நான்கு தினங்களுக்கு முன்னர் செயற்குழு கூட்டத்திற்குப் பின், காதர் மொய்தீன் எம்.பி., நிருபர்களிடம் கூறியதாவது: ''கட்சியின் முடிவுப்படி வேலூர் தொகுதியில் நான் மீண்டும் போட்டியிடுகிறேன். கடந்த முறை உதய சூரியன் சின்னத்தில் போட்டியிட்டேன். இதை முஸ்லிம் சமூகத்தில் பல்வேறு இயக்கங்கள், கட்சியை தி.மு.க.,வில் அடகு வைத்து விட்டதாக பிரசாரத்தில் ஈடுபட்டன. இந்த பிரசாரத்தை முறியடிக்கும் வகையில், இந்த முறை 'ஏணி' சின்னத்தில் போட்டியிடுகிறேன்'' என்று கூறியது நினைவு இருக்கலாம்.
ஆனால் இப்போது காதர் முகையதீன் வேட்பாளர் தேர்வு நடைபெறுகிறது என்றும் , உதய சூரியன் சின்னத்தில் தான் போட்டியிடப் போவதாகவும், ஏணி சின்னத்தில் இல்லை என்றும் கூறியுள்ளார். இதில் இருந்து திமுகவின் அதிகார பூர்வமான சிறுபான்மை பிரிவு தாங்கள் தான் என்று உறுதி பட தெரிவித்துள்ளார்.
