர்பான மக்கள் பிரச்சினைகளை அரசியல் களத்தில் யாரும் பேசுவது இல்லை என்பது யாதர்த்த உண்மை. இன்றைக்கு அரசியல் என்பது வணிக மயமாக்கப்பட்டுள்ளது. தேர்தலில் செய்யக் கூடிய முதலீட்டை வெற்றி பெற்ற பிறகு அறுவடை செய்ய வேண்டும் என்பது தான் சராசரி அரசியல்வாதியின் மனப்போக்காக உள்ளது. இந்நிலையை மாற்றி தூய்மையான அரசியலில் உண்மையான மக்கள் சேவகர்களாகச் செயல்படவே நாங்கள் அரசியலுக்கு வந்தோம்.

?. ரங்கநாத் மிஸ்ரா கமிஷன் அறிக்கையின் மீது மத்திய அரசு என்ன எடுத்திருக்கிறது?

2004 நாடாளுமன்றத் தேர்தலில் அறிக்கையில் காங்கிரஸ், தி.மு.க கட்சிகள், 'முஸ்லிம்களுக்கு கல்வி வேலை வாய்ப்பில் அகில இந்திய அளவில் இடஒதுக்கீடு அளிக்கப்படும்' என்று கூறினார்கள். நீதிபதி ரங்கநாத் மிஸ்ரா ஆணையம் சிறுபான்மை மக்களுக்கு இந்திய அளவில் 15 சதவீத இடஒதுக்கீடு எனவும், அதில் முஸ்லிம்களுக்கு 10 சதவீத இடஒதுக்கீடு எனவும் பரிந்துûரை செய்துள்ளது. இந்த அறிக்கை 22.05.2007ல் பிரதமர் மன்மோகன் சிங்கிடம் அளிக்கப்பட்டது. ஆனால் இந்த அறிக்கை பற்றி நாடாளுமன்றத்தில் விவாதத்திற்குவிட காங்கிரஸ் தலைமயிலான அரசு தவறிவிட்டது. பலமுறை நாங்கள் கேட்டும், மத்திய அரசை இந்த விஷயத்திற்கு தி.மு.கவும் நிர்பந்திக்க மறுத்து விட்டது. ஆகவே வரும் தேர்தலில் தி.மு.க காங்கிரஸ் கூட்டணிக்கு நல்ல பாடம் கிடைக்கும்.

?. பாபர் மசூதி இடிப்பு பிரச்சினையில் காங்கிரஸுக்கு சம்பந்தம் உள்ளது என லாலு பிரசாத் யாதவ் இப்போது கூறியுள்ளாரே?

பாபர் மசூதி இடிக்கப்பட்டபோது பிரதமராக இருந்த நரசிம்மராவ் அன்று தொலைக்காட்சியில் உரையாற்றியபோது, 'இடித்த பள்ளிவாசல் அதே இடத்தில் கட்டித் தரப்படும்' என்று வாக்குறுதி இன்றுவரை நிறைவேற்றித் தரப்படவில்லை. பாபர் மசூதி இடிப்பு தொடர்பாக நீதிபதி எம்.எஸ். லிபர்கான் தலைமையில் ஒரு ஆணையம் அமைத்து, 16 ஆண்டுகள் விசாரணை மேற்கொள்ளப் பட்டுள்ளது. அந்த ஆணையத்தின் பணி முடிந்த பின்னும், விசாரணை அறிக்கை வெளியிடக் கூட காங்கிரஸ் தலைமையிலான அரசுக்கு அக்கறை இல்லை. அந்த துரோக செயலைத்தான் இப்போது லாலு பிரசாத் தோலுரித்துக் காட்டியுள்ளார்.

?. தி.மு.க., அ.தி.மு.க., கட்சி வேட்பாளர்களில் முஸ்லிம்களுக்கு முக்கியத்துவம் தரப்பட்டுள்ளதா?

தி.மு.கவும், அ.தி.மு.கவும் இந்த நாடாளுமன்றத் தேர்தலில் ஒரே மாதிரியாகவே நடக்கின்றன. 21 வேட்பாளர்கள் இடம்பெற்ற தி.மு.கவின் வேட்பாளர் பட்டியலில் ஒருவர் கூட முஸ்லிம் இல்லை. தி.மு.க அணியில் இடம் பெற்ற முஸ்லிம் லீக் தலைவர் காதர் மொய்தீன், வேலூர் தொகுதியில் ஏணிச் சின்னத்தில் போட்டியிடப் போவதாகச் சொன்னார். ஆனால் சில நாட்களில் தி.மு.கவின் சின்னம் ஆனது. அ.தி.மு.கவின் 23 வேட்பாளர்களில் ஒருவர் கூட முஸ்லிம் இல்லை. சென்னையில் மனிதநேய மக்கள் கட்சி சார்பில் த.மு.மு.க பொதுச் செயலாளர் ஹைதர் அலி போட்டியிடுவார் என்று அறிவித்தவுடன், தயாநிதி மாறனுக்கு உதவி செய்ய ஒரு முஸ்லிம் வேட்பாளரை அறிவித்துள்ளது அக்கட்சி. இதெல்லாம் எங்களுக்கு தேர்தலின் தொடக்கத்தில் கிடைத்த ஒரு வெற்றிதான்.

?. இந்திய அளவில் முஸ்லிம் மற்றும் சிறுபான்மையினர் எழுச்சி எப்படி உள்ளது?

காங்கிரஸிற்கு எதிர்ப்பு உள்ள அஸ்ஸாம், மேற்கு வங்காளம், பீஹார், ராஜஸ்தான், உத்திர பிரதேசம், மஹாராஷ்டிரா உள்ளிட்ட மாநிலங்களில் 'ஐக்கிய ஜனநாய முன்னணி' என்று கூட்டணி அமைத்து காங்கிரஸை எதிர்த்துக் களம் கண்டுள்ளார்கள். ஐக்கிய முற்போக்குக் கூட்டணியரசு முஸ்லிம் மற்றும் சிறுபான்மையினருக்கு எதிராகச் செயல்பட்டது என்ற கோபம் இம்மக்களிடம் பொதுவாக நிலவுகிறது. உதாரணமாக ஐக்கிய முற்போக்கு கூட்டணி அரசின் குறைந்த பட்ச செயல்திட்டதில், 'பாலஸ்தீன மக்களை அன்றாடம் கொன்று குவித்து வரும் இஸ்ரேலுடன் உறவைப் பலப்டுத்தி, இஸ்ரேலின் உளவு செயற்கைக் கோளான டெஸ்காரை ஸ்ரீஹரி கோட்டாவில் இருந்து இந்தியா ஏவி உள்ளது. இது போன்ற பல செயல்பாடுகளைச் சொல்லாம்.2004 தேர்தல் அறிக்கையில் கொடுத்த, தலித் கிறிஸ்தவர்களுக்கு இடஒதுக்கீடு தருவோம்' என்ற உறுதியை ஐந்து ஆண்டுகால ஆட்சியில் நிறைவேற்றத் தவறியது காங்கிரஸ். அதுமட்டுமின்றி 2009 தேர்தல் அறிக்கையில் கூட தலித் கிறிஸ்தவர்கள் இட ஒதுக்கீடு தொடர்பாக ஒருவரிகூட இல்லை. எனவே முஸ்லிம் உள்ளிட்ட சிறுபான்மை மக்கள் காங்கிரஸுக்கு எதிரன சூழலிலேயே உள்ளனர்.

?. ''மகாமகத் திருவிழாவ தேசியத் திருவிழாவாக அறிவிப்பீர்களா? என்று செய்தியாளர்கள் கேட்டபோது மணிசங்கர் ஐயர், ''நான் நாஸ்திகன், என்னிடம் யாரும் இக்கோரிக்கையை வைக்கவில்லை'' என்றார். மயிலாடுதுறை தொகுதியில் நீங்கள் தேர்வானால் இந்துக்களின் இந்தக் கோரிக்கையை ஏற்பீர்களா?

காங்கிரஸ் சார்பாகப் போட்டியிடும் மத்திய அமைச்சர் மணிசங்கர் ஐயர், மயிலாடுதுறையை துபாய் ஆக்குவேன்' என்றார். ஆனால் அவர் மூன்று முறை வெற்றி வெற்றும் எதுவும் செய்யவில்லை. இறால் பண்ணைகளைக் கொண்டு வந்து விவசாயத்தைப் பாழடித்தார். அகல ரயில் பாதை திட்டத்தை முடித்தாரா என்றால் அதையும் செய்யவில்ல. கொள்ளிடம் ஆற்று அணக்கரை பாலம் சிதிலமடைந்து, சென்னை செல்லும் மக்கள் ஊரைச் சுற்றி கூடுதல் செலவில் செல்ல வேண்டியுள்ளது. அந்தப் பாலத்தைப் பற்றியாவது கவலைப் பட்டாரா என்றால் அதுவும் இல்லை. இப்படிப்பட்ட பல பிரச்சினைகளுக்கு இடையே நான் தேர்வு ஆனால், அனைத்து தரப்பு மக்களுக்க்கும் பயன்படக் கூடியலிஅனைவரின் அபிலாஷைகளையும் பூர்த்தி செய்யக் கூடிய பணிகளில் அதிக அக்கறை செலுத்துவேன்.

நன்றி தமிழன் எக்ஸிபிரஸ் 07.05.2009